MUKANDA WA KANANKA WA MOSE AWITANYINWA’SHI BIBADIKO (MBADI) 1 Chapitre 1 1 Na Yepowa besaambile na Mose, mu kabaaka ka Sinai, mu shibo y’efumankeeno, p’efuku dia kumpala dia mweshi wa kabidi wa kipwa kia kabidi kunyima kwa kutuuka kwabo kwa mwiumbo dia Eshipitu, aye nkwamba’shi : 2 Tuusha kipeta kia bungi booso bwa kakongye ka baana ba Isalele, muyiile bifuko biabo, muyiile mashibo aabo a ba nshabo, mupuunda bungi bwa mashina, balume booso, ku muntu ku muntu : 3 kubangila ku bukulu bwa bipwa makumi abidi na kunundu, baaba booso ba Isalele balombeene kufuba mufubo wa busalayi, obe na Alono nukeebabadikye muyiile bibumbu biabo bia basalayi. 4 Dingi, kukeekale muntu umune umune n’enu ku kisaamba, muntu umune fumu a shibo ya ba nshabo. 5 Na mashina a bantu bakwimana n’enu ngano : bwa Lubeene, nyi Edisula, mwana a Shendeule ; 6 bwa Shimeono, nyi Shelumyele, mwana a Sudishandai ; bwa Yuda nyi Nashone, mwana a Aminandaba ; bwa Isakala, nyi Netanele, mwana a Suala ; 9 bwa Sabulone, nyi Eliabe, mwana a Helone ; 10 bwa baana ba Yosefe balume, nyi Edishama, mwana a Amiunda bwa Efalayime ; bwa Manase, nyi Ngamediele, mwana a Pendasula ; 11 bwa Beshamee nyi Abindana, mwana a Ngindonyi ; 12 bwa Dana, nyi Akesele, mwana a Amishandai ; 13 bwa Aseele, nyi Pangiele, mwana a Okolane ; 14 bwa Ngada, nyi Eliasafe mwana a Ndewele ; 15 bwa Nefutali, nyi Akila, mwana a Enane. 16 Baaba nyi babaadi bu tupodi twa kakongye, ba fumu ba bisaamba bia ba-nshabo, ba fumu ba bisaka bioso binununa binunu bia beena Isalele. 17 Mose na Alono babaatshile baaba bantu, babaadi basangulwe ku mashina aabo, 18 na bababuungile kakongye kooso, mwifuku dia kumpala dia mweshi wa kabidi ; na muntu ooso [a kwabadi] babweelele kubatuukile kifuko kiaye1 muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, ku muntu ku ku muntu. 19 Anka bibaadi Yepowa mukamikile Mose, ngi bibebabadikile bungi mu kabaaka ka Sinai. *(1) Sunga’shi : Muntu ooso babweelele kufikye bwana bwaye, kulonda mashina a ba nshaye-kulu. 20 Na baana ba Lubeene, mwana mbedi a Isalele, bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, ku muntu ku muntu, balume booso, kubanga ku bukulu bwa bipwa makumi abidi na kunundu, baaba booso babaadi bakumbane ku mufubo wa busalayi, 21 baaba bababadikilwe ba mu kisaamba kia Lubeene babaadi binunu makumi ananka na bisamombo na nkama itano. 22 Bwa baana ba Shimeono : bipungo biabo, muyiile bifuko biabo, muyiile mashibo aabo a ba nshabo, baaba bababadikilwe mupuunda bungi bwa mashina, ku muntu ku muntu, balume booso, kubanga ku bukulu bwa bipwa makumi abidi na kunundu, booso babaadi balombane ku mufubo wa busalayi, 23 baaba bababadikilwe ba mu kisaamba kia Shimeono babaadi binunu makumi atano na kitema na nkama isatu. 24 Bwa baana ba Ngada : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi balombane ku mufubo wa busalayi, 25 baaba bababadikilwe ba mu kisaamba kia Ngada babaadi binunu makumi ananka na bitano na nkama isamombo na makumi atano. 26 Bwa baana ba Yuda : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi balombane ku mufubo wa busalayi, 27 baaba bababadikilwe ba mu kisaamba kia Yuda babaadi binunu makumi musambobidi na binanka na nkama isamombo. 28 Bwa baana ba Isakala : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba babaadi bakumbane bwamufubo wa busalayi, 29 baaba bababadikilwe ba mu kisaamba kia Isakala babaadi binunu makumi atano na binanka na nkama inanka. Bwa baana ba Sabulone : bipungo biabo, 30 muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi, 31 baaba bababadikilwe ba mu kisaamba kia Sabulone babaadi binunu makumi atano na musambobidi na nkama inanka. Bwa baana ba Yosefe, ku baana ba Efalayime : 32 bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi, 33 baaba bababadikilwe ba mu kisaamba kia Efalayime babaadi binunu makumi ananka na nkama itano. 34 Bwa baana ba Manase : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi, 35 baaba bababadikilwe ba mu kisaamba kia Manase babaadi binunu makumi asatu na bibidi na nkama ibidi. 36 Bwa baana ba Beshamee : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi, 37 baaba bababadikilwe ba mu kisaamba kia Beshamee babaadi binunu makumi asatu na bitano na nkama inanka. 38 Bwa baana ba Dana : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi, 39 baaba bababadikilwe ba mu kisaamba kia Dana babaadi binunu makumi asamombo na bibidi na nkama musambobidi. 40 Bwa baana ba Aseele : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi, 41 baaba bababadikilwe ba mu kisaamba kia Aseele babaadi binunu makumi ananka na kimune na nkama itano. 42 Bwa baana ba Nefutali : bipungo biabo, muyiile bifuko biabo, muyiile mashibo aabo a ba nshabo, mupuunda bungi bwa mashina, kubanga ku bukulu bwa bipwa makumi abidi na kunundu, booso babaadi bakumbane bwa mufubo wa busalayi, 43 baaba bababadikilwe ba mu kisaamba kia Nefutali babaadi binunu makumi atano na bisatu na nkama inanka. 44 Baaba ngi beeni babadikwe, bababadikilwe kwi Mose na Alono na kwi baaba bantu ekumi na babidi, tupodi twa [beena] Isalele : kubaadi muntu umune bwa shibo na shibo ya ba nshabo. 45 Na babadikwe booso ba ku baana ba Isalele, muyiile mashibo aabo a ba nshabo, kubanga ku bukulu bwa bipwa makumi abidi na kunundu, baaba booso babaadi bakumbane bwa mufubo wa busalayi mu Isalele, 46 booso babadikwe, babaadi binunu nkama isamombo na bisatu na nkama itano na makumi atano. 47 Anka beena Lefi, muyiile kisaamba kia ba nshabo, tabababadikilwe munkatshi mwabo nya. 48 Mwanda Yepowa besaambile na Mose, amulungula’shi : 49 Anka peenda kisaamba kia Lefi, tokekibadikanga na tokatuushanga kipeta kia bungi bwakio munkatshi mwa baana ba Isalele. 50 N’obe, okatuula beena Lefi mu mufubo wa kufuba mu shibo yi selele ya bu-kamoni, na [kufuba] ku bifubilwanga bia mwanka bioso, na ku bintu bia mu yaya shibo : abo nyi abakasemuna shibo yi selele na bifubilwanga biayo bioso ;abakafuba mwanka mufubo, na abakashaala mbwipi mwa shibo yi selele [beyifuunyishe], 51 na shibo yi selele payikabanga lwendo, beena abakeyipoongola, na shibo yi selele payikashaadikwa [mu musuumba], beena Lefi abakeyishimika ; na mwenyi2 akefubwila peepi n’ayo akayipayibwa. 52 Na baana ba Isalele abakashaala muntu na muntu wa’bo musuumba, na muntu ooso peepi n’ebeendela diaye, muyiile bisaka biabo bia basalayi. 53 Na beena Lefi abakashaala wabo musuumba mbwipi mwa shibo yi selele ya bu-kamonyi beyiifunyishe, bwa’shi takwikalanga suungu pe kakongye ka baana ba Isalele ; na beena Lefi abakeekala na bulami pa shibo yi selele ya bu-kamonyi. 54 Na baana ba Isalele babakitshiine muyiile bioso bibaadi Yepowa mukamikile Mose ; babakitshiine biabia. *(2) Sunga’shi : mungi muntu shii mwina Lefi. 2 Chapitre 2 *1 Na Yepowa besaambile na Mose na Alono, aye’shi : 2 Baana ba Isalele abakashaala mu musuumba, muntu na muntu ooso peepi n’ebeendela diabo, muushi mwa bitundwilo bia shibo yaabo ya ba nshabo ; abakashimika aabo mashibo afuunyishe shibo y’efumankeeno, ku bula, na eekale etaleene. 3 [Tala] abakashaala musuumba ku esete, dia kutuunduka nguba, muushi mw’ebeendela dia musuumba wa Yuda, muyiile kibumbu kiaye kia basalayi : kapodi ka baana ba Yuda, Nashone, mwana a Aminandaba, na kibumbu kiayekia basalayi ; na [bantu] baaye babadikwe, binunu makumi musambobidi na binanka na nkama isamombo. — 5 Na baaba abakashaala mussumba peepi n’aye, nyi kisaamba kia Isakala, kapodi ka baana ba Isakala, nyi Netanele, mwana a Suala, na kibumbu kiaye kia basalayi ; 6 na [bantu] baaye babadikwe, binunu makumi atano na binanka na nkama ananka. — 7 Akikeekala [n’abo pamune] nyi nkisaamba kia Sabulone : kapodi ka baana ba Sabulone, nyi Eliabe mwana a Kelone, na kibumbu kiaye kia basalayi ; 8 na [bantu] baaye babadikwe, binunu makumi atano na musambobidi na nkama inanka. — 9 Bantu booso babadikwe ba musuumba wa Yuda, binunu lukama na makumi mwaanda na bisamombo na nkama inanka, muyiile bibumbu biabo bia basalayi ; abakeenda bu ba kwibedi. 10 Ebeendela dia musuumba wa Lubeene, muyiile bibumbu biaye bia basalayi, adikeekala dia ku lupese lwa ku midi1 : kapodi ka baana ba Lubeene, nyi Edisula, mwana a Shendeule, na kibumbu kiaye kia basalayi ; 11 na bantu baaye babadikwe, binunu nkama inanka na bisamombo na nkama itano. — 12 Na baaa abakashaala musuumba peepi n’aye, nyi nkisaamba kia Shimeono : kapodi ka kisaamba kia shimeono, nyi Shelumyele, mwana a Sudishandai, na kibumbu kiaye kia basalayi ; 13 na bantu baaye babadikwe, binunu makumi atano na kitema na nkama isatu. — 14 Na akikeekala [n’abo pamune] nyi nkisaamba kia Ngada : kapodi ka baana ba Ngada, nyi Eliasafe, mwana a Ndewele, na kibumbu kiaye kia basalayi ; 15 na bantu baaye babadikwe, binunu makumi ananka na bitano na nkama isamombo na makumi atano. — 16 Bantu booso babadikwe ba musuumba wa Lubeene, binunu lukama na makumi atano na kimune na nkama inanka na makumi atano, muyiile bibumbu biabo bia basalayi ; abakeeka bu ba kabidi. *(1) Sunga’shi : lupese lwa ku Sude. 17 Na shibo y’efumankeeno ayikeenda, musuumba wa beena Lefi munkatshi mwa misuumba ; bu biabekalanga bashimikye aabo mashibo, bino namu abeende, muntu na muntu pa mbalo yaye, muyiile mabeendela aabo. 18 Ebeendela dia musuumba wa Efalayime , muyiile bibumbu biaye bia basalayi, adikeekala lupese lwa kupona nguba : kapodi ka baana ba Efalayime, Edishama, mwana a Amiunda, na kibumbu kiaye kia basalayi ; 19 na bantu baaye babadikwe, binunu makumi ananka na nkama itano. — 20 Na peepi n’aye nyi nkisaamba kia Manase : kapodi ka baana ba Manase, nyi Ngamediele, mwana a Pendasula, 21 na kibumbu kiaye kia basalayi ; na bantu baaye babadikwe, binunu makumi asatu na bibidi na nkama ibidi. — 22 Na kisaamba kia Beshamee akikeekala [n’abo pamune] : kapodi ka baana ba Beshamee, nyi Abindana, mwana a Ngindonyi, 23 na kibumbu kiaye kia basalayi ; na bantu baaye babadikwe, binunu makumi asatu na bitano na nkama inanka. — 24 Bantu booso babadikwe ba musuumba wa Efalayime, binunu lukama na mwaanda na lukama, muyiile bibumbu biabo bia basalayi ; n’abo abakeenda bu ba kasatu. 25 Ebeendela dia musuumba wa Dana, muyiile bibumbu biaye bia basalayi, adikeekala dia ku lupese lwa noolo : kapodi ka baana ba Dana, nyi Akesele, mwana a Amishandai, 26 na kibumbu kiaye kia basalayi ; na bantu baaye babadikwe, binunu makumi asamombo na bibidi na nkama musambobidi. — 27 Na baaba abakashaala namu musuumba peepi n’aye, nyi nkisaamba kia Aseele : kapodi ka baana ba Aseele, nyi Pangiele, mwana a Okolane, 28 na kibumbu kiaye kia basalayi ; na bantu baaye babadikwe, binunu makumi ananka na kimune na nkama itano. — 29 Na kisaamba kia Nefutali akikeekala [n’abo pamune] : kapodi ka baana ba Nefutali, nyi Akila, mwana a Enane, na kibumbu kiaye kia basalayi ; 30 na bantu baaye babadikwe, binunu makumi atano na bisatu na nkama inanka. — 31 Bantu booso babadikwe ba musuumba wa Dana, binunu lukama na makumi atano na musambobidi nankama isamombo ; abakeenda bu ba kunyima muyiile mabeendela aabo. 32 Baaba ngi bantu babadikwe ba ku baana ba Isalele, muyiile mashibo aabo a ba nshabo. Booso babadikwe ba mu misuumba, muyiile bibumbu biabo bia basalayi, babaadi binunu nkama isamombo na bisatu na nkama itano na makumi atano. 33 Anka beena beena Lefi tabababadikilwe munkatshi mwa baana ba Isalele nya, biini bibaadi Yepowa mukamikile Mose : 34 Na baana ba Isalele nyi bibakitshiine muyiile bioso bibaadi Yepowa mukamikile Mose : nyi bibabashaaleele musuumba muyiile mabeendela aabo, n’abio nyi bibabeendanga, muntu na muntu muyiile bifuko biabo, muyiile na mashibo aabo a ba nshabo. 3 Chapitre 3 *1 Bipungo bia Alono na bia Mose, kwifuku dibesaambile Yepowa na Mose pa mwengye wa Sinai nyi mbino. 2 Na mashina a baana ba Alono balume ngano : mwana mbedi, Nandaba, na Abiu, Eleasala na Itamala. 3 Aa ngi mashina ba Alono, tshiite-mwakwidi mushiingwe mwimu, babaadi bepaane1 bwa kukita mufubo wa bu-tshiite-mwakwidi. 4 Anka, Nandaba na Abiu babafwidiile kumpala kwa Yepowa, pababalubwiile kaalo ka bisumanga kumpala kwa Yepowa mu kabaaka ka Sinai, na tababatandjie baana nya2 ; Eleasala na Itamala [nyi] babakitshiine mufubo wa bu tshiite-mwakwidi mu meeso mwa nshanbo Alono. *(1) Tala Kikatukilo. 28, 41. 5 Na Yepowa besaambile na Mose, aye nkwamba’shi : 6 Itanyina kisaamba kia beena Lefi, wekiyimikye kumpala kwa Alono, tshiite-mwakwidi, bwa’shi bamufubile, 7 na’shi bakumbashe kiakia akikyebe mufubo2 waye, na ku mufubo wa kakongye kooso, bwa kukita mufubo wa shibo yi selele ; 8 abo namu abakeekala na mufubo wa bifubilwanga bioso bia mu shibo y’efumankeeno, na [mufubo] wa kukita kioso akituungu ku mufubo wa baana ba Isalele, bwa kukita mufuba wa shibo yi selele. 9 Otuushe beena Lefi webape Alono na baana baaye ; abo abakeekala bapeebwe Alono losoo kwi baana Isalele. 10 Na Alono na baaba baana baaye webape matalwa, bwabadia kukumbasha kiabebatekye kwi mufubo wabo wa bu tshiite-mwakwidi ; na mwenyi3 akefubwiila peepi akayipayibwa. *(2) Sunga’shi : bakumbashe kiakia akikyebe ku bushito bwadi n’abo. — (3) Sunga’shi : mungi muntu shii tshiite mwakwidi. 11 Na Yepowa besaambile na Mose, aye nkwamba’shi : 12 Ami namu, talanga, naata beena Lefi munkatshi mwa baana ba Isalele, pa mbalo ya baana mwan’ooso mulume mbedi a ku baana ba Isalele afuungula kitandjilo ; na beena Lefi abakeekala bande ; 13 mwanda ooso mwana mbedi ngande. Efuku dinayipayile mwan’ooso mbedi mwiumbo dia Eshipitu, nelamunwiine mwan’ooso mbedi mu Isalele, kubanga kwi muntu mpaa na kwi nyema : abakeekala bande. Ami ne Yepowa. 14 Na Yepowa besaambile na Mose, mu kabaaka ka Sinai, aye nkwamba’shi : 15 Badika baana ba Lefi muyiile mashibo aabo a ba nshabo, muyiile bifuko biabo : obadikye baana balume booso kubanga ku bakulu bwa mweshi umune na kunundu. 16 Mose bebabadikile muyiile eyi dibatumine Yepowa, bu bibaabadi bamukamikile. 17 Baana ba Lefi balume, muyiile mashina aabo mbano : Ngyeshone na Keate, na Melali. 18 Na mashina a baana ba Ngyeshone balume, muyiile bifuko biabo ngano : Libinyi na Shimi. 19 Na baana ba Keate balume, muyiile bifuko biabo ngano : Amalama, na Shitesela, Ebelone na Ushiele. 20 Na baana ba Melali balume, muyiile bifuko biabo ngano : Makeli na Mushi. Biabia ndjo bifuko bia Lefi, muyiile mashibo aabo a ba nshabo. 21 Kwi Ngyeshone, kifuko kia beena Libinyi na kifuko kia beena Shimi ; biabia ndjo bifuko bia beena Ngyeshone : 22 baaba ba munkatshi mwabo bababadikilwe, pa kubala balume booso kubanga ku bukulu bwa mweshi umune na kunundu, baaba bababadikilwe babaadi binunu musambobidi na nkama itano. 23 Bifuko bia beena Ngyeshone babashaleele musuumba mu nyima mwa shibo yi selele, lupese lwa kupona nguba ; 24 na kapodi ka mu shibo ya nshabo na beena Ngyeshone nyi Eliasafe, mwana a Laele. 25 Na mufubo wa baana ba Ngyeshone, ku shibo y’efumankeeno, ubaadi wa kwiyibwikiila, na [kupudika] kilamba kia ku kitwelelo kia shibo y’efumankeeno, 26 na bilamba bia mu mbalanda, na kilamba kia kwembelesha kia ku kitwelelo kia mbalanda kifuunyishe shibo yi selele na kilambwilo, mpaa na miooshi ya kufuba n’ayo mufubo ooso. 27 Na kwi Keate, kifuko kia beena Amalama, na kifuko kia beena Shitesela, na kifuko kia beena Ebelone, na kifuko kia beena Ushiele ; ndjo bifuko bia beena Keate biabia : 28 pa kubala baana balume booso, kubanga ku bukulu bwa mweshi umune na kunundu, kubaadi binunu mwaanda na nkama isamombo, babaadi na mufubo wa mbalo yi selele. 29 Bifuko bia baana ba Keate bibashaleele musuumba mbwipi mwa shibo yi selele, lupese lwa ku midi4 ; 30 na kapodi ka shibo ya nshabo a bifuko bia beena Keate baadi, Edisapana, mwana a Ushiele. 31 Na mufubo wabo ubaadi wa musheete [wa kilombeeno], na meesa, na kituulo kia malampi, na bilambwilo, na bifubilwanga bia mbalo yi selele, biabia biabafuba nabio mufubo, na kilamba kia lushiko na mufubo wabio ooso. — 32 Na kapodi fumu a tupodi twa beena Lefi baadi Eleasala, mwana a Alono, tshiite-mwakwidi ; baadi mupeebwe matalwa panundu pa baaba babaadi na bushito bwa kufuba mu mbalo yi selele. *(4) Sunga’shi : lupese lwa ku sude. 33 Kwi Melali, kifuko kia beena Makeli na kifuko kia beena Mushi ; ngi bifuko bia Melali biabia : 34 na ba munkatshi mwabo namu bababadikilwe, pa kubadika kwa balume booso ba bukulu bwa mweshi umune na kunundu, babaadi binunu bisamombo na nkama ibidi. 35 Na kapodi ka shibo ya nsha bo a bifuko bia Melali baadi eshina ba Sudiele, mwana a Abikaile. Babashaleele musuumba lupese lwa shibo yi selele, dia ku noolo. 36 Na bulami bwa ntempa ya shibo yi selele, na bwa mitandalo yayo, na bwa bibayi na bwa bishimikilo, na bwa bifubilwanga bioso, na bwa mufubo ubebitalanga, 37 na biluu bia lupoopo lwa mbalanda kwilufuunyisha, na bishimikilo biabio, na bisoongo biabio, na miooshi yabio, bibapeelwe baana ba Melali [bwa kwibilama]. 38 Baaba namu babashaleele musuumba kumpala kwa shibo yi selele, dia ku lupese lwa kutuunduka nguba, kumpala kwa shibo y’efumankeeno, dia kutuunduka nguba, nyi Mose na Alono na baana baaye balume, babaadi abatala eyiso ku mufubo wa shibo yi selele bwa kiakia kioso kibaadi kipeebwe baana ba Isalele. — Na mwenyi ooso akeseesela peepi akayipayibwa. 39 Beena Lefi booso babadikwe, bababadikilwe na Mose na Alono muyiile bifuko biabo, [na] muyiile ekoma dia Yepowa, balume booso babangile ku bukulu bwa mweshi umune na kunundu, babaadi binunu makumi abidi na bibidi. 40 Na Yepowa balungwile Mose’shi : Badika bungi bwa baana ba Isalele balume babedi, babangile ku bukulu bwa mweshi umune na kunundu, na otuushe bungi bwa mashina aabo. 41 Na waate beena Lefi bwande’mi (ami na Yepowa), pa mbalo ya [baana balume] babedi booso ba munkatshi mwa baana ba Isalele, na [waata] bimunwanga bia beena Lefi pa mbalo ya nyema yibedi munkatshi mwa bimunwanga bia baana ba Isalele. 42 Na Mose babadikile bungi bwa [baana] babedi booso balume munkatshi mwa baana ba Isalele, bu bibaadi bimukamikile Yepowa ; 43 na baana booso babedi balume, muyiile bungi bwa mashina, babangile ku bukulu bwa mweshi umune na kunundu, muyiile kubadikwa kwabo, babaadi binunu makumi abidi na bibidi na nkama ibidi na makumi musambobidi na basatu. 44 Na Yepowa besaambile na Mose, aye nkwamba’shi : 45 Ata beena Lefi, pa mbalo ya [baana balume] babedi booso munkatshi mwa baana ba Isalele, na bimunwanga bia beena Lefi, pa mbalo ya bimunwanga biabo ; na beena Lefi abakeekala bu bande’mi. Ne Yepowa. 46 Na pa bitale baaba abatuungu kukuulwa, baaba [baana] nkama ibidi na makumi musambobidi na basatu ba munkatshi mwa baana ba Isalele babedi, basubukile beena Lefi bungi, 47 waate shekyele itano ku [mutwe wa] muntu ; waate wawa muulo muyiile shekyele a mu mbalo yi selele, shekyele a muulo wa gueras makumi abidi, 48 na okape Alono na baana fwalanga ya baaba babakuulwa, basubukile beena Lefi bungi. 49 Na Mose baatshile fwalanga ya nkuulo, ya ku baaba babaadi basubukile bungi bwa baaba babaadi bakuulwe na beena Lefi. 50 Baatshile fwalanga kwi babbedi ba munkatshi mwa baana ba Isalele, shekyele kinunu na nkama isatu na makumi asamombo na itano, muyiile shekyele a mu mbalo yi selele. 51 Na mose bapeele Alono na baaba baaye fwalanga ya bakuulwe, muyiile ekoma dia Yepowa, bu bibaadi Yepowa mukamilile Mose. 4 Chapitre 4 *1 Na Yepowa besaambile na Mose na Alono, aye nkwambashi : 2 Tuusha kipeta kia bungi bwa baana ba Keate munkatshi mwa baana ba Lefi, muyiile bifuko biabo, muyiile mashibo aabo a ba nshabo, 3 kubanga bukulu bwa bipwa makumi asatu na kunundu, mpaa na ku bukulu bwa bipwa makumi ataano, baaba boso abatwele mu mufubo bwa kufuba mufubo mu shibo y’efumankeeno. 4 Mufubo wa baana ba Keate, mu shibo y’efumankeeno nguno : nyi nkintu kikile selele. — 5 N’apakashimuka musuumba bwa lwendo, Alono na baana baaye balume abakatwela, n’abakapuula kilamba kia lushiko, bekibwikile musheete wa bu-kamoni ; 6 batentekye mbwisha a misokya ya tunyema twa nkooshi panundu, bataandjikye’ni na kilamba kia ndala ki bulee kioso panundu ; bekutuule na mitshi ya kusemwiina. 7 N’abakataandjika kilamba kia ndala ki bulee pa meesa a [kutuula] mikate ya kishila, n’abakatuulu malonga aalame panundu paao, na makopo na bipulu, na bitobo bia [kupoongolwela] bisaba ; na mukate wa mafuku ooso aukeekala pa aa meesa. 8 N’abakataandjika panundu pa bino bintu bioso kilamba kia ndala kimongolokye, n’abamubwikiila mbwisha a misokya ya tunyema twa nkooshi, bekutuule na mitshi ya kusemwiina. 9 Abakaata na kilamba kia ndala ki bulee, bekibwikiile kituulo kia kimunyi, na malampi aakio, na tumano twa kushima n’ato malampi na tulonga twa kukukwiila buto, na tulonga twa kwelela mwimu, bintu biabafubaa na’bio mufubo wa kituulo ; 10 n’abakatuula, kituulo kia malampi na bifubilwanga biakio bioso, mu mbwisha a misokya ya tunyema twa nkooshi, kubapu bekituule ku mutshi wa loobo. 11 Na pa kilambwilo kibaambikwe oolo, abakataandjika kilamba kia ndala ki bulee, kubapu bekibwikiile mbwisha a misokya ya tunyema twa nkooshi, bekutuule na mitshi ya kusemwiina. 12 N’abakaata bifubilwanga bioso bia mufubo biabafuba n’abio mufubo mu mbalo yi selele, bebiele mu kilamba kia ndala ki bulee, kubapu bebibwikiile mbwisha a misokya ya tunyema twa nkooshi, na bekituule ku mutshi wa loobo. 13 N’abakakaasha buto bwi mu kilambwilo, n’abakekutaandjika kilamba kia ndala kimongye pyuu. 14 Abakatuula mwanka bifubilwanga bioso bia kilambwilo biabafuba n’abio mufubo w’akio : ma mbabula, nsomo [ya kusomekyela mwiita], na bikasu, na malonga akata, bifubilwanga bioso bia kilambwilo ; n’abakataandjika mbwisha a misokya ya tunyema twa nkooshi panundu, bekutuule na mitshi ya kusemwiina. — 15 Na Alono na baana baaye balume pabakapudisha kubwikiila mbalo yi selele na bifubilwanga bioso bia mu mbalo yi selele, pakushimuka kwa mu musuumba, pa kubanga lwendo lwa kukatuka mu musuumba, kunyima kwa biabia baana ba Keate abakafika bwa kwibisemuna, bwa’shi tabakumanga maasa ku bintu bi selele, tala baafwa. Biabia ngi bintu bia ku shibo y’efumankeeno abikasemuna baana ba Keate. 16 Na Eleasala, mwana a Alono, tshiite-mwakwidi, akeekala na mufubo wa kulama mwimu wa kimunyi, na wa bukula bwi mapembwe busaangye kabanda, na wa mulambu wa kitumbula wa mafuku ooso, na wa mwimu wa kushiingwa, mufubo wa kulama shibo yi selele yoso na wa [kulama] bintu bioso bi mwanka, wa [kulama] mbalo yi selele mpaa na bifubilwanga biayo. 17 Na Yepowa besaambile na Mose na Alono, aye nkwamba’shi : 18 Tanukitanga kintu kilombeene kushimisha mwiilo wa bifuko bia beena Keate munkatshi mwa beena Lefi ; 19 anka nukite bino ku mwanda wabo, bwa’shi beekale na muwa na tabafwanga, pakwiseelela peeni na mbalo yikile selele : Alono na baana baaye balume abakafika bebatuule, muntu na muntu pa mufubo waye na pa bwaye bushito [bwa bintu biadia kusemuna]. 20 N’abo tabakatwela bwa kumona, paapa pabakapuuta bintu bi selele nya, bwa’shi tabafwanga. 21 Na Yepowa besaambile na Mose, aye nkwamba’shi : 22 Tuusha’ni na kipeta kia bungi bwa baana ba Ngyeshone, muyiile mashibo aabo a ba nshabo, muyiile bifuko biabo ; 23 webabadikye kubanga ku bukulu bwa bipwa makumi asatu na kunundu, mpaa na ku bukulu bwa bipwa makumi ataano : baaba boso abatwele mu mufubo bwa kufuba mufubo, mu shibo y’efumankeeno. 24 Mufubo wa bifuko bia beena Ngyeshone nyi nguno, bwa kufuba na bwa kusemuna : 25 abakasemuna bilamba bia nshibo yi selele, na shibo y’efumankeeno, na bioso biakwiyibwikiila, na bibwikiilo bia misokya ya tunyema twa nkooshi biyipuute panundu, na kilamba kia ku kitwelelo kia shibo y’efumankeeno, 26 na bilamba bia ku lupoopo lwifunyishe, na kilamba kia ku kibelo kia ku kitwelelo ya mbalanda kifunyishe shibo yi selele na kilambwilo, na miooshi yabio, na bifubilwanga bia mufubo waalo ; kiakia kioso kia kukitwa n’abo ngi kiikale wabo mufubo. 27 Mufubo ooso wa baana ba Ngyeshone, ku bintu bioso biabasemuna na mu mufubo wa’bo, aukakunkushwa muyiile miiya ya Alono na ya baana baaye balume ; okebape’ni na bushito bwa kulama bioso biabadia kusemuna. 28 Wawa ngi mufubo wa bifuko bia baana ba Ngyeshone ku shibo y’efumankeeno : na bushito bwa’bo abukakunkushwa na Itamala, mwana a tshiite-mwakwidi Alono. 29 Pa bitale baana ba Melali balume, webabadikye muyiile bifuko biabo, na muyiile mashibo a ba nshabo. 30 Webabadikye kubanga bukulu bwa bipwa makumi asatu na kunundu, mpaa na ku bukulu bwa bipwa makumi ataano, booso abatwele mu mufubo bwa kufubila shibo y’efumankeeno. 31 Na bwiini bushito bwa bintu biabakaseuna mbuno, muyiile mufubo wabo ooso mu shibo y’efumankeeno : ntempa ya kipidi, na mbambalo yaakio, na bibai biaakio, na bishimikilo byaakio, 32 na bibai bia lupoopo lwifunyishe yaya shibo, na bishimikilo biaabio, na miooshi yaayo, na bifubilwanga biaalo bioso, muyiile mufubo waabio ooso ku shibo y’efumankeeno ; dingi webabadikile, [na kwibateemwina] kwishina n’eshina, bintu bilombeene muntu ooso atwala. 33 Ngi mufubo wa bifuko bia baana ba Melali wawa, bwa mufubo wbo ooso mu shibo y’efumankeeno, ku bukunkushi bwa Itamala, mwana a Alono, tshiite-mwakwidi. 34 Mose na Alono, na tupodi twa mwilo, bababadikile bungi bwa baana ba beena Keate , muyiile bifuko biabo na muyiile mashibo a ba nshabo, 35 kubanga ku bukulu bwa bipwa makumi asatu na kunundu, mpaa na ku bukulu bwa bipwa makumi ataano, baaba booso balombeene kutwela mu mufubo mu shibo y’efumankeeno : 36 kubadikwa kwabo, muyiile bifuko biabo, babaadi bungi bwa binunu bibidi na nkama musambobidi na makumi ataano. 37 Baaba ngi babadikwe ba mu bifuko bia beena Keate, booso babafubanga mu shibo y’efumankeeno, babababadikile kwi Mose na Alone muyiile eyi dibabakamikile Mose kwi Yepowa. 38 Baaba namu bababadikilwe ba munkatshi mwa baana ba Ngyeshone, muyiile bifuko biabo, na muyiile mashibo aabo a ba nshabo, 39 kubanga ku bukulu bwa bipwa makumi asatu na kunundu, mpaa na ku bukulu bwa bipwa makumi ataano, baaba booso babatwelele mu mufubo bwa kufuba mu shibo y’efumankeeno : 40 bungi bwa babadikwe, muyiile bifuko biabo, na muyiile mashibo aabo a banshabo, babaadi binunu bibidi nkama isamombo na makumi asatu. 41 Baaba ngi babadikwe ba mu bifuko bia baana ba Ngyeshone, booso babafubanga mu shibo y’efumankeeno, babababadikile kwi Mose na Alone muyiile eyi dibakamikile Yepowa. 42 Baaba namu bababadikilwe ba munkatshi mwa bifuko bia baana ba Melali, muyiile bifuko biabo, na muyiile mashibo aabo a ba nshabo, 43 kubanga ku bukulu bwa bipwa makumi asatu na kunundu, mpaa na ku bukulu bwa bipwa makumi ataano, baaba booso babatwelele mu mufubo bwa kufuba mu shibo y’efumankeeno : 44 bungi bwa babadikwe, muyiile bifuko biabo, babaadi binunu bisatu na nkama ibidi. 45 Baaba ngi babadikwe ba mu bifuko bia baana ba Melali, babababadikile kwi Mose na Alone muyiile eyi dibabakamikile Mose kwi Yepowa. 46 Baaba booso bababadikilwe, babababadikile kwi Mose na Alone mpaa na kwi tupodi twa beena Isalele, kwamba’shi, beena munkatshi mwa baana Lefi, muyiile bifuko biabo na muyiile mashibo aabo a ba nshabo, 47 kubanga ku bukulu bwa bipwa makumi asatu na kunundu, mpaa na ku bukulu bwa bipwa makumi ataano, baaba booso babatwelele bwa kufuba mu mufubo na kusemuna [bifubilwanga], mu shibo y’efumankeeno, — 48 bababadikilwe booso, babaadi binunu mwaanda nkama itaano na makumi mwaanda. 49 Babababadikile muyiile eyi dibabakamikile Mose kwi Yepowa, muntu ooso [a ku beena Lefi] muyiile mufubo waye na muyiile ebofu diaye [dia kutwala] ; na bababadikilwe kwadi, bu bibaadi Yepowa mukamikile Mose. “CORRIGE JUSQU’ICI.-“ 5 Chapitre 5 *1 Na Yepowa besaambile na Mose, aye nkwamba’shi : 2 Kamikila baana ba Isalele batuushe mwina kifwi ooso paasha pa musuumba, na muntu ooso e na musololo wa mase, mpaana ooso e butete pa mwanda wa kukuma kitaanda kia muntu mufwe. 3 Booso balume sunga bakashi [be biabia], nwibatuushe paasha ; nwibatuushe paasha pa musuumba, tala beekasha misuumba yabo butete, mwamwa mwandji’mi mushaale munkatshi mwabo. 4 Na baana ba Isalele babakitshiine’nka biabia, bebatuusha paasha pa musuumba ; muyiile biabia bibaakwile Yepowa alungula Mose, ngi bibakitshiine baana ba Isalele biabia. 5 Na Yepowa besaambile na Mose, aye nkwamba’shi : 6 Lungula baana ba Isalele : Su [kwi] mwana malume sunga mwana mukashi bakitshi umune wa ku milwisho yoso yilombeene muntu kukita, pa bakutwa kishima kwi Yepowa, wiini yawa muntu namu bepiisha mu mwanda, 7 basokole bubi bwabo bubabakitshi ; kilombeene kukitwa kwi yawa sha mwanda nyi nkwalusha kiakia kintu kiadi mwante, na kutentenka kipindji kimune kia mu bitano panundu, ngi kwikipa nabene shaa kiakia kintu kiadi mwate. 8 Anka su nabene shaa kintu akutwa mukwabo peepi abadjia kwikialwisha, paapa kiakia kintu kia kwalusha, kibafutwa Yepowa., abakekipa tshiite-mwakwidi, kutenteka pa mukooko ulume wakubwikiila [nao bubi] wabakakitshi nao mushiinga wa kubwikiila bubi bwaye. 9 Na mulambu ooso wibweshwe mwiulu wa ku bintu bioso bioso bi selele bia baana ba Isalele biabakalubula kwadi, aukeekala wa tshiite-mwakwidi. 10 Na bintu bi selele bia muntu ooso mbiaye ; kiakia kioso akituungwa kupa tshiite-mwakwidi akikeekala kiaye. 11 Na Yepowa besaambile na Mose, aye nkwamba’shi : 12 Esaambe na baana ba Isalele, webalungule’shi : Su mukashi a muntu aaluluka pa kukutwa kulamata kwi mulume aaye, 13 na mungi muntu namu balaala n’aye, dingi batambuka n’aye, wawa mwanda namu ubeekala ufiame ku meeso kwa mulume aaye, baapu namu’ye nabene kwiyikasha butete ku bufiebufie, na muntu su ngumune bakutshikwa bu kamoni, aye namu tambamukwate pa maasa ; — 14 anka kinangu kia mukao kibamufwila aye namu bakwatshila mukashi aaye mukao, paaye kwikala butete ; sunga kinangu kia mukao kibamufwila aye namu bakwatshila mukashi aaye mukao, kwashii mwibikite ; — 15 paapa mulume akafisha mukashi aaye kwi tshiite-mwakwidi, na atwala mulambu mwishina diaye, kipindji kimune ki’ekumi kia mbafu a bukula bwa poondo ; takumanga kwela mwimu panundu sunga kwela kabaanda, mwanda nyi mmulambu wa kituumbula wa mukao, kituumbula kia kitentekiesho, autuulu mu kinangu [kutentekiesha kwa] bubi. 16 Na tshiite-mwakwidi namu akafwisha yawa mukashi ku mpala kwa Nshibo amubombêlaa Yepowa. 17 Penyipapa, tshiite-mwakwidi akatapula mema a kishila mwibuka dy’ema, akemusangakane na lufwenkyenyi lwa mu yaya, Nshibo. 18 Ku nyima, tshiite-mwakwidi akangule nyene ya yawa mukashi mwimane kwanka, na kumupa mu maasa wawa mulambu wa kuteulwa, wa kutongoloshwa. Tshite-mwakwidi akekala mu maasa mwê na aa mema a taaadi bûlo aafwishaa milwaa.19 Akatshipisha yawa mukashi mutshipo, amulungule’shi : (Su mbya bînyi obe mukashi mwibakilwe, t’we mutûshe mukôlo paasha, weikasha bu e butete, ano mema ataaadi bûlo aafwishaa milwaa, t’aakukitanga kintu. 20 Talanga ! Su mbya bînyibînyi, we mutûshe mukôlo paasha, weikasha bu e butete, 21-22 Yepowa akupe kibawe : ano mema aafwishaa milwaa akakutwele mu mala, akupe busungu bwa luûlu na kukwikasha bu nkunga ! Byabya okekala otemunwa bu kilêshêsho mu nkatshi mwa mwilo wenu p’abakekala abêle muntu milwa). « Yawa mukashi namu akaakula’shi : (Bîkale’nka byabya ! ôlo, bîkale’nka byabya ! » 23 « Ku nyima tshiite-mwakwidi akafundu bishima bya yaya milwaa kwisaki, edyêle mu aa mema e bûlo, manda wa kushima byabya bifundwe. 24-25 Kwibedi kwa kutomesha yawa mukashi aa mema e bûlo aafwishaa milwaa, tshiite-mwakwidi akaata mu maasa mwa yawa mukashi wawa mulambu wa kuteulwa, eupukye, kulêsha’shi ngwa Yepowa. Kubapu, eulambule Yepowa na kwenda n’ao ku meesa pa kushîkila bitapwa. 26 Tshite-mwakwidi akasunu eyasa dya ku bwabwa bukula, abwitaaminwaa bu *kitentekyêsho, ebushîkye mu kaalo pa aa meesa. Ku nyima kwa byabya, eatomesheshe yawa mukashi. 27 Papa p’amutomeshesha, su bînyibînyi yawa mukashi mwibakilwe mmutûshe mukôlo paasha, eikasha bu e butete, aa mema e bûlo aafwishaa p’aakatwele mu mala ê, akamupa busungu bwa luûlu na kumwikasha bu nkunga. Kubanga’nka papa, akekala atemunwa bu kileshêsho mu nkatshi mwa mwilo waabo p’abakekala abêle muntu milwaa. 28 Anka, su yawa mukashi ta mmutûshe mukôlo paasha na kwiikasha bu e butete, yaya milwaa t’aikamukwata, nya, akatanda dimo baana. 29 « Byabya nyi bya kulonda bitale mwanda wa kuteulwa kwa mukashi mwibakilwe mutûshe mukôlo paasha na kwiikasha bu e butete, 30 sunga yawa abateûla kwi mulum’ê bisumanga, ê kwashi mutûshe mukôlo paasha. Mulum’ê akende’nka n’ê kwi tshiite-mwakwidi. Yawa namu akaimikye yawa mwana mukashi ku mpala kwa Nshibo ya Yepowa, na kulombasha byabya bioso abitungwa kulonda. 31 Byabya, mulume t’e na wê w’abamutopeka, nya. Anka, su mukashi mmusole, akapete kibawe kia kusôla kwê ». 6 Chapitre 6 *1 Na Yepowa besaambile na Mos, aye nkwamba’shi :bakamikile Mose 2 by’adya kulungula beena Isalele bino : « Su mwana mulume, sunga mukashi, alaa na mutshipo kwilambula kwi Yepowa bu *munasala, 3 ashile kutoma maalwa a *nfinyo na angi maalwa ooso, sunga aa maalwa ooso asase asobôlwe na mema. T’atomanganyi kingi kitomwanga kyôso kikitshîbwe na tukuba twa nfinyo. T’adyanga twatwa tukuba tubishi sunga tuume. 4 Mafuku ooso a kwipaana kwê kwi Yepowa, t’adyanga kantu su nkamune akatûku ku mulundo wa nfinyo, sunga ntete sunga bipusu. 5 Akekala’nka mwipaane kwi Yepowa. T’akakûdishanga nyene yê sunga myefu mpaa n’apakalombana aa mafuku ooso aadi mwilambule kw’adi. Dingi, alekye nyene na myefu’nka bya kulanga. 6 Mu aa mafuku ooso a kwilambula kwê, t’afikanga peepi na kitandaa kia muntu. 7 Ta mmulombêne eikasha bu e butete pa kwifubwila peepi na kitandaa kia nsh’ê su kia nyin’ê su kia mukwaabo a muunda, mulume sunga mukashi. Mwanda mwilambule kwi Yepowa bu abilêsha kitundu kia nyene yê. 8 Mu aa mafuku ooso, akekala’nka mwipaane kwi Yepowa. 9 « Su muntu afwa lufu lwa kimpulunkamba peepi n’ê, aa mafuku ê a kwilambula aapongoka, mwanda bekala bu e butete mpaa na înyi nyene yê. Byabya, kunyima kwa mafuku musambobidi akekûla yaya nyene na kwikala dimo bu shi butete. 10 Mwifuku dya mwanda, akafiki kwi tshiite-mwakwidi na makutshi abidi sunga nkudimba ibidi ku mpala kwa kibelo kia shibo y’efumankeeno na Yepowa. 11 Tshite-mwakwidi akamwêlela konyi kamune ka ku twatwa tonyi tubidi bu kitapwa kia kulekyelwa kwa milwisho yê, na kangi konyi bu kitapwa kia kushîkwa kyôso mu kaalo. Ku nyima akalombasha abitungwaa kukita bilombêne yawa muntu atôshîbwa ku wawa mwanda wa kwikala peepi na kitandaa. Anka mu dyadya efuku dimune, akalaa by’adya kwilambula dimo mpaa na nyene yê kwi Yepowa, 12 na kubangûla mafuku ê a kwilambula. Dingi, akalambula mukôko wa kipwa kimune bu kitapwa kia kwitopôla. Anka, aa mafuku a baadi mwilambule kwibedi t’aakabadikwa, nya, mwanda kwilambula kwê kubaadi kupongokye, ê pa kwikala bu e butete. 13 Bino nyi by kulondwa bitale mwanda wa muntu mwilambule bu munasala, p’efuku dya kulombasha mafuku ê a kwakwa kwilambula, abakende n’ê ku mpala kwa kibelo kia shibo y’efumankeeno na Yepowa. 14 Byabya, akalambula mulambu wê kwi Yepowa wa ino nyema isatu ishi na kilema : mukôko ulume wa kipwa kimune bu kitapwa kia kushîkwa kyôso mu kaalo, na mukôko ukashi wa kipwa kimune bu kitapwa kia kulekyelwa kwa milwisho yê, mpaa na kimpanga kia mukôko bu kitapwa kia kulombana na Yepowa. 15 Akalambulanyi kisêle mwi tumikate tushi na kitatusho, tutêkwe na bukula bwa *belê bukile buwa bufuntwe mu mwimu wa mpafu, na mangalete ashingwe wawa mwimu. Byabya bitapwa abikalambulwa pamune na mulambu wa bukula bwa belê na wa maalwa a nfinyo y’abalambûla n’abyo. 16 « Byabya, tsbite-mwakwidi akalambula yaya milambu yôso kwi Yepowa, kunyima êlele yawa munasala kitapwa kia kulekyelwa kwa milwisho yê na kia kushîkwa kyôso mu kaalo. 17 Akêlenyi kimpanga kia mukôko bu kitapwa kia kulombana na Yepowa, na kulambula kisêle kia tumikate tushi na kitatusho. Ku nyima, akalambula wawa mulambu wa bukula bwa belê na wa maalwa a nfinyo. 18 Byabya, yawa munasala akekûdila nyene yê ailêsha kwilambula kwê, ku mpala kwa kibelo kia shibo y’efumankeeno na Yepowa, kunyima êle yaya nyene mwamwa mu kaalo kakwete kushîka kyakya kitapwa kia kulombana na Yepowa. 19 Ku nyima kwa yawa munasala kwikûla kapweto, tshiite-mwakwidi akaata kyoko kia mboko kia kimpanga kia wawa mukôko kitêkye, akaatenyi mu kisêle kamukate na ngalete bishi na kitatusho, amutambikye byanka mu maasa mwê. 20 Kubapu, tshiite-mwakwidi akamwata byanka, ebipukye kulêsha’shi mbya Yepowa. Yaya milambu ngya kishila, aikekala bu ya tshiite-mwakwidi, kutenteka pa kankunku na kyoko kia mukôko abikalaa bu mushinga wê wa mafuku ooso. Kubanga papa, yaw munasala mmulombêne kushiluka maalwa a nfinyo. 21 « Byabya nyi bya kulondwa bitale muntu mulê na mutshipo kwilambula kwi Yepowa bu munasala, na yaya milambu y’adya kulambula kwi Yepowa bitale kwakwa kwilambula kwê. Yawa muntu, su e na kipaso kia kulambula ingi milambu ikile papa, mmulombêne kwiilambula. Anka, alonde byabya abitungwaa kukita bitale wawa mulailo wê ». 22 Na Yepowa besaambile na Mose, aye nkwamba’shi :bakamikile Mose’shi : 23 « Lungula Alono na bana baaye balume bishima bilombêne bakaakula pa kwêlela beena Isalele mwaabi. Abakekala abaakula’shi : 24 « Yepowa enwêlele mwaabi na kwinulama ! 25 Yepowa enukitshîne bi buwa na kwinulêsha bumuntu bwê ! 26 Yepowa enubasukye na kwinwikasha na kufukama ! » 27 « Bînyibyabya, batshite-baakwidi p’abakatemuna eshina dyande pa kwêlela beena Isalele mwaabi, ami nabêne nakebêlela wanka ». 7 Chapitre 7 1 Bînyibyabya, Mose pa bapwile kushimika Nshibo amukabombêlaa Yepowa, bashingile mwimu wi kishila ku yaya Nshibo na ku bifubilwanga byaayo bioso mwanda wa kwikasha bioso bu bya Yepowa. Bakitshinenyi meesa pa kushîkila bitapwa na byaao bifubilwanga bioso’nka kyakya kipaso kimune. 2 Byabya, mitwe ya mashibo, yaya ibaadi bu bakunkushi ba bisamba bya beena Isalele, baaba abaadi abakwasha mu kubadika kwa bantu, 3 abafwishishe mulambu waabo wa mangolofwanda asamombo abwikile, na ñombe ilume ekumi na ibidi. Ngolofwanda ooso baadi na milambu ya bakunkushi babidi ñombe mulume umune baadi bu mulambu wa mukunkushi ooso. Abebilubwile ku mpala kwa yaya Nshibo amukabombêlaa Yepowa. 4 Na Yepowa besaambile na Mose, aye nkwamba’shi :bakamikile Mose’shi : 5 « Tambula milambu y’abakupa, by’aidya kukakwasha ku mifubo ya shibo y’efumankeeno n’ami. Okeipê beena Lefi muyiile lukalo lwa mifubo y’abaadi n’ayo ». 6 Mose baatshile yaya milambu ya mangolofwanda na ñombe, eyabila beena Lefi mu kino kipaso. 7 Bapêle beena Ngyeshone ngolofwanda ibidi na ñombe inanka muyiile lukalo lwa mufubo waabo. 8 Baatshile ngolofwanda inanka na ñombe mwanda, ebipa beena Melali, muyiile lukalo lwa waabo mufubo. Baba bôso abaadi abebakunkusha kwi Itamala, mwana a tshiite-mwakwidi Alono. 9 Anka beena Keate, Mose ta mmwibape kintu, nya, mwanda bintu bya kishila bibaadi bu waabo mufubo, bibatungwanga kutwala ku mapampa aabo. 10 P’abapwile kushinga mwimu wi kishila ku meesa pa kushîkila bitapwa, bakunkushi ba beena Isalele abafwishishenyi milambu yaabo mwanda wa kwiafungula. 11 Yepowa bapwile kulungula Mose’shi : « Bakunkushi ba bisamba bya beena Isalele bafikye muntu dyê efuku, muntu dyê efuku, mu kulambula milambu yaabo ya pa kufungula aa meesa ». 12-83 Byabya, abafikile belondêne mu kino kipaso. Efuku dya kwibedi : Nashone mwana a Aminandaha mwina beena Yuda. Efuku dya kabidi : Netanele mwana a Suala mwina beena Isakala. Efuku dya kasatu : Eliabe mwana a Kelone mwina beena Sabulone. Efuku dya kananka : Adisula mwana a Shendeule mwina beena Lubeene. Efuku dya kataano : Shelumyele mwana a Sudishandai mwina beena Shimeono. Efuku dya kasamombo : Eliasafe mwana a Ndewele mwina beena Ngada. Efuku dya musambobidi : Edishama mwana a Amiunda mwina beena Efalayime. Efuku dya mwanda : Ngamediele mwana a Pendasula mwina beena Manase. Efuku dya kitema : Abindana mwana a Ngindonyi mwina beena Beshamee. Efuku dy’ekumi : Akesele mwana a Amishandai mwina beena Dana. Efuku dy’ekumi na dimune : Pangiele mwana a Okolane mwina beena Aseele. Efuku dy’ekumi na kia kabidi: Akila mwana a Enane mwina beena Nefutali. Mukunkushi mukunkushi bafikile na ino milambu : elonga dya kilonda kia *adishaa di na bushito bwa *shekyele lukama na makumi asatu, dingi namu dya kilonda ky adishaa di na bushito bwa shekyele makumi musambobidi, dipimîbwe muyiile bipimo by’abafubaa n’abyo kwi batshite-baakwidi. Aa malonga ooso abidi abaadi aûle na bukula bwa *belê bukile buwa bufuntwe mu mwimu wa mpafu bu mulambu wa kitumbula, mpaa na dingi ekopo dya kilonda kia *ôlo di na bushito bwa shekyele ekumi, diûle na bukula bwi mapembwe. Bafikilenyi na ñombe mulume, kimpanga kia mukôko mpaa na mukôko wi na kipwa kimune bu bitapwa bya kushîkwa bioso mu kaalo, mbushi mulume a kitapwa kia kulekyêlwa milwisho, ñombe ibidi na bimpanga bya mikôko bitaano na mbushi itaano ilume, mpaa na mikaako ilume itaano i na kipwa kimune bu bitapwa bya kulombana na Yepowa. 84-88 Bungi bôso bwa milambu y’abalambwile kwi bakunkushi ba bisamba bya beena Isalele, papa p’abapwilwe kushinga mwimu wi kishila ku meesa pa kushîkila bitapwa mwanda wa kwiafungula, bubaadi bino : masapanyi ekumi na abidi a kilonda kia adishaa, esapanyi dyôso dibadi na bushi bwa shekyele lukama na makumi asatu malonga ekumi na abidi a kilonda kia adishaa, elonga dyôso dibaadi na bushito bwa shekyele makumi musambobidi. Bifubilwa bioso bya adishaa bibaadi na bushito bwa shekyele binunu bibidi na nkama inanka, bipimîhwe muyiile bipimo by’abafubaa n’abyo kwi batshite-baakwidi makopo ekumi na abidi a kilonda kia ôlo aûle na bukula bwi mapembwe, ekopo dyôso dibaadi na bushito bwa shekyele ekumi. Byabya, makopo ooso ekumi na abi abàdi na bushito bwa shekyele lukama na makumi abidi, apimîbwenyi muyiile byabya bipimo bya batshite-baakwidi ñombe ekumi na ibidi ilume na bimpanga bya mikôko ekumi na bibidi, na mikôko ilume ekumi na ibidi i na kipwa kimune kimune, bioso bu bitapwa bya kushîkwa bioso mu kaalo, mpaa na milambu ya kitumbula y’abalambulaa pamune na byabya bitapwa. mbushi ilume ekumi na ibidi ya bitapwa bya kulekyêlwa kwa milwisho ñombe ilume makumi abidi na inanka na bimpanga makumi asamombo bya mikôko, na makumi asamombo a mbushi ilume mpaa na mikôko ilume makumi asamombo i na kipwa kimune kimune, bioso bu bitapwa bya kulombana na Yepowa. Yaya nyi ibaadi milambu y’abalambwile papa p’abapwilwe kushinga mwimu wi kishila ku meesa pa kushîkila bitapwa mwanda wa kwiafungula. 89 Bînyibyabya, Mose pa batwelanga mu shibo y’efumankeeno na Yepowa mwanda wa kwisamba n’ê, baadi apusha eyi dya Yepowa aditûkila pa nkatshi pa *bakeluba babidi abaadi pa nundu pa *mpûto a *musheete mwi mabwe afundjîbwe milangilo ikata ekumi ya Yepowa. 8 Chapitre 8 1 Bînyibyabya, Yepowa bakamikile Mose 2 by’adya kulungula Alono’shi : « Su tósha bimunyi, ebitûle mu kipaso ky’abidya kumunyika bioso musambobidi ku mpala kwa kitûlo kyaabyo ». 3 Alono bakitshine muyiile by’abakamikile Mose kwi Yepowa : batûdile bimunyi mu kipaso ky’abidya kwikala abimunyika ku mpala kwa kitûlo kyaabyo. 4 Kitûlo kia byabya bimunyi kibaadi kikitshîbwe kyôso kishima na kilonda kia *ôlo mubatakashwe, kubanga ku kitako mpaa na ku masongo kubaadi’nka kôlwe bu bilongo, anka kipaso ky’abalêshêshe Mose kwi Yepowa. 5 Yepowa bakamikile Mose bino’shi : 6 « Katusha beena Lefi mu nkatshi mwa beena Isalele n’abo, webatôshe. 7 Kipaso kinyi kia kwibatôsha nyi nkino : okebakusu mema a kutôsha n’aao aalêsha kulekyêlwa kwa milwisho. (d) Kubapu, bakekûle bwaa pa mbidi pôso na bwembe na kutûtula bilamba byaabo : Ku nyima kwa byabya, abo bekalengye bu abatôshîbwa. 8 Abakafwisha ñombe mulume umune, na mulambu wa bukula bwa *belê bukile buwa bufuntwe mu mwimu wa mpafu, wawa w’abulambulaa pamune na kyakya kitapwa. Obe nabêne namu, okafwishe ungi ñombe mulume bu kitapwa kia kulekyelwa kwa milwisho yaabo. 9-10 Okakongye mwilo ooso wa beena Isalele. Ku nyima, wefubwishe beena Lefi ku mpala kwa shibo y’efumankeeno n’ami Yepowa. Kwakwa, beena Isalele bakebatentekye maboko. 11 Alono akandambula beena Lefi bu mulambu w’abandambulaa kwi beena Isalele. Byabya, abakekala ku mufubo wande’mi Yepowa. 12 Ku nyima, abo namu bakatentekye maasa aabo, adi ku mutwe w’au nyema, adi ku mutwe wa ungi. Alono akandambula umune a ku yaya nyema bu kitapwa kia kulekyêlwa kwa milwish yaabo, mungi namu bu kia kushîkwa kyôso mu kaalo. Alono akalombasha abitungwaa kukita bilombêne milwisho ya beena Lefi yalekyêlwa. 13 « Okaimika beena Lefi ku mpala kwa Alono na baana baaye balume, kunyima, obe webandambule bu mulambu. 14 Okandamunwina beena Lefi mu nkatshi mwa beena Isalele by’abadya kwikala bu bande. 15 Ku nyima kwa byabya, beena Lefi abakabanga kufuba mu shibo y’efumankeeno n’ami. Nyi pa wawa mwanda, okebatôsha na kwibandambula bu mulambu. 16 Mwanda, mu nkatshi mwa beena Isalele, abo nyi mbande bande. Nebaatshile bu bande pa mbalo ya baana balume babedi ba beena Isalele. 17 Byabya, baana bôso balume babedi ba beena Isalele mpaa na ba bimunwanga byaabo, nyi mbande’mi Yepowa. Mwanda, kubanga papa pa naipaîle baana bôso balume babedi ba beena Eshipitu, baana balume bôso babedi ba beena Isalele, nebelamunwinyine ami nabêne. 18 Nyi kinyi kyandji mwatshile beena Lefi pa mbalo ya baana bôso balume babedi beena Isalele kyakya. 19 Binobino, nalambula beena Lefi kwi Alono na baana baaye balume bu milambu, by’abadya kwibakwasha mu mifubo ya mu shibo y’efumankeeno n’ami pa mbalo ya bangi beena Isalele. Dingi, abakekala abalombasha abitunga kukita bilombêne milwisho ya beena Isalele yalekyêlwa. Mu kyakya kipaso, su bangi beena Isalele baafika peepi pakile na yaya Nshibo ya kishila, ntankatumina mwilo ooso kipupa, nya ». 20 Mose na Alono mpaa na mwilo ooso wa beena Isalele abakitshîne bioso’nka muyiile by’abakamikile Mose kwi Yepowa bitale mwanda wa beena Lefi. 21 Beena Lefi namu abetôshêshe na kutumpa bilamba byaabo. Akupu, Alono ebalambula kwi Yepowa, na kulombasha abitungwaa kukita bilombêne milwisho yaabo yalekyêlwa, dingi bekala batôshibwe. 22 Ku nyima kwa byabya, beena Lefi ababangile kufuba mufubo waabo mu shibo y’efumankeeno na Yepowa bakunkushwe na Alono na baana baaye. Abakitshîne beena Lefi bioso muyiile by’abakamikile Mose kwi Yepowa. 23 Yepowa bakamikile Mose dimonyi’shi : 24 « Êse mwina Lefi, p’akalombasha bipwa makumi abidi na bitaano, abakamwata by’adya kufuba mufubo mu shibo y’efumankeeno n’ami. 25 Anka su balombasha bipwa makumi ataano, akalekyesha kufuba, t’akafubu dimo, nya. 26 Mmulombêne kukwasha bakwaabo beena Lefi ku mifubo y’abafubu mu yaya Nshibo y’epema, anka t’akekala na wê mufubo wa bupenka, nya. Byabya nyi by’odya kukita kwi beena Lefi bitale mufubo wibapebwe ». 9 Chapitre 9 1 Mu mweshi wa kwibedi wa kipwa kia kabidi kia beena Isalele kutuuka mwiumbo dya Eshipitu, Yepowa bakamikile Mose mu kabaaka ka Sinai’shi : 2 « Abitungwa beena Isalele kudya kidîbwa kia *Kukunkulwa p’efuku ditshibîbwe, 3 kwamba’shi p’efuku dy’ekumi na dya kananka dya uno mweshi’u. Nwikidye ku nsaa ya kailwa-nsh’ôbe, na kulonda’nka môso amukyebela milangilo yôso na bitshibilo bioso bitale dyadya efuku ». 4 Byabya, Mose balungwile beena Isalele by’abadya kudya kyakya kidîbwa kia Kukunkulwa. 5 Abo namu abekidîle kailwa-nsh’ôbe p’efuku dy’ekumi na dya kananka dya mweshi ubedi, mwamwa mu kabaaka ka Sinai. Beena Isalele abakitshîne bioso muyiile by’abakamikile Mose kwi Mwanna. 6 Bînyibyabya, dyadya efuku kubaadi bangi bantu abaadi bu be butete pa mwanda abaadi bakume bitandaa. T’abaadi na kipaso kia kudya kyakya kidîbwa dyadya efuku. Byabya, abaîle bakamona Mose na Alono, 7 balungula Mose’shi : « Atwe, twi bu be butete pa mwanda wa kukuma kitandaa. Byabya, t’atukalambula Yepowa mulambu dino efuku dipwe kutshibîbwa, apalambula beena Isalele netu su ? » 8 Mose bebaalulwile’shi : « Bandai kutengyela mpaa na apakañalulwila Yepowa bitale {pa} mwanda wenu ». 9 Byabya, Yepowa bakamikile Mose 10 by’adya kukalungula beena Isalele bino’shi : « Kubanga lelo mpaa na ku bipungilo byenu abikalondo, bino nyi abitungwa kukitwa na muntu e bu e butete pa mwanda wa kukuma kitandaa, sunga’shi, e mu lwendo kuntu kula, su akyeba kudya kidîbwa kia Kukunkulwa mwishina dya Yepowa. 11 Yawa muntu akadi kyakya kidîbwa ku kailwa-nsh’ôbe p’efuku dy’ekumi na dya kananka dya mweshi wa kabidi. Adye kitapwa kia dyadya efuku (e) na mikate ishi na kitatusho mpaa na masaki e bûlo. 12 T’akulekwanga kantu kao kakafikisha ku namashika. T’akatanyanga kafufwa sunga nkamune ka ku yawa nyema. Akadye kino kidîbwa kia Kukunkulwa muyiile milangilo yaakyo yôso. 13 Anka su muntu apela kudya dyadya efuku ditshibîbwe, aku t’e bu e butete, sunga mmwende mu lwendo, akashimina mu nkatshi mwa bakwaabo beena Isalele. Mwanda, ê, pa kukutwa kufwisha mulambu kwi Yepowa p’efuku ditshibîbwe, akatwala bushito bwa kusôla kwê. 14 « Su kwekala muntu mwenyi mushaale mn nkatshi mwenu, e na lukalo na kudya kyakya kidîbwa dyadya efuku mwanda wa kunemeka Yepowa, bi buwa alonde muyiile milangilo na bitshibilo bya Yepowa bitale kyakya kidîbwa. Yaya milangilo ngimune kwi benyi mpaa na kwi beena Isalaale ». 15 P’efuku dy’abashimikile Nshibo amukabombêlaa Yepowa, kwamba’shi Nshibo y’epema mwi mabwe afundjîbwe milangilo yê, ikata ekumi (f), ekumbi dya Yepowa dibafikile, dyeibwikila. Kubanga ku nsaa ya kyolwa kia nguba bapono mpaa na ku namashika, dyadya ekumbi dibaadi adimunyika’nka bu kaalo. 16 Byabya bibaadi’nka byabya mafuku ooso : kaanya dyadya ekumbi dibabwikilanga pa yaya Nshibo, bufuku namu dibamunyikanga bu kaalo. 17 Misûsa yôso pabaadi dyadya ekumbi adibô, dyakatuka pa nundu pa yaya Nshibo, beena Isalele namu abaashimunanga musuumba waabo, bedilonda. Abéushimikanga’nka su dyadya ekumbi dibaimana. 18 Kwibwa kwa dyadya ekumbi na kwimana kwaadyo kubaadi kwi beena Isalele bwiyi dya Yepowa. Bitale mwanda wa kushimuna musuumba, sunga ngwa kwiushimika, abaadi abalondo dyadya eyi. T’abébwanga pa mbalo su dyadya ekumbi dikí dibwikile pa nundu pa yaya Nshibo mubabombêlanga Yepowa. 19 Su adîsha’nka ndibwikile mafuku e bungi pa yaya Nshibo, beena Isalele abakôkyela’nka dyadya eyi, t’abébwanga benda, nya. 20 Sunga dyadya ekumbi dyapwa mafuku abadikye pa yaya Nshibo, beena Isalele abaashimunanga sunga kushimika musuumba waabo muyiile dyadya eyi dya Yepowa. 21 Ingi misûsa, dibabwikilanga kubanga ku kyolwa, ku namashika by’adibô. Sunga’shi, kubwikila kaanya kôso na bafuku bôso. Byabya, anka diky’adibô, beena Isalele namu abashimuna musuumba na kubanga lwendo. 22 Su dyadya ekumbi dyekala dibwikile pa Nshibo amubombêlaa Yepowa muunda mwa mafuku abidi sunga mweshi, sunga’shi, kipwa kishima, beena Isalele abaadi’nka by’abaadi bashimikye musuumba waabo’bi. Kwabo kwiushimuna, anka su dibebô pa yaya Nshibo. 23 Bitale mwanda wa kushimika musuumba, sunga wa kwiushimuna, beena Isalele abaadi’nka abalondo dyadya eyi dya Yepowa di baadi ebapa mwi Mose. qqqqqqqqqqqqqqqqqqqqqqqqqqqqqqqq qqqqqqqqqqqqqqqqqqqqqqqqqqqqqqqq qqqqqqqqqqqqqqqqqqqqqqqqqqqqqqqq 10 Chapitre 10 1 Bînyibyabya, Yepowa bakamikile Mose bino’shi : 2 « Kitshisha mampungi abidi a kilonda kia *adishaa kibatakashwe. Mono waao aukeûkisha mwilo wa beena Isalele papa p’abadya kwibunga mwishina dyande, na p’abadya kushimuna musuumba waabo na kubanga lwendo. 3 Byabya, p’abakêlela ooso abidi pamune, mwilo ooso wa beena Isalele aukebungila n’obe k’odi, ku mpala kwa kibelo kia shibo y’efumankeeno n’ami. 4 Su abêle’nka mpungi imune, anka pend’abo bakunkushi, mitwe ya bifuko bya beena Isalele, nyi abakebungila k’odi. 5-6 Byabya, p’abakêle mampungi abidi na mono ukata, abikekala bu kitundwilo kia kushimuna musuumba na kubanga lwendo. Su abêle musûsa wa kwibedi, bisaka bishaale dya ku lupese lwa kutunduka nguba kwa shibo y’efumankeeno n’ami abikabanga lwendo. Su abaalusha aanka musûsa wa kabidi, byabya, bisaka bishaale dya ku sunde bikabangye lwaabo lwendo. 7 Anka su mpa mwanda wa kikoñêno kia bantu banême ba mu mwilo, abakêle mampungi kushi kwiadidisha môno ukata. 8 Anka penda ba ku musuku wa Alono, basha mushinga wa butshiite-mwakwidi, nyi bapebwe matalwa a kwêla aa mampungi. Wawa nyi mulangilo aukekala wa mafuku ooso kw’anudi mpaa na ku bipungilo byenu bioso abikalondo. 9 « Dingi, p’anukekala mwiumbo dyenu na kukyeba kutuuka mu kulwa ngoshi na beena ngo nenu, anukêle aa mampungi adile mono ukata. Byabya, ami Yepowa Efil’enu, nakenutentekyesha, nkenupososhe ku maasa a beshikwanyi nenu. 10 Mu mafuku enu atshibîbwe bu a kusepêla, na mu a kufumankana na Yepowa mpaa na mu a tupasu, nukêle aa mampungi pu kipindji kia kundambula bitapwa bya kushîkwa bioso mu kaalo na bya kulombana n’ami. Misûsa yôso ya kwêla aa mampungi byabya, nakenutentekyesha. Nami, Yepowa Efil’enu baakula ». 11 Mwifuku dya makumi abidi dya mweshi wa kabidi dya kipwa kia kabidi kyaabo abaapu kutuuka mu Eshipitu, ekumbi dibaadi dibwikile Nshibo amubombêlaa Yepowa, mwinyi mubaadi *musheete mwi mabwe afundjîbwe milangilo yê ikata ekumi, dibebwele. 12 Beena Isalele abatwelele kwishinda mu mulongo ubapwile kutshibîbwa, abo nkukatuka mu kabaaka ka Sinai. Abaadi abafwabalondanga dyadya ekumbi, dyakemana mu kabaaka ka Palana. 13 Nyi musûsa wa kwibedi wa beena Isalele kwibwa lwendo, muyiile eyi dya Yepowa di balungwile Mose. 14 Kibumbu kia beena ngoshi ibaadi kîbungile p’ebeendela dya beena Yuda kibaadi kia kwibedi kutwela kwishinda. Kyakya kisaamba, abaadi abekikunkusha kwi Nashone mwana Aminandaba. 15 Beena Isakala, abaadi abekikunkusha kwi Netanele mwana a Suala. 16 Beena Sabulone, abaadi abekikunkusha kwi Eliabe mwana a Kelone. 17 P’abashimwine Nshibo amubombêlaa Yepowa, beena Ngyeshone na beena Melali abeitwele, benda n’ayo. 18 Ku nyima kwaabo, kibumbu kia beena ngoshi kibaadi kîbungile p’ebeendela dya beena Lubeene kibabangile lwendo. Kyakya kisaamba, abaadi abekikunkusha kwi Edisula mwana a Shendeule. 19 Beena Shimeono, abaadi abekikunkusha kwi Shelumyele mwana a Sudishandai. 20 Beena Ngada, abaadi abekikunkusha kwi Eliasafe mwana a Ndewele. 21 Beena Lefi, baaba abaadi na mufubo wa kushimikanga Nshibo amubombêlaa Yepowa, abaatengyelanga’nka kufika kwa beena Keate abaatwalanga bintu bya kishila. 22 Kibumbu kia beena ngoshi kibaadi kîbungile p’ebeendela dya beena Efalayime kibatwelele kwishinda, kyabanga lwendo. Edishama mwana a Amiunda baadi mukata a kisaka kia beena ngoshi ba kyakya kisaamba kia Efalayime. 23 Beena Manase, abaadi abekikunkusha kwi Ngamediele mwana a Pendasula. 24 Beena Beshamee, abaadi abekikunkusha kwi Abindana mwana a Ngindonyi. 25 Ku nfudîlo, kibumbu kia beena ngoshi %6kibaadi kîbungile p’ebeendela dya beena Dana, kînyi kibaadi kunyima kwaabo, kibabangile lwendo. Beena Dana, abaadi abekikunkusha kwi Akesele mwana a Amishandai. 26 Beena Aseele, abaadi abekikunkusha kwi Pangiele mwana a Okolane. 27 Beena Nefutali, abaadi abekikunkusha kwi Akila mwana a Enane. 28 Byabya nyi bibelondeshenêne bisaka bya beena ngoshi ba beena Isalele, p’abatwelele kwishinda na kubanga lwendo. 29 Mose balungwile Kobabe, mwana a muk’wê Lewele mwina Midyana’shi : « Taatwende mwiumbo dy’abetulaile kwitupa kwi Yepowa. Bi buwa twende n’obe, by’atudya nkapeta’twe bôso bi buwa by’abalaile beena Isalele kwi Yepowa ». 30 Ê namu bamwalulwile’shi : « Ooo, ta nyendc’mi, naalukîla kwiumbo dyetu na ku kifuko kyetu ». 31 Mose bamwalulwile’shi : « T’wetulekanga namu, mwand’obe nyi eûku mambalo alombêne twashimika musuumba wetu mu kabaaka, okekala’nka mulombodi êtu. 32 Su twenda n’obe, atukapete atwe bôso byabya bi buwa by’abalaile beena Isalele kwi Yepowa ». 33 Beena Isalele abakatukile ku mwengye wa Yepowa, benda lwendo lwa mafuku asatu Abaabadilanga na *musheete wa kilombêno wa Yepowa by’audya kwibakimbila pa mbalo ilombêne bashaala ku matwi nyaa. 34 P’abaashimunanga musuumba na kubanga lwendo, ekumbi dya Yepowa dibebapûtanga kaanya kôso pa nundu pa mitwe yaabo. 35 P’abaadi abebwesha wawa musheete wa Yepowa’shi batwele n’ao kwishinda Mose baakulanga’shi : « Yepowa, ebwê, beshikwanyi n’obe bapalakane ! Bakushikwe basûkye papa pokwete kufika ! » 36 P’abéutûlanga, Mose baakulanga’shi : « A Yepowa, alukîlanga ! Oshaale mu nkatshi mwa binunu na binunu bya bifuko bya beena Isalele ! » 11 11 Beena Isalele abetukila Yepowa lubwe (Kwa 9:22 ; Ya 5:16) 1 Dingi efuku beena Isalele ababangile kwitukîla Yepowa lubwe. Yepowa, pa kupusha byabya, bebakwatshîle nsungu, ebatumina kaalo kataatshisha ku nsongo kwa musuumba w’abaadi bashaale. 2 Beena Isalele abedidîle Mose na mayi akata, ê namu batekyele kwi Yepowa, kaalo kashîma. 3 Abaudikile kyakya kipindji eshina dya Tabela, adipatûla’shi « nkushîka kaalo », mwanda kaalo ka Yepowa kabatatshîshe ku nsongo kwa wawa musuumba. Bantu abedîdi bwilu (Ño 78:17-31 ; Kik 16:1-18 ; Yu 16) 4 Dingi efuku, nkongwêla ya bantu ba ingi mîlo b’aku n’aku abaadi bashaale pamune na beena Isalele ababangile kwidila bwilu. Beena Isalele namu ababangile dimo kutompola na kwakula’shi : « A nanyi namu a kwitupa mwita wa kudya ? 5 Aibaabô ! Tubatentekyesha bya kudya byetu bya tubedîlanga buntu mu Eshipitu : mishipa na makaaka na melô (g) na pwalo (h) na tutungulu mpaa na ai (i). 6 Binobino, pano p’atudi, ta kwi sunga nkimune kia ku byanka, tukwete’nka kwidya mbidi, pa kumonanga’nka *mane ! » (g) 11:5 Melô (melon) nyi nkikuba kia mu kifuko kia kimudimo, ank’akyo ki na mema muunda e nsaasa. (h) 11:5 Pwalo (poireau) nyi nkingi kipaso kia katungulu. (i) 11:5 Ai (ail) nyi nkikunwanga kîfwane katungulu, akitûshaa eshiko dikile bukopo, su abekitêkye. 7 Maana abaadi’nka bu tutete tutôka, mmwekyelo aao baadi bu nanga. 8-9 Mu nsaa ya bufuku, abaadi aanoko pamune na lume mu musuumba w’abaadi bashaale. Namashika ooso, bantu abaapalakananga mu kwiasangula, abéapelanga mu *mabwe a mpelwa sunga kwiatwa mu kinwe. Ku nyima, abéatêkanga mu lweso na kukita mikate. Maana abaadi aapushika bu kintu kitêkwe na bukula bwi mwimu wa mpafu. 10 Mose bapushîshe beena Isalele abedîdi, mbebungye muyiile bifuko byaabo ku bibelo bya mashibo abo aa mapema. Byabya, Yepowa bakwatshile nsungu ikata. Mose namu bakalakêshwe, 11 aipusha Yepowa’shi : « A ky’onkitshîna bino n’eshina, ami muntu ôbe nkinyi ? A ky’opêla kundêsha bumuntu bobe kinyi ? A mwanda kinyi we mumpe bushito bwa kukunkusha uno mwilo ? 12 A nami baimîte uno mwilo ooso, neutaanda ? A mwanda kinyi obonkamikile’shi : Weutwale mu maasa bu nambutwile mutwale mwan’ê, mpaa na nkeufisha mwiumbo di nalaile na mutshipo kupa bankambwa baabo ? 13 Kwandja nkamona mwita nkunyi ? Ulombêne kupa bano bantu abandjîla’shi : Etupe mwita w’atudya kudya. 14 Bupenka bwande, nki na bya kutwala bushito bwa uno mwilo ooso, mbumpule. 15 Su we munsongyekyêshe’nka mu kumona malwa, nakusendêla’shi, anfwile lusa, oûkye kunyipaa ! Ntankwikala’nka namonanga ano malwa’mi ! » 16 Bînyibyabya, Yepowa baalulwile Mose’shi : « Mbungile bantu makumi musambobidi, baaba b’weûku’shi, mbakulu na mbakunkushi ba beena Isalele. Wende n’abo ku shibo y’efumankeeno n’ami. Kwakwa, bakemane n’obe ku mpala kwa yaya Nshibo. 17 Nakaiki ku yaya mbalo nyisambe n’obe. Dingi nakaata kipindji kia bukome bwa Kikudi bwandji mutûle m’odi, nkebutûle mwi baaba bantu, bilombêne bakukwasha kutwala bushito bwa uno mwilo. Byabya, t’okebutwala dingi bupenka, nya. 18 Anka, lungula beena Isalele’shi : Etôshei pa mwanda w’efuku dya malôba, mwanda anukekala na mwita wa kudya. Yepowa bapusha kwidila kwenu’shi : A kwitupa mwita nanyi ? Tubaadi bi buwa mu Eshipitu ! Ê, eûku’shi, nwi na bwilu. Nyi pa wawa mwanda akenupa mwita nwiudye. 19 T’anukeûdi’nka penda efuku dimune, sunga ngabidi, sunga ngataano, sunga ekumi, sunga makumi abidi, nya 20 Anukadi mwita muunda mwa mweshi ushima, mpaa na p’aukenutondo, winwêle kyusûsu ku mapembe. Kyakya nyi akikela kyenu kibawe, mwanda wa kusumbushêna Yepowa mushaale mu nkatshi mwenu, na kumwidîla’shi : A kinyi ky’abetutûshidîle mu Eshipitu ? » 21 Mose baalulwile Yepowa’shi : « Mu uno mwilo unyifûnyishe mwi bantu binunu nkama isamombo be kipimo kia bwina ngoshi. Nyi bokula’shi : Webape mwita w’abadya kudya muunda mwa mweshi ushima ! 22 Omono’shi, kwipaa nyema yetu yôso : mikôko na mbushi mpaa na ñombe, akukebapu bwabwa bwilu ? Sunga’shi, kukwata mishipa yôso i mu tulunga twa mema ? » 23 Yepowa balulwile Mose’shi : « Otentekyesha’shi bukome bwande mbupêla su ? Binobino okamono byandji mwakule, su abikitshika su t’abikitshika ». Efile Mukulu apa bakulu makumi musambobidi Kikudi kiaye 24 Bînyibyabya, Mose batûkile, enda mu kwiûkisha bantu byabya by’abamulungwile kwi Yepowa. Ku nyima, abunga bakulu makumi musambobidi ba beena Isalele, ebaimika befunye Nshibo y’epema ya Yepowa. 25 Yepowa, ê mwikumbi, baikile, esamba na Mose. Baatshile kipindji kia bukome bwa Kikudi bu bapwile kutûla mw’adi, ebutûla mwi baaba bakulu makumi musambobidi. Bwabwa bukome’nka bukyabutwele mw’abadi, ababangile kutemuka, anka ta mbaididîle n’ako, nya. 26 Mu nkatshi mwa baaba bakulu ba basangwile kubaadi bantu babidi, ba Elendande na Mendande, abashêle mu musuumba mubaadi mushaale beena Isalele, kushi kwenda ku Nshibo y’epema. Kikudi kia Yepowa kibaikile kyebapa bukome, babanga kutemuka’nka bu batemuki mu yaya mbalo. 27 Nsongwalume umune bakaamîne lubilo, akeûkisha Mose’shi : « Elandande na Mendande bakwete kutemuka mu musuumba mw’atudi bashaale ! » 28 Yoshwa, mwana a Nuna, %6baadi kubanga ku busongwalume bwê’nka akwashanga Mose, balungwile Mose’shi : « Nfumwami, kebaumîshe ! » 29 Mose bamwalulwile’shi : « Okyebe’nka penda’mi nyikale mutemuki ? Bibadya kukila buwa Yepowa atûla mwi beena Isalele bôso Kikudi kiaye, bekala bu batemuki ! » 30 Byabya Mose na bakulu ba beena Isalele abakatukile, benda mu musuumba w’abaadi bashaale. Tonyi twa tumikimbi 31 Yepowa bebweshêshe lupapi dya ku kalunga ka mêma, lwafika lutwale tonyi twi bu tumikimbi, lwetuponesha ku mpese yôso ya mu musuumba w’abaadi bashaale kwi beena Isalele. Tubaponene kubanga papa p’abaadi, twakafudîla kuntu kwi bula bwa kutambuka lwendo lw’efuku dishima. Tubaadi mbundûlu e na mposo i bula bulombêne kwikala metela amune. 32 Bantu abasangwile twatwa tonyi dyadya efuku dyôso mpaa na bufuku, abonyi nkwitusangula dingi abo bubatôko. Yawa bamwekanga bu musangule tupêla, baadi na binunu na binunu bibadikye. Abetwanyikile ku bukunkula bwa musuumba waabo by’atudya kuuma. 33 Ku mpala abo t’abetudîle sunga kwitudya, Yepowa bebakwatshîle nsungu, ebakupila na kipupa kikile bukata. 34 Byabya, abaudikile pa yaya mbalo eshina dya bu Kibilote-Taawa, adipatûla’shi : mashaama a be na bwilu bukile, mwanda pa yaya mbalo nyi abepashîkile bantu abaadi na bwilu bukile. 35 Beena Isalele abakatukile kwanka, benda bakashaala ku Aselote. 12 12 Alono na Midyama abepula Mose 1 Bînyibyabya, Mose baibakîle mukashi a beena *Nubi. Midyama na Alono abamwipwile bitale dyadya ebambo dyê, 2-3 baakula’shi : « Yepowa esambaa’nka na Mose bupenka bwê su ? T’esambaa netu namu su ? » Mose baadi muntu mwipêleshe kukila bantu bôso ba pa nsenga. Yepowa bebapushîshe. 4 Anka papa, Yepowa bakamikile Mose na Alono mpaa na Midyama’shi : « Ndai anwe bôso basatu ku shibo y’efumankeeno n’ami ! » Abo namu abaîle. Yepowa baikile, ê mu musungo w’ekumbi, aimana dya ku mpala kwa kibelo kia yaya Nshibo, aitaamina Alono na Midyama. Bôso babidi abfubwile peepi. 6 Yepowa baakwile’shi : « Pushai byanyinulungula : su kwekala mu nkatshi mwenu mutemuki, nesokwela kw’adi mu bimonwa na kwisamba n’ê mu bilôtwa. 7 Anka, kwi mufubi ande Mose, yawa, akunkushaa mwilo wande ooso na kishima, ta mbyabya, nya. 8 Nesambaa n’ê mpala na mpala, nemonênaa n’ê patôka. Nesokwelaa kw’adi, ammonaa ne mwimane ku mpala kwê A byabya, mwanda kinyi ta nwi batshîne kwipula mufubi ande Mose ? » 9 Yepowa bebakwatshîle nsungu, ebaleka. 10 Byabya, pabakatukile dyadya ekumbi pa nundu pa Nshibo y’epema, pa mbidi pa Midyama pabamwekyele pôso busungu bwa pa mbidi’nka sô bu butongo. Alono, pa kumutala, bamumwene taadi na bwabwa busungu ! 11 Alono balungwile Mose’shi : « A nfumwami, etufwile lusa ! T’wetufwishishanga kibawe kia mwanda wa tubasôlo bu bantu bapatakane ! 12 Midyama namu t’ekalanga bu mwana muunda %6ekalaa kipindji kia pa nkatshi pa mbidi yê kipwe kupoloka ». 13 Bînyibyabya Mose basendelêle Yepowa n’eyi dikata’shi : « Aî Efile Mukulu ! Kumîna namu kumupaasha ! » 14 Yepowa bamwalulwile’shi : « Su nsh’ê badya kumwasa mata mu mpala, ta badya kwikala na bûfu muunda mwa lubingo lushima su ? Byabya, abingwe muunda mwa lubingo mwamwa mu musuumba w’anudi bashaale. Ku nyima, by’anukamwalusha mwanka ». 15 Byabya, ababingile Midyama muunda mwa lubingo, beena Isalele ta mbabangye lwendo ku mpala kwê kwaluka mu wawa musuumba, nya. 16 Ku nyima, beena Isalele abakatukile papa pa Aselote, benda bakashimika musuumba waabo pa ingi mbalo i mu kabaaka ka Palana. 13 13 Bampûpa ekumi na babidi (Kwa 1:19-28 ; 2 Kod 2:17) 1 Yepowa bakamikile Mose’shi : 2 « Tuma bantu bakabele bi eumbo dya Kanaana dinaapa beena Isalele. Mu kisaamba na kisaamba mutûkye muntu umune a kwenda a mu nkatshi mwa bakunkushi ». 3-15 Mose bakokyêle eyi dya Yepowa : p’abaadi mu kabaaka ka Palana, abatumine bantu abaadi bôso’nka bakunkushi ba beena Isalele. Mashin’aabo nyi ngano : beena Lubeene : Shamua mwana a Sakula beena Shimeono : Shapata mwana a Kodi beena Yuda : Kalebe mwana a Yepune beena Isakala : Ingala mwana a Yosefe beena Efalayime : Osea mwana Nuna beena Beshamee : Palatshi mwana a Lapu beena Sabulone : Ngadiele mwana a Sodi beena Manase mwana a Yosefe : Ngadi mwana a Sushi beena Dana : Amyele mwana a Ngyemadi beena Aseele : Setule mwana a Mikêle beena Nefutali : Nabi mwana a Woposhi beena Ngada : Ngwele mwana a Maki. 16 Aa nyi mashina a bantu b’abatumine kwi Mose mu kubela bi eumbo dya Kanaana. Mose baudikile Osea mwana a Nuna eshina dya bu Yoshwa. 17 Pa nsaa ya kutuma baaba bampûpa, Mose bebalungwile’shi : « Ndai nukatwelele dya ku sunde, kunyima nukende dya ku bipindji bya nsenga bi mangulu. 18 Nukamone bi eumbo na bi bantu bemushaale. Nukatale su be bukome na su ta be bukome, su be bungi na su ta be bungi. 19 Nutale bi eumbo dy’abadi bashaale, su di buwa sunga’shi, di bubi, su bibalo byaabo mmisumba y’abadi bashimikye, sunga’shi, mbibalo bi mu bipempe. 20 Nutalenyi bi nsenga yaamo, su ngya bidîbwa, sunga’shi, ta ngya bidîbwa. Su mwi mitshi, sunga’shi, ta i mwanka. Ndai, nukankamane ! Nwitutwadile bikuba bya mwanka ». Aa mafuku abaîle nyi aamonga tukuba tubedi twa milundo ya *nfinyo. 21 Bînyibyabya, abaîle, bakabela eumbo, kubangila ku kabaaka ka Shinyi mpaa na Lekobe, mbalo i peepi na Lebokamata. 22 Abatwelele mu dyadya eumbo lupese lwa ku sunde, bakafika dya ku Ebelone, kubaadi kushaale beena Akimana na beena Sheshai mpaa na beena Talamai. Baba bôso abaadi bipambe, ba ku musuku wa Anaka. Kibalo kia Ebelone, abaadi bekîbakye bipwa musambobidi kwibedi kwa kibalo kia Soane kia mu Eshipitu. 23 Baba bampûpa, pa kufika mwibanda dya Eshekole, abatshibile mwanka, lutabi lwa mulundo wa nfinyo lupe’nka kisaasa kimune kia tukuba. Kyakya kisaasa bekitwala ku mukanko mwanda wa bushito. Kibaadi bushito bulombêne belutwala ku mukanko, na bikuba bya *ngelenande mpaa na bya *nfingye. 24 Abaudikile pa yaya mbalo bwibanda dya Eshekole, (kwamba’shi : kisaasa kia tukuba twa nfinyo) mwanda wa kyakya kisaasa kikata ky’abatshibile mwanka kwi bampûpa ba beena Isalele. Bampûpa abalubula by’abakamwene 25 Munda mwa mafuku makumi ananka, baaba bampûpa b’abaadi batume abapwile kubela eumbo, babanga kwaluka. 26 Bînyibyabya, p’abaatukîle, abaîle kwi Mose na Alono mpaa na kwi mwilo ooso wa beena Isalele, ubaadi ushaale ku Kandeshe mu kabaaka ka Palana. Abebalungwile bioso by’abakamwene, bebalêsha mpaa na bikuba bya mu dyadya eumbo. 27 Bampûpa abalungwile Mose’shi : « Twi bende mwiumbo m’wetutumine. Bînyibînyi nyi eumbo aditûshaa bidîbwa bi buwa bi bungi. Talanga bikuba bya mwanka ! 28 Anka, bantu bemushaale be bukome na bibalo byaamo mbikile bukata, dingi mbîfunyishwe na bipempe. Twi bemumonenyi mpaa na ba ku musuku wa Anaka, bipambe ! 29 Beena Amaleka mbashaale dya ku lupese lwa ku sunde. Beena Kitshi na beena Yebuse mpaa na beena Amole mbashaale mu kipindji kia nsenga %6ki mangulu. Beena Kanaana namu mbashaale dya ku lupese lwa *kalunga ka mema Kakata na dya ku bukunkula bwa musulo wa Yondano ». 30 Bînyibyabya, Kalebe bauminyishe beena Isalele abaadi abaipula Mose, ebalungula’shi : « Twendei, atukanyengye dyadya eumbo, atukebatshokola ! » 31 Anka, baaba bampûpa %6abaîle na Kalebe abaakwile patôka’shi : « Atwe beena Isalele ta twi kipaso kilombêne kulwa ngoshi na bantu be byaa, mbetukile bukome ! » 32 Ababangile kusaabûla ku mpala kwa beena Isalele eumbo dy’abakabelêle, baakula’shi : « Dyadya eumbo dy’atukekindjile, atufwatwidibelanga, nyi eumbo adikitaa’shi bantu abafiki mu kushaala mwanka by’abafu. Bantu bôso b’atudi bakamone mwanka nyi’nka bakile bula. 33 Twi bemumonenyi mpaa na ba ku musuku wa Anaka, kisaamba kia bipambe ! Muîle by’abadi, atwe atwimonanga’nka bu nfibo. Abo namu abetumonanga bînyibînyi’nka bu nfibo ». 14 14 Beena Isalele abapele kutwela mu Kanaana (Kab 13:27-33 ; Kwa 1:25-40 ; Kik 32:9-14 ; Kab 32:7-13 ; Ño 106:24-26) 1 Bînyibyabya, mwilo ooso wa beena Isalele ubatôshêshe bufuku bushima na kupambula mikunda ya kudila. 2 Abaadi abaipula ba Mose na Alono na kwibalungula’shi : « A bu’twe abadya kufwila mu Eshipitu, sunga mwinyi muno mu kabaaka ! 3 Mwanda kinyi Yepowa akyebe nketutwesha mwiumbo di byabya ? Mwanka, abaketwipaa ku ngoshi. Bakashi betu na baana betu namu abakekala bu misungi ya baaba abaketutshokola. Ta mbikile buwa’twe kwalukîla mu Eshipitu su ? » 4 Abelungushêne’shi : « Tusangulei mungi muntu a kwitukunkusha, twalukye mu Eshipitu ! » 5 Pa kupusha byabya, Mose na Alono, %6abaadi ku mpala kwa kifufu kia mwilo ooso wa beena Isalele, abeashile binya paashi, taabatekyele Yepowa. 6 Mu nkatshi mwa baaba bantu abaîle mu kubela eumbo dya Kanaana, Yoshwa mwana a Nuna na Kalebe mwana a Yepune, *abasanwine bilamba by’abadi bafwale, 7 balungula beena Isalele bôso’shi : « Eumbo dya tubekindjile atufwatwidibelanga, nyi ndjikilekile buwa ! 8 Nyi eumbo aditûshaa bidîbwa bi buwa bi bungi. Su Yepowa etutôkyela eshimba, aketutweshe mwanka na kwitupa dyanka. 9 Anka, t’anutombokyelanga Yepowa sunga kutshîna bantu be mu dyadya eumbo, mwand’abo abakekala bu mabishi êtu. Befile baabo ta be na ka kwibakwasha, nyaa ! Anka’twe, Yepowa e netu. Byabya t’anutshînanga kintu ! » Yepowa alekyêla beena Isalele kwitombo dyaabo 10 Mwilo ooso wa beena Isalele ubaadi aufunu bya kwasa ha Yoshwa na Kalebe mabwe mwanda wa kwibaipaa. Anka papa, kupenyapenya kwa ntumbo ya Yepowa kubamwekyele ku meso kwaabo, pa nundu pa shibo y’efumankeeno na Yepowa. 11 Yepowa balungwile Mose’shi : « A mpa kipindji kinyi apakalekyêsha uno mwilo kunsaabûla ? A mpa kipindji kinyi ky’aukekala n’ami lukulupilo ? Aku, ne mukite bitundwilo abilêsha matalwa ande mu nkatshi mwaabo. 12 Nakebakupila na kipupa, nebatûte. Ku nyima, nakafwimisha ba ku musuku ôbe bekale mwilo ukata na bukome ». 13 Mose balungwile Yepowa’shi : « Beena Eshipitu abeûku’shi, botûshîshe beena Isalele mwiumbo dyaabo ku bukome bobe. 14 Abebilungwile mpaa na bantu bashaale mu dino eumbo. Abo namu abeûku’shi, obe Yepowa we mu nkatshi mwa uno mwilo wetu, weumwekyelaa lumona meso. Abeûkunyi’shi, obe nyi ebalamwinaa mwanda otambukaa ku mpala kwaabo. Kaanya, wekala mu musungo w’ekumbi, bufuku namu mu musungo wa kaalo. 15 Byabya, su otûta uno mwilo ooso musûsa umune, yaya mîlo yôso i bapushîshe bi bokitshîne kwi beena Isalele, aikaakula’shi : 16 Yepowa bakutwa bukome bwa kukatwesha beena Isalele mwiumbo di bebalaile na mutshipo kwibapa. Nyi pa wawa mwanda bebepaila mu kabaaka. 17 Byabya Yepowa, nakusendêla, lêsha bi bukata bwa bukome bobe, na kukita’nka bu mu bokwidîle’shi : 18 Ami, nyi Yepowa shyakwataa nsungu bukidi, muyiile ndaa na bumuntu. Nalekyelaa bubi na kuntombokyela, anka ntankutwaa kumwesha babi malwa mwanda wa milwisho yaabo Aa malwa, neamweshaa mpaa na ba ku misuku yaabo ba kipungilo kia kasatu na kia kananka. 19 Nakusendêla namu’shi, lekyêla mulwisho wa uno mwilo, muyiile buwa bw’eshimba dyobe. Weulekyêle’nka bu m’weulekyêlalekyêlaa, kubanga p’abatûkile mwiumbo dya Eshipitu mpaa na pa ino mbalo ». 20 Yepowa baalulwile Mose’shi : « Neulekyêla bu bi botekye. 21 Anka, bu byandji na muwa na bu abimwekaa ntumbo yande pano pa nsenga pôso, natshipi’shi, 22-23 ta kwi muntu a ku bano bampele akatwele mu dyadya eumbo. Abo mbamone ntumbo yande na bitundwilo bioso abilesha matalwa ande bi nakitshîne mwiumbo dya Eshipitu mpaa na bi nakitshi muno mu kabaaka. Sunga mbyabya, mbantompe misûsa na misûsa pa kukutwa kukôkyela kwiyi dyande. Nyi pa wawa mwanda, ta kwi su ngumune a mu nkatshi mwa baaba abansaabûla akatwele mwiumbo di nalaile na mutshipo kupa bankambwa baabo. 24 Anka mufubi ande Kalebe nyi musokole dingi eshimba, akita bioso’nka muyiile mwankyebela’mi Yepowa. Byabya, ê nyi ankatwesha mu dyadya eumbo di baîle mu kubela. Kyakya kipindji kia nsenga ki bekindjile, nakekipa ba ku musuku wê. 25 Beena Amaleka na beena Kanaana nyi bashaale mu aa mabanda. Byabya anwe, malôba, anukonyo mongo, nwalukye dya mu kabaaka, nwende batadîle ku lupese lwa *kalunga ka mema ka Malengye ». Yepowa amwesha beena Isalele malwa 26 Yepowa balungwilenyi ba Mose na Alono bino’shi : 27 « Napusha beena Isalele bakwete kunyitukila lubwe. A mpa kipindji kinyi apakalekyêsha uno mwilo wa bantu babi kukita bino ? 28 Obe Mose, keulungule’shi : Yepowa baakula’shi : Bu byandji na muwa, mbînyibînyi nakenukitshi muyiile by’anudi baakule, bi naapusha bioso. 29 Anwe bôso b’ababadikile, abaadi na bipwa makumi abidi na kukila papa, anukafwila’nka mu kabaaka, mwanda nubanyitukidîle lubwe. 30 T’anukatwele mwiumbo di napwile kwinulaa’shi, anukashaala mwanka, nya. Anka penda Kalebe mwana a Yepune, na Yoshwa mwana a Nuna nyi abakemutwele. 31 Baba baana benu ba nwakulanga’shi, abakekala bu misungi, nyi bankatwesha mwiumbo dya nubasaabulwile, abo nyi abakediûku by’adidi. 32 Anka’nwe, anufwila muno mu kabaaka. 33 Baana benu, shabo, abakekala abalama nyema yaabo muno mu kabaaka muunda mwa bipwa makumi ananka, mpaa n’anka p’anukapwila anwe bôso kwimufwîla. Byabya, abo pa kulaala byabya bipwa, abakatwala bwabwa bushito bwa kukutwa kwenu kwa kishima. 34 Bampûpa benu abapwile mafuku makumi ananka na kubela eumbo. Anwe namu anukatwala bushito bwa bubi bwenu muunda mwa bipwa makumi ananka, bu kwamba’shi pa mutwe w’efuku anulaala kipwa. Byabya, anukeûku bi myanda bukopo su’mi nyi nenu ngo. 35 Ami Yepowa nyi baakula byabya. Byabya nyi byankakitshi uno mwilo ushina wa bantu be bubi abébungu mwanda wa kuntombokyela. Abakafwila bôso muno mu kabaaka ». 36 Baba bantu b’abatumine kwi Mose mu kubela eumbo, p’abaalukile, ababangile kwidisaabûla na kusoma mwilo wa Isalele, waipula Mose. 37 Yepowa bebakupîle na kipupa, bafwa, mwanda abasaabulwile dyadya eumbo. 38 Ku baaba bôso abaîle mu kubela eumbo, anka penda Yoshwa mwana a Nuna na Kalebe mwana a Yepune nyi abashêle na muwa. Beena Isalele abatomboka dimo (Kwa 1:40-46 ; Yoa 15:5) 39 Bînyibyabya, Mose balungwile beena Isalele kyakya kitshibilo kia Yepowa, abo namu abenyongwele bikata. 40 Nyi pa wawa mwanda, pa bubatôkyele, abebwele ku namashika ooso bwê, batwela kwishinda, benda dya ku nsenga ya mamwengye wabafwabaakulanga’shi : « Twi basôle, anka binobino tubebwela lwendo lwa ku mbalo y’abetufunkidîle kwi Yepowa ». 41 Mose bebalungwile’shi : « A nkinyi ky’anutshibila eyi dya Yepowa ? Byabya by’anukitshi t’abînuîla ku mpala, nya. 42 T’anwendanga mu ngoshi mwanda Yepowa t’e nenu ! Beshikwanyi nenu abakenutshokola. 43 Kwakwa kw’anwende, beena Amaleka na beena Kanaana abakenutûtu mu ngoshi, mwanda nwi bapwe kufutaala Yepowa. E namu t’akekala nenu, nyaa ». 44 Anka beena Isalele, mu nkomanga yaabo, abakamîne mu nsenga ya mangulu, aku Mose bashêle na *musheete wa kilombêno wa Yepowa mwamwa mu musuumba w’abaadi bashaale. 45 Byabya, beena Amaleka na beena Kanaana %6abaadi bashaale mu yaya nsenga, abaikile mu kulwa na beena Isalele ngoshi, bebatshokola. Belondêna n’abo na kwibaipaa mpaa na ku Kôma. 15 15 Kulambula kwa bukula na mwimu mpaa na maalwa a nfinyo (Kab 28:3-14) 1 Bînyibyabya, Yepowa bakamikile Mose by’adya 2 kukalungula beena Isalele bino’shi : « P’anukatwele na kukashaala mwiumbo dy’abénupa kwi Yepowa, 3 nukamulambule bitapwa bya kushîkwa mu kaalo, bya ñombe na bya mikôko mpaa na bya mbushi, abitûsha eshiko adimusangashaa. Nkilombêne kwikala kia kushîkwa kyôso mu kaalo, sunga nkya kulombasha mulailo wi na mutshipo, sunga nky’eshimba, sunga nkya p’efuku ditshibibwe bu dya kufumankana na Yepowa. 4-5 Su muntu alambula epumba dya mukôko sunga ndja mbushi, akafwishanyi ino milambu : bilô bisatu bya bukula bwa *belê bukile buwa bufuntwe mu mwimu, na malitele abidi a mwimu wa mpafu, mpaa na malitele abidi a maalwa a *nfinyo. 6 Anka, su muntu alambula kimpanga kia mukôko, akafwisha bilô bisamombo bya bwabwa bukula bufuntwe mu mwimu wa mpafu, na malitele abidi na kipindji kia pa nkatshi a wawa mwimu, 7 mpaa na malitele abidi na kipindji kia pa nkatshi a maalwa a nfinyo. Kyakya kitapwa akikashîkwa mu kaalo, akitûsha eshiko adisangasha Yepowa. 8 Su muntu alambula ñombe mulume bu kitapwa kia kushîkwa kyôso mu kaalo, sunga bu kia kulombasha mulailo, sunga bu kia kulombana na Yepowa, 9 abakafwisha pamune na yawa ñombe, mulambu wa bilô kitema bya bukula bwa belê bukile buwa bufuntwe mu mwimu wa mpafu, na malitele ananka a wawa mwimu, 10 mpaa na malitele ananka a maalwa a nfinyo. Kyakya kitapwa akikashîkwa mu kaalo, akitûsha eshiko adisangasha Yepowa. 11 « Byabya abikalondwa’nka kyakya kipaso, musûsa ooso w’abakalambula kitapwa kia ñombe mulume sunga kia kimpanga kia mukôko sunga ky’epumba dya mukôko, sunga dya mbushi. 12 Sunga nyema yekala bungi bwi naminyi, nyema ooso akekala’nka alambulwa pamune na wê mulambu upwe kutshibwa. 13 Mwina Isalele ooso akalonde’nka byabya, p`akalambula kitapwa kia kushîkîbwa mu kaalo, akitûsha eshiko adisangasha Yepowa. 14 Mwenyi mushaale mwiumbo dyenu, su nga lukilo, su mmwina kifuko kitaaki bashaalêle taakudi bipungilo bi bungi, su akyebe kulambula kitapwa kia kushîkwa mu kaalo by’akidya kutûsha eshiko adisangasha Yepowa, akalondo’nka bu’nwe. 15 Yaya milangilo aikekala’nka imune kwi mwilo ooso, mwi beena Isalele na benyi b’abaadi bashaale n’abo. Aikekala ya mafuku ooso kw’anudi mpaa na ku bipungilo byenu abikalondo. Yepowa t’akekala na ntondo’shi, au mmwina Isalele au mmwenyi mushaale mu nkatshi mwa beena Isalele, nya. 16 Anukalondo ndambukisho imune na kitshibilo kimune, anwe mpaa na benyi b’anudi bashaale n’abo ». Kulambula kwa mikate ibedi (Bat 23:15-20 ; Kwa 26:1-11 ; Bat 4) 17 Yepowa bakamikile Mose 18 by’adya kukalungula beena Isalele bino’shi : «P’anukafiki mwiumbo dy’abakenutwesha kwi Yepowa, kwibedi kwa kutêka mikate ya bukula bwa *belê mubedi a mwanka, 19 nukamukatwishe musabu wa ku musabu wa bwabwa bukula. 20 Wawa musabu w’anukamukatwisha, nukite n’ao kamukate. Anukamukatwisha wawa musabu’nka by’anumukatwishaa ingi kitumbula su nubapu kwiipûla. 21 Kaka kamukate ka ku musabu ubedi, nukekalambule kwi Yepowa mpaa na ku bipungilo byenu bioso abikalondo. Mulwisho ushi wa munkyebelo 22-23 « Bînyibyabya, nwi balombêne nwasôla mulwisho ushi wa munkyebelo, pa kukutwa kulonda mikamiko yôso y’abampêle’mi Mose kwi Yepowa’shi, nyinulungule anwe mpaa na ku bipungilo byenu bioso abikalondo. Pangi nwi balombêne kusôla kubanga papa pa bampêle yanka, pangi ku mafuku aakalondo. 24 Su wawa mulwisho wakitshikwa kushi mwilo wa beena Isalele kwiûka, ao ooso aukalambula Yepowa epumba dilume dya ñombe bu kitapwa kia kushîkwa kyôso mu kaalo akikatûsha eshiko adisangashaa Yepowa. Mwilo aukafwishanyi mulambu wa bukula na wa maalwa a *nfinyo %6aulambulwaa pamune na kyakya kitapwa, muyiile bungi bupwe kutshibwa. Ukafwishenyi mpaa na mbushi mulume bu kitapwa kia kulekyêlwa kwa milwisho. 25 Tshite-mwakwidi akalombasha abitungwaa kukita bilombêne wawa mulwisho wa mwilo ooso wa beena Isalele walekyêlwa. Mwilo namu aukalekyêlwa. Mwanda nyi mbasôle kushi munkyebelo, dingi abaapu kulambula Yepowa mulambu wa kushîkwa mu kaalo na kitapwa kia kulekyêlwa kwa wawa mulwisho waabo. 26 Kwakwa kulekyêlwa akukekala kwi mwilo ooso wa beena Isalele mpaa na kwi bantu benyi bôso b’abaadi bashaale n’abo. Mwanda nyi mbantu bôso bateulwe mu wawa mulwisho ushi wa munkyebelo. 27 « Su mmuntu umune basôlo bupenka bwê kushi munkyebelo, byabya, akalambula mbushi mukashi e na kipwa kimune bu kitapwa kia kulekyêlwa kwa wawa mulwisho wê. 28 Tshite-mwakwidi akalombasha ku mpala kwa Nshibo yande abitungwaa kukita bilombêne mulwisho wa yawa muntu walekyêlwa. Byabya, ê namu akalekyêlwa. 29 Bitale mwanda wa mulwisho ushi wa munkyebelo, abakakitshi’nka kipaso kimune ku lupese lwa beena Isalele sunga benyi b’abaadi bashaale n’abo. 30 Anka, su umune a kw’anudi’nwe beena Isalele, sunga mwenyi mushaale mu nkatshi mwenu, asôla’nka munkyebelo, bansaabûla’mi Yepowa. Byabya, bakamushimishe mu nkatshi mwa mwilo waabo. 31 Lwalwa lufu lwê alukekala pa mutwe wê nabêne, mwanda bapêsha eyi dya Yepowa pa kutshiba mikamiko yê ». Kushûla kishila ky’efuku dya musambobidi (Kwa 6:6-9 ; Mat 23:5) 32 Beena Isalele, p’abaadi bakí mu kabaaka, abashikîshe muntu umune kwete kusangula ntête mwifuku dya musambobidi. 33 Baba %6abamushikîshe, abamukwatshile, benda n’ê ku mpala kwa Mose na kwa Alono mpaa na kwa kikoñêno kia beena Isalele bôso. 34 Abamulamine kalolo, mwanda t’abaadi babande kwiûka kyakya ky’abadya kumukita. 35 Byabya, Yepowa balungwile Mose’shi : « Yawa muntu, abitungu aipaîbwe’nka kwipaîbwa. Bamutûshe paasha pu musuumba w’anudi bashaale, beena Isalele bôso bamwase mabwe ». 36 Beena Isalele namu nkutûsha yawa muntu paasha pa musuumba Abo nkumwasa mabwe, ê nkufwa, muyiile by’abakamikile Mose kwi Yepowa. Kwêla kwa malenda ku bilamba 37 Yepowa bakamikile Mose 38 by’adya kukalungula beena Isalele bino bishima byê : « Anwe mpaa na bipungilo byenu bioso abikalondo, anukekala anwêle malenda ku bikupa bya bilamba byenu bya kufwala. Anukêle ku aa malenda koshi ka kilamba ki n’elangi dya bulê. 39 Anukekala anufwala bilamba bîfunyishwe na malenda, mwanda p’anukekala anwiamono, anukatentekyesha mikamiko yande yôso by’anudya kukita mw’aidi iîle. Byabya, t’anukalondo lwabi lwa mashimb’enu na lwa meso enu, alwinutumu mu kukutwa kishima mwandji’mi, Yepowa. 40 Bi buwa nukatentekyeshe bya kukita muyiile mikamiko yande yôso, byabya anukalêsha’shi, nwi bantu bande’mi Efil’enu. 41 Nami Yepowa Efil’enu baakula, %6benutushîshe mwiumho dya Eshipitu byandja kwikala Efil’enu. Bînyibînyi, nami Yepowa Efil’enu baakula ». 16 16 Kutomboka kwa Kola (Kab 26:8-11 ; Ño 106:16-18 ; Eb 10:31) 1 Bînyibyabya, mwina Lefi umune, eshina dyê mbu Kola mwana a Shitesela a ku musuku wa Keate, basomene beena Lubeene basatu ba Ndatana na Abilama, baana ba Eliabe, mpaa na One mwana a Pelete, 2 by’abadya kutombokyela Mose. Abaadi na bangi beena Isalele nkama ibidi na makumi ataano ku lupese lwaabo. Baba beena Isalele abaadi bakunkushi ba mwilo, bantu beûkikye b’abaitaaminaa mu bifufu. 3 Bôso abekongyêle Mose na Alono, bebalungula’shi : « Byenu bibatondo ! Bantu bôso ba mu mwilo wetu nyi’nka ba Yepowa. Dingi, Yepowa e n’etu, atwe bôso. Byabya mwanda kinyi anwe anwimono bu bakile baaba bangi bantu bôso ba mu mwilo wa Yepowa ? » 4 Mose, pa bapushîshe byabya, beashile kinya paashi, ateka Yepowa. 5 Ku nyima, alungula Kola na kisaka kibaadi ku lupese lwê’shi : « Malôba ku namashika, Yepowa akeûkisha banni yawa aadi mulamûne bu ê, yawa aadi mukumîne’shi, ekale afiki peepi n’ê. Yawa aakasangula nyi akekala afiki peepi n’ê. 6 Byabya, obe Kola na be ku lupese lobe nukite bino : nukakimbe tumbabula, 7 malôba nufikye n’ato ku mpala kwa Nshibo ya Yepowa. Kwakwa, nwêle makala mu twatwa tumbabula na kumaamina pa aa makala bukula bwi mapembwe. Byabya, Yepowa akalêsha yawa aadi musangule kwikala bu ê. Byenu’nwe beena Lefi nyi bibatondo ! » 8 Mose balungwilenyi Kola’shi : « Anwe beena Lefi, pushai ! 9 A bînukitshîne Efile a beena Isalele mbipêla ? Mmwinulamûne mu nkatshi mwa mwilo wetu by’anudya kwikala anufiki peepi n’ê na kumufubila mu Nshibo mw’abombêlaa. Benutûlu kwanka pa mbalo ya bangi beena Isalele bôso by’anudya kukwasha mu myanda ya kumulangwila. 10 Byabya, Yepowa mmupwe kukumîna’shi, obe na bakwenu beena Lefi nwikale anufiki peepi n’ê. Binobino, nyi bi taanutungunyi nwikale mpaa na bu batshite-baakwidi ! 11 Obe na bôso be ku lupese lobe, nwiûkye’shi, yawa a nubekongyela nyi Yepowa ! A Alono nnanyi mulombêne’shi, nwamwibungila mwanda wa kumwipula ? » 12 Ku nyima Mose batumine muntu’shi akaitaamine ba Ndatana na Abilama, baana ba Eliabe. Abo namu abamwalwishîshe eyi na yawa muntu’shi : « T’atufikitwe ! 13 Omono’shi, by’odi mwitukite mbipêla ! Obe, we mwitukaashe mwiumbo %6aditûshaa bidîbwa bi buwa bi bungi, ofika netu muno mu kabaaka’shi tufwe ! Binobino tókyebe na kwiikasha bu nfumu etu su ? 14 Mbînyi, t’we mwitutweshe mwiumbo aditûsha bidîbwa bi buwa bi bungi, sunga nkwitwabila mafuba na milundo ya*nfinyo bu byetu byetu, nya. Bwetumono bu bampofu bokwete kukunkusha’be ? Mbînyi t’atufiki’twe ! » 15 Mose, pa kupusha lwalwa lwalûlo, bafîtshile muunda, alungula Yepowa’shi : « T’okumînanga mulambu waabo ! Nki na kantu sunga nkamune kandji mwibaate, banda su nyema umune a mpunda. Ntankitshînyine sunga muntu umune a kw’abadi bi bubi, nya ! » Kola na kisaka kiaye abatukila 16 Mose balungwile Kola’shi : « Obe na kisaka kyôso kia be ku lupese lobe, nufikye malôba ku mpala kwa Nshibo ya Yepowa. Alono namu akafiki kwanka. 17 Muntu ooso a ku yaya nkama ibidi na makumi ataano %6be ku lupese lobe, afikye ku mpala kwa Nshibo ya Yepowa na kambabula kê, emumaamine bukula bwi mapembwe. Alono n’obe, anukakitshi’nka kyakya kipaso kimune ». 18 Byabya, Kola na kisaka kiaye abaatshile muntu na muntu kambabula kê mwi makala, epamaamina bukula bwi mapembwe, bafika baimana ku mpala kwa kibelo kia shibo y’efumankeeno na Yepowa. Mose na Alono abafikilenyi bemana panka. 19 Kola babungîle kw’adi kyakya kisaka kiaye kyôso, ku mpala kwa kibelo kia yaya Nshibo mu ntalañeno a ba Mose. Byabya, kupenyapenya kwa ntumbo ya Yepowa kubamwekyêle beena Isalele bôso. 20 Yepowa bakamikile Mose na Alono’shi : 21 « Katukai peepi na uno mwilo, mwanda nakyebe kwiutûta ooso mu kapindji n’aka ! » 22 Abo namu abapône, bakupila mapala paashi, bêla misaase’shi : « Aaa ! Obe Efile %6bapêle bipangwa bioso muwa, okafîtshila mwilo ooso muunda, kutala mmuntu umune %6basôlo ! » 23 Byabya Yepowa baalulwile Mose’shi : 24 « Kamika beena Isalele bôso ku mpese yôso beshêshe kula na mbalo y’abadi babombêle kwi Kola na kwi Ndatana mpaa na kwi Abilama ». 25 Mose bebwele, enda mu kumona Ndatana na Abilama. Bakulu ba beena Isalele namu abamulondele kwanka. 26 Mose bakamikile beena Isalele bôso’shi : « Eshêshelei kula na mbalo y’abadi babombêle kwi bano bantu be bubi. T’anukumanga ku kantu sunga nkamune kaabo, tala nwakafwa anwe n’abo pamune pa mwanda wa milwisho yaabo yôso ». 27 Byabya, ku mpese yôso bantu abeshêshele kula na mbalo y’abaadi babombêle kwi Kola na Ndatana mpaa na Abilama. Ndatana na Abilama abatûkile, baimana mu bibelo bya mashibo aabo a mapema, abo ba nabêne na bakashi baabo na baana baabo, bakulu mpa na bakinga. 28 Byabya Mose baakwile’shi : « Bino nyi bînyi by’anukeûkila’shi, Yepowa nyi muntume mwanda wa kulombasha bino bioso byankitshi. Ta nebikitshîna ami nabêne, nya. 29 Su bano bantu bafwa lufu kipaso akifwiyaa bantu bôso, nwiûkye’shi, Yepowa ta mmuntume. 30 Anka, Yepowa mmulombêne akita kintu kia kukaanywa kish’akitshikile : nsenga ngilombêne yabûluka mwanda wa kubwikîla ba-Kola mpa na bôso be ku lupese lwaabo, bakulukila mu *Kalunga-nyembo abatala. Byabya, anukashinkamisha’shi, baaba bantu mbasengyè Yepowa ». 31 Mose’nka kyatshibi edimi, nsenga i pa mbalo pabaadi Ndatana na Abilama ibatanyikile mitanta. 32 Nsenga ibabûlukile, yebabwikîla abo bôso mpaa na ba mu mashibo aabo, yabwikîlanyi baaba bôso abaadi ku lupese lwa Kola, abo mpaa na bintu byaabo bioso. 33 Baba bantu abakulukîle abatala mu Kalunga-nyembo mpaa na bintu byaabo bioso. Nsenga ibebabwikidîle, b{=}ashimina mu nkatshi mwa mwilo wa beena Isalele. 34 Byabya, beena Isalele %6abaadi peepi n’abo, pa kwibapusha abasama, abasûkile lubilo mwanda, abaatshînanga’shi : « Nsenga aikyebe kwitubwikîla’twe namu ! » 35 Dingi, kaalo kabatûkile kwi Yepowa, kaataatshisha baaba bantu nkama ibidi na makumi ataano %6abaadi abêle milambu ya bukula bwi mapembwe. 17 17 (1 Kod 10:10-12) 1 Bînyibyabya, Yepowa bakamikile Mose 2 by’adya kukalungula Eleasala, mwana a tshiite-mwakwidi Alono, bino : « Ôpole tumbabula mu kaalo na kupalakasha makala a kaalo kulaa kulaa. Twatwa tumbabula ntwa kishila, 3 mwanda mbapwe kufika n’ato ku mpala kwa Nshibo yande, sunga atwikalanga twa bantu basôle, baafwa pa mwanda wa kwakwa kusôlo kwaabo. Abaketubaatakasha na kitôtwa, twikale kipapûlu kia kilonda kia kubamba ku meesa pa kushîkila bitapwa. Byabya abikekala bu kitundwilo kia kudimuna beena Isalele ». 4 Tshite-mwakwidi Eleasala namu baatshile tumbabula twa kilonda kia *bolonse, twinyi twa baaba bantu b’abataatshîshe kwi kaalo, betubatakasha na kitôtwa, twafika kipapûlo kia kilonda kia kubamba ku meesa pa kushîkila bitapwa 5 Kyakya kipapûlo kibambîbwe ku aa meesa kibaadi kia kutentekyêsha beena Isalele’shi, ta kwi ungi muntu shi a ku musuku wa Alono a kufika ashîka mulambu wa bukula bwi mapembwe ku mpala kwa Nshibo ya Yepowa, tala amona malwa’nka bi aa abamwene Kola na baaba abaadi ku lupese lwê, abafwile muyiile by’abatemukile Mose kwi Yepowa. Beena Isalele abaipula Mose na Alono 6 Bînyibyabya’nka bukyabutôko, mwilo ooso wa beena Isalele ubabangile kwipula Mose na Alono, webaakula’shi : « Nubaipaisha bantu ba Yepowa ! » 7 Pabaadi beena Isalele bôso mbekongwele ba Mose na Alono, pa kutala dya ku shibo y’efumankeeno na Yepowa, abamwene’shi : « Ekumbi dya Yepowa dibekubwikila na kupenyapenya kwa ntumbo yê kubekumwekyela ! » 8 Mose na Alono abaîle kwanka. 9 Yepowa bakamikile Mose’shi : 10 « Katukai mu nkatshi mwa wawa mwilo, mwanda nakyebe kwiutûta mu kapindji n’aka ! » Mose na Alono abeashile binya, bakupila mapala paashi. 11 Mose alungula Alono’shi : « Ata kambabula, wemwêle kaalo ka ku meesa pa kushîkila bitapwa. Omaaminenyi mwanka bukula bwi mapembwe, wende bukidi kwi beena Isalele, okalombashe abitungwaa kukita bilombêne mulwisho waabo walelyêlwa. Mwanda, Yepowa bafîtshi muunda, na kipupa kibabanga kwibatûta ! » 12 Alono bakitshîne’nka bibamulungwile Mose. Baîle lubilo mu nkatshi mwa beena Isalele, amona’shi : « Kyakya kipupa kibapu kubanga kutûta bantu ! » Bashîkile mulambu wa bukula bwi mapembwe na kulombasha kw’abadi abitungwaa kukita bilombêne mulwisho waabo walekyêlwa. 13 Baimêne pa nkatshi pa bataabaadi bapwe kufwa na bakíbaadi abatala. Byabya, kipupa kibapwile. 14 Bantu %6abafwile ku kyakya kipupa abaadi binunu ekumi na binanka na nkama musambobidi, kushi kubadika baaba abafwile ku mpala, abaadi ku lupese lwa Kola. 15 Pabapwile kipupa, Alono baalukîle kwi Mose, ku mpala kwa kibelo kia shibo y’efumankeeno na Yepowa. Mukombo wa Alono aushipuka (Kab 16:1-17:5 ; 18:1-7 ; Eb 5:4) 16 Yepowa balungwile Mose’shi : 17 « Okakamikye beena Isalele bilombêne mukunkushi ooso a kisaamba akupe mukombo Byabya, okapete mikombo ekumi na ibidi. Ku mukombo na mukombo, okekufundu eshina dya yawa mukunkushi beutûsha. 18 Ku mukombo wa kisaamba kia Lefi okafundu eshina dya Alono, mwanda akukekala mukombo umune umune ku mukunkushi ooso a kisaamba. 19 Okatûlu yaya mikombo mu shibo y’efumankeeno n’ami, ku mpala kwa *musheete mwi mabwe afundjîbwe milangilo yande ikata ekumi, mu yaya mbalo yanyisambilaa nenu. 20 Yawa muntu sha mukombo aukashipuka nyi a naasangula. Byabya, nakalekyeshesha twipu twa bakwete kwinwipula kwi beena Isalele ». 21 Byabya, Mose bakamikile beena Isalele bilombêne bakunkushi bôso ba bisamba baamupa mukombo umune umune ku kisaamba na kisaamba. Yôso mikombo ibaadi ekumi na ibidi na wa Alono namu ubaadi mu yaya mikombo. 22 Mose beitûdile mu yaya Nshibo y’epema ku mpala kwa wawa musheete. 23 Mose, pa kutwela mwanka abo bubatôko, basañene mukombo wa kisaamba kia Lefi, wawa %6ubaadi ufundwe eshina dya Alono, ngushipukye masaki watûsha na bilongo. Ubaadi upe mpaa na bikuba bya *amandye bimongye ! 24 Mose bakaashîshe yaya mikombo yôso %6ibaadi mu Nshibo y’epema, enda n’ayo mu kwiilêsha beena Isalele. Bantu bôso abeimwene, byabya, mukunkushi ooso a kisaamba aata wê mukombo. 25 Yepowa bakamikile Mose’shi : « Kaalushe mukombo wa Alono ku mpala kwa wawa musheete mwi mabwe afundjîbwe milangilo yande ikata ekumi. Ulamîbwe bu kintu kia kutentekyêshanga beena Isalele’shi mbantomboshi. Mu kyakya kipaso okebalekyeshesha kwikala abanyipula, byabya, t’abakekakila dimo lufu, nya ». 26 Mose bakôkyêle, akita bioso muyiile by’abamukamikile kwi Yepowa. Mufubo wa batshite-baakwidi na beena Lefi 27 Beena Isalele abalungwile Mose’shi : « Atumono’shi, natwe bôso abaapu na kufwa’ba, natwe bôso abende mu kushîdika’ba ! 28 Kutaakukitshi’shi, muntu ooso %6efubwila peepi na Nshibo amubombêlaa Yepowa by’afu. A byabya, atwe bôso atupu’nka na kufwa ? » (1 Maf 23:13, 24-32 ; Kab 8:14-19 ; Bat 7:7-14, 29-36 ; Esek 44:28-30 ; Bat 27:30-33 ; Mal 3:8-10) 18 18 1 Bînyibyabya Yepowa balungwile Alono’shi : « Obe na baana balume ba ku musuku ôbe mpaa na bakwenu ba mu kisaamba kyenu kia beena Lefi, anukekala na bushito bwa kutwala bilubilo bioso bikitwe bitale Nshibo yande y’epema ya kishila. Dingi, anka pend’obe na baana balume ba ku musuku ôbe nyi abakekala na bushito bwa kutwala bilubilo bioso bikitwe bitale mufubo wa bu tshiite-mwakwidi. 2 Okêtaamishe baaba bakwenu beena Lefi, nukafube n’abo ku bintu bya kishila. Abakekala bu bakwashi benu na beena mufubo benu. Ank’obe na baana balume ba ku musuku ôbe nyi abakende ku mpala kwa shibo y’efumankeeno n’ami, mwi mabwe afundjîbwe milangilo yande ikata ekumi. 3 Beena Lefi abakalama bitungo byobe na kufuba mufubo ooso utale yaya Nshibo. Anka, t’abakeshêshela peepi na bifubilwanga bya kishila, sunga peepi na meesa pa kushîkila bitapwa, tala bakekakila, abo na benyi’nwe, lufu. 4 Abakekala abakenukwasha ku mufubo wa yaya Nshibo na wa bintu bioso bi mwanka. Abakalamanyi tala muntu shi mwina Lefi efubwila peepi nenu. 5 Ank’obe na baana balume ba ku musuku ôbe nyi abakekala na mufubo wa mu kadimbo ka kishila na ya meesa pa kushîkila bitapwa. P’anukalondo byabya, t’ankafîtshila dimo beena Isalele muunda, nya. 6 Tal’ami nabêne, naasangula bakwenu beena Lefi mu nkatshi mwa beena Isalele, nénupa banka bu ba kufuba mifubo ya mu yaya Nshibo yande. 7 Ank’obe Alono na baana balume ba ku musuku ôbe nyi abakekala na mufubo wenu wa bu tshiite-mwakwidi, ku meesa pa kushîkila bitapwa na mu kadimbo ka kishila. kikile %6ke kunyima kwa lushiko lwa kilamba. Nami Yepowa, benupa wawa mufubo bu kia buntu. Su muntu shi a ku musuku ôbe efubwila peepi na byabya bintu byande, bakamwipe ». Efuto dya batshite-baakwidi 8 Yepowa balungwilenyi Alono’shi : « Tala, nakupa matalwa a milambu yôso y’abandamunwina kwi beena Isalele. Îkale bu yobe, mpaa na ya ooso mwana mulume a ku musuku ôbe. Wawa aukekala mushinga wobe mafuku ooso. 9 Uno nyi ôbe mushinga ku milambu ya kishila kikile. Kwamba’shi, kukatusha yaya y’abanshîkilaa mu kaalo, ino milambu aikekala yobe : milambu yôso ya kitumbula na bitapwa bya kulekyêlwa kwa milwisho mpaa na bya kwitopôla. Byabya bintu bioso bya kishila kikile, by’abandambula kwi beena Isalele, abikekala byobe na baana balume ba ku musuku ôbe. 10 Abikekala bu bidîbwa byenu, nukebimone bu bya kishila kikile. Mwana mulume ooso a mu kifuko kia batshite-baakwidi %6e na matalwa a kwibidyi Anukebidila mu lupôpo lwa shibo y’efumankeeno n’ami Yepowa, pa mbalo ya kishila kikile. 11 « Unonyi ngungi mushinga ôbe : ku byabya bintu bioso by’abankandambula kwi beena Isalele %6abikapukwa kulêsha kw’ashi mbyande, abakakulamunwina bintu bikampanda. Nakupa byanka, obe mpaa na bôso ba ku musuku ôbe, balume na bakashi. Wawa nyi mulangilo aukekala wa mafuku ooso. Bôso ba kw’abadi %6abakekala bu bashi butete be na matalwa a kudya byabya bintu. 12 « Nakupanyi byumbulwa bibedi bya mwiumbo by’abakandambula kwi beena Isalele, byabya bikile buwa, mwimu wa mpafu na maalwa a *nfinyo mpaa na *belê. 13 Byabya bioso by’abakafiki n’abyo abikekala byobe. Baba bôso ba ku musuku ôbe %6abakekala bu bashi butete be na matalwa a kwibidya. 14 « Bintu bioso by’abakandambula bu byande byande, abikekala’nka bu byobe. 15 « Baana bôso babedi b’abakandambula, su mba bantu su mba nyema, abakekala bu bobe. Anka baana babedi ba bantu, abakebakûlu’nka kwibakûla mpaa na baana babedi ba nyema i butete. 16 Okafutshishe nkûlwa kubanga’nka mwana kyalombasha mweshi umune : îkale *shekyele itaano ku mwana. Yaya shekyele îkale ipimîbwe mu bipimo by’abafubaa n’abyo kwi batshite-baakwidi. Uno shekyele e na bushito bwa kipindji kimune kia ku kipindji lukama bya kilô kimune. 17 Anka t’okaatanga nkûlwa ya baana babedi ba ñombe sunga mba mikôko sunga mba mbushi, mwanda yaya nyema nyi y’abangyelela n’ayo bitapwa. Okamaamina muse aayo ku meesa pa kushîkila bitapwa na kushîka bintu byaayo bi mwimu bu kitapwa kia kushîkwa mu kaalo, abitûsha eshiko adisangasha’mi Yepowa. 18 Ku nyima, mwita wa yaya nyema aukekala ôbe, anka abîkalaa kankunku kapukwe kulêsha kwa’shi nkande na kyoko kia mukôko ubalume ky’abadi bandamunwine. 19 « Byabya bioso by’abakandamunwina kwi beena Isalele bu mulambu wande wa kishila, nakupa byanka. Abikekala byobe, mpaa na bya bôso ba ku musuku ôbe, balume na bakashi. Wawa nyi mulangilo aukekala wa mafuku ooso, muyiile kilombêno kyanshyankatshibi ki naakitshi n’obe mpaa na ba ku musuku ôbe ». 20 Yepowa balungwile dimo Alono’shi : « Obe, t’okekala ya kipindji kia nsenga bu kyobe kyobe mwiumbo dyankapa beena Isalele, sunga mambalo a milumba. Ank’ami nyi akekala nakupa bioso by’anudi n’abyo lukalo, pa mbalo ya kipindji kia nsenga na ya mambalo a milumba mwamwa mwiumbo dya beena Isalele. Efuto dya beena Lefi 21 « Pa mbalo ya kipindji kia nsenga, napa beena Lefi ky’ekumi kia byumbulwa na bimunwanga bioso bya mu Isalele, bwifuto dya mufubo w’abafubaa mu Nshibo y’epema mwa kufunankêna n’ami. 22 Bangi beena Isalele t’abakefubwilanga peepi na yaya Nshibo y’epema, tala baakasôla mulwisho, bêkakila lufu. 23 Anka penda beena Lefi nyi abakekala na mufubo wa mu yaya Nshibo. Abakekalanyi na bushito bwa kutwala bilubilo abikitwa mwanka. Wawa nyi mulangilo aukekala wa mafuku ooso kw’anudi mpaa na ku bipungilo byenu bioso abikalondo. Beena Lefi t’abakekala na kyaabo kipindji kia nsenga bu abikekala n’abyo bangi beena Isalele. 24 Anka, pa mbalo ya kipindji kia nsenga nebapa by’ekumi by’abakandamunwina kwi beena Isalele. Nyi pa wawa mwanda, nebalungwile’shi, t’abakekala na kyaabo kipindji kia nsenga bu bi n’abyo bangi beena Isalele ». (Ne 10:39 ; 1 Tim 5:17-18) 25 Yepowa bakamikile Mose 26 by’adya kukalungula beena Lefi bino’shi : « P’anukatambula ky’ekumi kwi beena Isalele, byabya bi nénupa pu mbalo ya kipindji kia nsenga, anukandamunwina mwanka ky’ekumi kia mu byabya by’ekumi. 27 Kyakya ky’ekumi akikekala kw’anudi’nka abindamunwinaa bakwenu byaabo by’ekumi bya *belê na bya maalwa a *nfinyo by’abadya kundambula. 28 Mu kyakya kipaso nyi ky’anundamunwina, ami Yepowa, mulambu ku by’ekumi by’abadi benupe kwi beena Isalele, nwiupe tshiite-mwakwidi Alono. 29 Mu byabya bioso by’abakenupa, nukandamunwine, ku kintu na kintu kyôso kikilekile buwa, wawa wande mulambu ulombane. 30 Su nubapu kundamunwina wande mulambu, byabya %6abishaalaa bîkale bu byenu, anka amushêlaa beena Isalele na waabo mwimu wa mpafu na aabo maalwa a nfinyo mpaa na aabo belê. 31 Byabya bidîbwa, nwi balombêne kukebidîla ku mbalo yôso y’anukyebe, anwe mpaa na ba mu mashibo enu, mwanda nyi efuto dyenu ku mufubo w’anufubaa mu shibo y’efumankeeno n’ami. 32 Su nubapu kundamunwina %6ke bu kande kôso, t’anukalwisha su anukadi byabya bibashaalaa, nya. Su t’anukêkasha milambu ya kishila ya beena Isalele bu ishi ya kishila, byabya, t’anukekakila lufu, nya ». 19 19 Buto bwa ñombe mukashi mumongolokye (Eb 9:13-14 ; 10:22 ; Bat 14:1-9 ; Esek 36:25) 1 Bînyibyabya Yepowa bakamikile Mose na Alono, 2 by’abadya nkalungula beena Isalele uno mulangilo wê wa kulonda. Baakwile’shi : « Ebakamikye benupe ñombe mukashi mumongolokye, shi na kalema sunga kamune, dingi, a bashyaanyine kikumbo bafuba n’ê. 3 Nukamupe tshiite-mwakwidi Eleasala, ê namu akende n’ê paasha pa musuumba mwi beena Isalele, bakamutshindje’nka mu meso mwê. 4 Eleasala akasabika munwe mu aa mase, eakuse misûsa musambobidi dya ku mpala kwa shibo y’efumankeeno n’ami Yepowa. 5 Abakashîki yawa ñombe mushima mu kaalo mu meso mwê, kwamba’shi : musakya na mwita na mase mpaa na mala. 6 Tshite-mwakwidi akaata ntête ya mutshi wa *sendele na kimuna kia mutshi wa *isope mpaa na kilamba kimonga, êle byabya bioso mu kaalo pa yaya mbalo ya bakwete kushîka yawa ñombe. 7 Ku nyima tshiite-mwakwidi akatûtula bilamba byê na kwitumpa mema mbidi yôso ku mpala kwê kwaluka mu musuumba mwi beena Isalele. Anka, akekala bu e butete mpaa na ku kyolwa kia nguba bapôno. 8 Yawa %6akashîki yawa ñombe mu kaalo akatûtulanyi bilamba byê na kwitumpa mema yôso, akekala bu e butete mpaa na ku kyakya kyolwa. 9 Muntu shi bu e butete akakongôla buto bwa yawa ñombe, akebutûle pa mbalo itôshîbwe i paasha pa musuumba mwi beena Isalele. Beena Isalele namu abakalama bwabwa buto by’abadya kwibwêlanga mu mema a kukusanga bantu mwanda wa kwibatôsha, bu kwamba’shi, pa kulekyelwa kwa milwisho yaabo. 10 Yawa muntu %6bakongôla bwabwa buto akekala bu e butete, akatûtula bilamba byê na kwikala bu e butete mpaa na ku kyolwa kia nguba bapôno. Wawa mulangilo aukekala wa mafuku ooso kwi beena Isalele na bantu benyi b’abaadi bashaale n’abo. Bya kwitôsha ku butete 11 « Yawa ooso akakumu kitandaa kia muntu, akekala bu e butete muunda mwa lubingo lushima. 12 P’efuku dya kasatu na dya musambobidi kunyima kwa kwilwisha, aketôsha ku bwabwa butete na aa mema asaangye buto bwa yawa ñombe byabya ekala bu shi butete. Anka, su akutwa kwitôsha p’efuku dya kasatu na pa dya musambobidi, akekala’nka bu e butete. 13 Yawa ooso a kukuma kitandaa kia muntu mufwe, akutwa kwitôsha, akalwisha Nshibo mwambombêlaa, ami Yepowa. Abakamubingi mu nkatshi mwa beena Isalele, mwanda pa kukutwa kukuswa mema a kwitôsha n’aao kí’nka bu e butete, bwabwa butete bwê namu, kí’nka n’abo. 14 « Ino ngingi milangilo y’abadya kulonda. Su muntu afwila mu kashibo k’epema, bôso abakemutwele na bôso be mwanka abakekala bu be butete muunda mwa lubingo lushima. 15 Su mu kaka kashibo mwekala ki na nshibo kishi kibwikile kalolo, bintu bioso %6bi muunda mwaakyo abikekala bu bi butete. 16 Su muntu ekokola mu kisuku kitandaa kia muntu abaadi batape sunga mwifwile nabêne, akekala bu e butete muunda mwa lubingo lushima. Su muntu ekokola mifufwa ya muntu taa bafwile, sunga nkibundu kia mashaama, akekalanyi’nka bu e butete muunda mwa lubingo lushima. 17 Bya kutôsha muntu e bu e butete ku yaya myanda nyi mbino : anukaata buto bwa yawa ñombe mukashi mushîkîbwe bu kitapwa kia kulekyelwa kwa milwisho, nukebwêle mwilonga, na kwimwêlanyi mema a mu musôlo. 18 Muntu shi bu e butete akaata kimuna kia mutshi wa *isope, ekisabikye mu aa mema, eakuse ku kaka kashibo k’epema na ku bi na kaka kashibo bioso, mpaa na kwi bantu bôso be mwanka. Akakusunyi yawa muntu mwikokole mifufwa ya muntu %6taa bafwile sunga nkitandaa sunga nkibundu kia mashaama. 19 Anka yawa muntu shi bu e butete nyi akakusu yawa muntu %6e bu e butete aa mema, p’efuku dya kasatu na dya musambobidi. Ku nyima kwa kukuswa p’efuku dya musambobidi, yawa %6ekalanga bu e butete akatûtula bilamba byê na kwitumpa mema mbidi yôso. Akekala bu shi butete kubanga kyolwa kia nguba bapôno kia dyadya efuku. 20 « Anka, su muntu %6taadi bu e butete akutwa kwitôsha, akabingîbwa mu mwilo wa beena Isalele, mwanda akalwisha Nshibo yande ya kishila. Pa mwanda wa kukutwa kukuswa mema a kwitôsha n’aao, yawa muntu kí’nka bu e butete. 21 Uno mulangilo aukekala wa mafuku ooso kwi beena Isalele : yawa %6akakushishêna aa mema a kwitôsha n’aao akatûtula bilamba byê. Êse a kukuma aa mema akekala bu e butete mpaa na ku kyolwa kia nguba bapôno. 22 Kyôso ky’abakakumu kwi muntu %6e bu e butete akikekala namu bu ki butete. Muntu ooso a kukuma muntu %6e bu e butete namu akekala bu e butete mpaa na ku kyolwa kia nguba bapôno kia dyadya efuku ». 20 20 Mema a ku Mediba (Kwa 32:48-52 ; Ya 1:19-20 ; 3:13-18) 1 Bînyibyabya, mu mweshi wa kwibedi, mwilo ooso wa beena Isalele ubafikile mu kabaaka ka Shinyi, ubashaalele ku Kandeshe. Pa yaya mbalo nyi pabafwidile Midyama, bamushîka panka. 2 Kwakwa, wawa mwilo ubakutshilwe mema, ubekongyelele ba Mose na Alono, 3 wekutwêna na Mose, wamulungula’shi : « A bu’twe abadya kufwila na bakwetu pamune, baaba %6abafwile p’abaadi abalangwila Yepowa ! (j) 4 Mwanda kinyi w’anudi betufwishe, atwe mwilo wa Yepowa mu kano kabaaka ? Nyi mwanda wa kukyeba’shi, atwe ba nabêne na nyema yetu tufwile mwanka su ? 5 A kia nubetutushidîle mu Eshipitu kinyi ? Na kwitufwisha pa ino mbalo i bino bubi, isha kukunwa kintu sunga nkimune, pashí sunga mutshi umune wa *nfingye sunga wa *ngelenande sunga mulundo wa *nfinyo. Pano ta pe sunga mema a kutoma ! » 6 Mose na Alono abetolwele kula na kibumbu kia beena Isalele, benda ku mpala kwa kibelo kia shibo y’efumankeeno na Yepowa. Abapône, bakupila mapala paashi. Penyipapa kupenyapenya kwa ntumbo ya Yepowa ku bebamwekyêlele. (j) 20:3 Tala Kab 16:35 7 Yepowa bakamikile Mose’shi : 8 « Ata mukombo ôbe (k), obe na mukwenu Alono nukabungye beena Isalele bôso. Ank’abo abemwena, okaakula kwi alwaa lubwebwe, alo namu lukatûshe mema %6e mwanka. Mbînyi okatûsha mema ku lwalwa lubwebwe by’odya kupa wawa mwilo watoma mpaa na nyema yaao ». 9 Mose namu baîle akaata mukombo wê %6ubaadi mu Nshibo y’epema ya Yepowa, muyiile by’abamukamikile kwi Yepowa. (k) 20:8 Nyi ngwawa mukombo ubaakitshîne n’ao bilengyeleshi mu Eshipitu. 10 Byabya, Mose na Alono ababungile mwilo wa beena Isalele ku mpala kwa lwalwa lubwebwe, bebalungula’shi : « Anwe bantomboshi, pushai ! Anumono’shi, twi by’atudya kwinutûshisha mema ku luno lubwebwe su ? » 11 Penyipapa, Mose bebweshêshe mboko, akupila wawa mukombo wê ku lubwebwe misûsa ibidi. Anka papa mema %6e bungi abekutuntumukile, beena Isalele bôso beatoma mpaa na nyema yaabo namu. 12 Bînyibyabya, Yepowa balungwile Mose na Alono’shi : « Pa mwanda ta nwi batûle lukumîno mwandji, nubakutwa kumweshesha ku meso kwa beena Isalele byandji mwilamûne ku bubi bôso, ta nanwe nyi abakatwesha uno mwilo mwiumbo di nebapa ». 13 Pa mwanda wa kwakwa kwikakêna, abaitaamine aa mema bu Mediba (nkupatûla’shi : Mwikakêno). Mwanda, pa yaya mbalo, beena Isalele abekutwêne na Yepowa, ank’ê balêshêshe mu nkatshi mwaabo by’adi mwilamûne ku bubi bôso. Nfumu a beena Endome apele beena Isalele kukîla mwiumbo dyê (Bak 11:16-18 ; Kwa 2:1-8 ; Eb 13:1-2) 14 Beena Isalele p’abaadi baki ku Kandeshe, Mose batumine mikyendji mu kulungula nfumu a beena *Endome’shi : « Pusha abyakula bakwenu beena Isalele ! Weûku malwa ooso aatudi bamone. 15 Bankambwa betu ba kala kala abaîle mwiumbo dya Eshipitu, mwilo wetu namu ubashaalêle mwanka bipwa bi bungi. Anka, hena Eshipitu abamweshêshe bankambwa betu malwa, betumweshanyi mpaa n’atwe. 16 Tubedîle Yepowa by’adya kwitupaasha, ê namu nkupusha kwakwa kudila kwetu, nkwitutumina *Mwikeilu ê, nkwitutûsha mu Eshipitu. Binobino twi kuno ku Kandeshe, kibalo kîbakîbwe ku mudyanyino w’eumbo dyobe. 17 Kumîna namu tukîle mwiumbo dyobe, t’atukakîla mu mafuba a aabadi badime sunga mu a milundo ya *nfinyo. T’atukatomo mema a mu mishimwa, nya. Atukalondo’nka kilai kikata kushi kwipenga mboko i balume sunga ngi bakashi mpaa na p’atukapu kukîla mwiumbo dyobe ». 18 Anka, nfumu a beena Endome bebaalulwile’shi : « T’anukakîla mwiumbo dyande. Su nwatompa, atukalu nenu ngoshi ! » 19 Beena Isalele abamwalulwilenyi’shi : « Atukalondo’nka penda kilai. Su atwe na nyema yetu twatoma mema a mwiumbo dyobe, atukakufutu mmôno yaao. Ky’atukutekye nyi’nka penda’twe kukîla mwanka ». 20 Nfumu baalulwile dimonyi’shi : « T’anukakîla mwiumbo dyande ! » Beena Endome abafikile na balwi ba ngoshi be bungi be bukome mu kulwa na beena Isalele. 21 Abebashikîle kukîla mwiumbo dyaabo. Bella Isalele namu abedinkunkwile. Lufu lwa Alono (Kab 33:37-39 ; Kwa 32:48-52 ; 34:1-8) 22 Mwilo ooso wa beena Isalele ubakatukile ku Kandeshe wenda ku mwengye wa Ole, 23 %6e dya ku mudyanyino w’eumbo dya beena *Endome. Kwakwa nyi kw’abalungwile Mose na Alono kwi Yepowa’shi : 24 « Binobino Alono taakyebe kufwa, ende mu kubombêla na bankambwa baaye. P’akatwele mwiumbo dinaapa beena Isalele, nya, mwand’ê n’obe, nubabindwile eyi dyande ku mema a ku Mediba. 25 Obe Mose, ata Alono na mwan’ê Eleasala, nwende ku nsongo a mwengye wa Ole. 26 Kwakwa, okafûle Alono bilamba bya butshiite-mwakwidi, webifwadikye Eleasala. Alono akafwila’nka kwakwa ku ngulu ». 27 Mose bakitshîne muyiile by’abamukamikile kwi Yepowa, bôso basatu benda ku mwengye wa Ole, mwilo ooso wa beena Isalele abemwena. 28 Kwakwa, bafûdile Alono bilamba bya butshiite-mwakwidi bibaadi mufwale, ebifwadika Eleasala. Alono bafwidîle ku nsongo a yawa ngulu, byabya, Mose na Eleasala abaikile kwanka. 29 Mwilo ooso wa beena Isalele, p’aubeûkile’shi : « Alono bapu kufwa », abamudîle maalo muunda mwa mweshi ushima. 21 21 Beena Isalele abatshokola beena Kanaana (Kab 33:40 ; Esa 49:24-26 ; 2 Ban 18:4) 1 Nfumu Alanda, mwina Kanaana baadi mushaale ku sunde kw’eumbo dya Kanaana, beûkile’shi : « Beena Isalele abafwila mwishinda dya Atadima ! » Penyipapa, ê na balwi baaye ba ngoshi, abebwelêle beena Isalele, bakakwata bangi ba kw’abadi bu misungi 2 Byabya, beena Isalele abalaile Yepowa na mutshipo’shi : « Su opaana wawa mwilo mu maasa mwetu, atukatukisha bibalo byaabo bioso mwishina dyobe ». 3 Yepowa bapushishe dyadya eyi dya beena Isalele, ebapa beena Kanaana mu maasa mwaabo. Mwishina dyê, beena Isalele abebatukîshe mpaa na bibalo byaabo. Ku nyima, abaudikile yaya mbalo bu Kôma (nkupatûla’shi : Kulwishididîla). 4 Beena Isalele abakatukile ku mwengye wa Ole, balonda eshinda dya ku *kalunga ka mema ka Malengye, mwanda wa kukunkula eumbo dya *Endome. 5 Mwishinda, beena Isalele abakutshilwe lwishinko, babanga kwipula Efile Mukulu mpaa na Mose’shi : « Mwanda kinyi nwibetutûshe mwiumbo dya Eshipitu ? Nyi mpa mwanda wa’shi, tufikye tufwile muno mu kabaaka ? Muno, ta mwi su mikate su mema a kutoma. Tubatondwa’nka na ano *mane, bidîbwa bishi kapu ». 6 Byabya, Yepowa bebatumîne nyoka i na bulembe yebasuma. Beena Isalele be bungi abafwile. 7 Baba abashêle na muwa, abafikile lubilo kwi Mose’shi : « Twi balwishe, pa kukwipula obe na Yepowa ! Musendêle etukatwishe namu ino nyoka ». Mose basendêlêle Yepowa pa mwanda waabo. 8 Ê namu balungwile Mose’shi : « Kita nyoka a kilonda mwifwane yaya aisumishênanga, omupatshikye ku mutshi wa loobo ula. Yawa ooso musumîbwe na nyoka, su akatala ku yawa nyoka a kilonda, akapaanda ». 9 Byabya, Mose bakitshîne nyoka a kilonda kia munyinga, amupatshika ku mutshi wa loobo ula. Baba bôso abaadi basumîbwe na yaya nyoka, p’abaadi abatala kwanka, abapandjile. Beena Isalele abende mpaa na ku mwengye wa Pisenga (Kab 33:41-47 ; Kwa 8:2) 10 Beena Isalele ababangile lwendo, bakashimikaa musuumba waabo ku Obote. 11 Abakatukile ku Obote, benda bakeushimika ku lye-Abadima, mu kabaaka ke dya kutunduka nguba kwa Moabe. 12 Kukatuka papa, abaîle bakeushimika mu kikolakola kia Seledi. 13 Kukatuka kwakwa, abaîle bakeushimika dya ku nôlo kwa musulo wa AAnone, wi na nsulo yaao mwiumbo dya beena Amole, usambukye mu kabaaka ku mpala kwaao kwikala bu mudyanyino wa beena Moabe na beena Amole. 14 Nyi pa wawa mwanda, mu mukanda awitaaminwaa bu « Ngoshi ya Yepowa » mmufundwe’shi : « Mu Supa, musulo wa Waebe wi na yaao nsulo îmwelêle, 15 wa AAnone namu na yê îmwelêle. Eshiya dyaa AAnone di kibalo kia Ale, nyi di bu mudyanyino w’eumbo dya Moabe ». 16 Beena Isalele abakatukile papa, benda ku Bêle. Kwakwa nyi kw’abalungwidîle Mose kwi Yepowa’shi : « Bunga mwilo wa Isalele nyiupe mema ». 17 Ku nyima, beena Isalele abatumine luno lono’shi : «Mema aakaamîne mu mushîmwa, kupîlai Yepowa nkaasa ! 18 Bakunkushi nyi abeubundwile, baana-buwa namu beutubula na bibongo bya malanga aabo a bufumu ». 19 Beena Isalele abakatukile mu kaka kabaaka, benda ku Matana. Bakatuka kwakwa, benda ku Nakadyele. Bakatuka kwakwa, benda ku Bamote. 20 Abakatukile kwakwa, benda kwibanda disambushêne eumbo dya Moabe. Abaîle batadîle dya ku nsongo a mwengye wa Pisenga, mbalo itundubukye mu kangi kabaaka. Kutshokolwa kwa nfumu Shikone na Ongye (Kwa 2:24-37 ; 3:1-20 ; Yos 24:8) 21 Beena Isalele abatumine mikyendji mu kulungula Shikone, nfumu a beena Amole’shi : 22 « Kumîna namu tukîle mwiumbo dyobe. T’atukakîla mu mafuku abaadi badime sunga mu a milundo ya *nfinyo. T’atukatomo mema a mu mishimwa, nya. Atukalondo’nka kilai kikata mpaa na p’atukapu kusambuka eumbo dyobe ». 23 Anka, Shikone bebashikidîle kukîla mwiumbo dyê. Bakongyele beena ngoshi baaye bôso, bakashikîla beena Isalele ku Yaasa mu mbalabala, balwa n’abo ngoshi. 24 Beena Isalele abatûtshile beena Amole, bebanyenga eumbo dyaabo kubangila ku musulo wa AAnone mpaa na kukafikisha ku kikolakola kia Yaboka. Bakafudîlanyi ku mudyanyino wa beena Amone, mwanda ubaadi wa kipempe. 25 Abanyengyele bibalo bioso bya beena Amole, na kibalo kia Keshebone mpaa na bingi bibalo bioso bi peepi n’akyo, abo nkwimushaala. 26 Keshebone nyi mubaadi mwipata dya Shikone, nfumu a beena Amole, kubanga kasha Shikone alwa ngoshi na nfumu %6baadi kwibedi mu Moabe, amunyenga eumbo dyê dyôso, dyende dyakafika mpaa na ku musulo wa AAnone. 27 Nyi pa wawa mwanda bantu abêlanaa nkindji, abaakwile’shi : « Fikai mu Keshebone ! Twibakûle na kubûsha kibalo kia Shikone ! 28 Mwanda kaalo kabebô dya ku Keshebone, ndjimi yaako ibalafuka dya ku kibalo kia Shikone ! Ibataatshisha kibalo kia Ale %6ki mwiumbo dya Moabe mpaa na kulwishididîla myengyé mwi nsulo ya AAnone. 29 Oo malwa aanukamono anwe beena Moabe baabo ! Nubatukila, anwe balangwidi *Kemoshe ! Benuîsha anwe baana be balume bimpalalêla, baana baaye bakashi namu %6abapandjile, bebapa Shikone, nfumu a beena Amole, bu misungi. 30 Tubelele beena Amole mikyetwe, byabya, Keshebone batukishwa. Eumbo dyôso ndjilwishîbwe mpaa na ku Dibone, twalwishakana ku Nopa, twakafika mpaa na Mendeba ». 31 Byabya, beena Isalele abashaalele mwiumbo dya beena Amole. 32 Mose batumine bampupa mu kubela kibalo kia Yasele. Beena Isalele abafilwile beena Amole na kunyenga kyakya kibalo bu kyaabo, mpaa na bingi bibalo bioso bi peepi n’akyo. 33 Ku nyima beena Isalele abatshokwele mongo, benda mu kilai akyende dya ku *Bashana. Ongye, nfumu a mu Bashana, na beena ngoshi baaye bôso abafikile mu kulwa na beena Isalele ku Endelei. 34 Yepowa balungwile Mose’shi : « T’omutshînanga, nyi mupwe kumupaana mu maasa mobe na beena ngoshi baaye bôso mpaa na dînyi eumbo dyê. Okamukite’nka bu bi bokitshîne Shikone, nfumu a beena Amole baadi mushaale ku Keshebone ». 35 Beena Isalele abatshokwele Ongye na baana baaye na beena ngoshi baaye bôso, kushi kuleka muntu sunga ngumune atala. Ku nyima baata eumbo dyê bu dyaabo. 22 22 Nfumu a mu Moabe aitaamisha Balaama (Kwa 23:3-5 ; Yos 24:9-10) 1 Bînyibyabya, beena Isalele abakatukile, bakashimika musuumba waabo mwibanda dya musulo wa Yondano, eshiya dya beena Moabe, mu ntalañeno a kibalo kia Yediko. 2-4 Mu aa mafuku Balaka mwana a Shipole nyi baadi nfumu a mu Moabe. Beûkile bioso by’abakitshîne beena Amole kwi beena Isalele. Byabya, ê na mwilo wê ooso ushima, pa kwiûka’shi : « Beena Isalele abaafiki bungi bukile ! » ababangile kusûsa mwanda wa mô. Bînyibyabya, beena Moabe abalungwile bakulu ba beena Midyana’shi : « Kyokyo kibumbu, p’akifiki, akilwisha bioso bîtwifûnyishe’nka bu nyema ya ñombe aikusula lubishi ». 5 Ku Petole, kibalo ki ku bukunkula kwa mwela wa *Ufwalate, kibaadi mwana paabo, eshina dyê Balaama. Nfumu Balaka bamutuminyîne mukyendji’shi : « Kuno kwi mwilo ubatûku mu Eshipitu, ubashaala’nka shaashaasha mwiumbo dyôso. Wawa mwilo ubanshaala’nka mu nkunka. 6 Fika namu webangye milwaa, mwanda mbakile mwilo wande bukome. Su okumîna, pangi ne mulombêne kulwa n’abo mpaa na kwibapaasula mwiumbo dyande, mwanda neûku’shi, yawa’wêlelaa mwaabi e na mwaabi. Yawa’wêlaa milwaa namu, aimukwataa ». 7 Bînyibyabya, bakulu ba beena Moabe na ba beena Midyana abaîle, mbatwale by’abadya nkapa Balaama abukaa. Abafikile kw’adi bamulungula bioso by’abaakwile kwi Balaka. 8 Balaama bebalungwile’shi : « Laalai kuno. Malôba nenupe lwalûlo, muyiile by’abakandungula kwi Yepowa ». Baba baana-buwa namu abalêle kwê. 9 Yepowa bafikile, aipusha Balaama’shi : « Baba bantu be kobe mbanyi ? » 10 Ê namu bamwalulwile’shi : « MBalaka nfumu a beena Moabe, mwana a Shipole, bebatumu mu kundungula’shi : 11 Kuno kwi mwilo ubatûku mu Eshipitu, ubashaalaa’nka shaashaasha mwiumbo dyôso. Nakusendêla, ofikye, webangyêle milwaa. Pangi ne mulombêne kulwa n’abo mpaa na kwibapaasula mwanka ». 12 Efile Mukulu balungwi Balaama’shi : « T’wendanga n’abo, nya. T’okêlanga wawa mwilo milwaa, mwanda nyi mupwe kwiwêlela mwaabi ». 13 Pa bubatôkyele, Balaama’nka kyabûku, balungwile baaba baana-buwa b’abatumine’shi : « Alukîlai kwiumbo dyenu. Yepowa bantosha’shi : T’wendanga n’abo ». 14 Byabya, baaba baana-buwa ba Lena Moabe abebwele, baaluka kwi Balaka, bakamulungula’shi : « Balaama bapele kufika netu ». (1 Tim 6:9-10 ; 1 Yoa 1:6 ; Luk 11:34-35) 15 Penyipapa, Balaka batuminenyi bangi baana-buwa, be bungi bukile na kinêmo kikile kia baaba abaîle kwibedi. 16 Abaîle bakalungula Balaama dimn eyi’shi : « Ami Balaka mwana a Shipole, nakusendêla, t’opelanga kufika kuno kwande. 17 Mwanda nakakupa bupeta bwi bungi. Dingi nakakitshi bioso by’okandungula. Fika namu ongyêle uno mwilo milwaa ». 18 Balaama baalulwile baaba bantu b’abatumine kwi Balaka’shi : « Sunga Balaka badya nkumpa *adishaa na *ôlo byûle mwibalasa dyê, tankapele kukôkyela kwiyi dya Yepowa Efile ande. 19 Sunga mbyabya, anwe lalaai namu kuno, malôba nyiûkye ky’abakandungula dimo kwi Yepowa ». 20 Mu bwabwa bufuku, Yepowa bafikile kwi Balaama, amulungula’shi : « Pa mwanda wa bano bantu mbafikye mu kukwitaamina, ebwê, wende n’abo ank’okalonde’nka penda eyi dyankakulungula ». 21 Byabya, ku namashika, Balaama batentaamine ku mpunda ê, enda na baaba baana-buwa ba beena Moabe. Mpunda a Balaama 22 Lwalwa lwendo lwa Balaama lubakwatshîshe Efile Mukulu nsungu. Pa baadi Balaama kwete kwenda na bafubi baaye babidi, *Mwikeilu a Yepowa baimêne mwishinda mwanda wa kumukingîla dyanka/eshinda. 23 Yawa mpunda bamwene yawa Mwikeilu a Yepowa mwimane mwishinda, mukwate lupete lwa ngoshi lukaashwe mu kipusu. Mpunda bamwikumbile na kukîla dya mu kisuku, anka Balaama bamukupîle by’adya kwaluka mwishinda. 24 Penyipapa, yawa mwikeilu baîle, akaimana pa mbalo pakulukye eshinda %6adikîla mu nkatshi mwa mafuba a *nfinyo ashikîlwe mbumbo ibidi ku lupese na lupese. 25 Yawa mpunda pa bamwene yawa Mwikeilu, banêmenêne dya ku lubumbo, lwaa lwa Balaama lwekuwa kwanka, lwatapika. Byabya, Balaama bamukupîle dingi. 26 Yawa Mwikeilu baîle dingi kipindji kila, akemana pa mbalo ikile kwibonda, ish’aimweka kwa kwipengyela ku mboko i balume sunga nku i bakashi. 27 Mpunda, pa bamwenenyi Mwikeilu, baladîle muushi mwa nfumwê. Balaama bamukwatshîle nsungu, amukupila dimonyi na mukombo wê. 28 Penyipapa, Yepowa baakwîshe mpunda, yawa namu alungula Balaama’shi : « A ki naakukitshi ki bopu kunkupîla misûsa isatu nkinyi ? » 29 Balaama baalulwile mpunda’shi : « Mpa mwanda bompêsha. Su nadya kwikala na lupete lwa ngoshi, anka taa mpwile kukwipaa ». 30 Mpunda balungwile Balaama’shi : « Ami nkì mpund’ôbe %6otentamaa mafuku ooso mpaa na lelo uno be ? Nekala’nka na kino kipikwa kia kukukitanga bino su ? » Balaama bamwalulwile’shi : « Ooo ». 31 Byabya, Yepowa babûlwile meso a Balaama, ê nkumona yawa Mwikeilu mwimane mwishinda, mukwate lupete lwa ngoshi lukaashwe mu kipusu. Balaama bamubandamîne, akunama na kukupila mpala paashi. 32 Yawa Mwikeilu bamwipwishe’shi : « Mwanda nkinyi bopu kukupila mpunda ôbe misûsa isatu ? Nfikanga mu kukushikîla eshinda, mwanda luno lwendo l’wende t’andunsangashe, nya. 33 Byabya, mpunda bammono misûsa yôso isatu, bapele kunyitanya/kunyikupila. Su ta mmukite byabya, nadya kwikala mupwe kukwipaa, namuleka, ê, na muwa ». 34 Balaama balungwile Mwikeilu a Yepowa’shi : « Ne musôle, mwanda ntanyiûkanga’shi, we mwimane ku mpala kwande mwishinda, nya. Byabya, su luno lwendo t’alukusangasha, neûkye kwalukîla kwande ». 35 Yawa Mwikeilu bamwalulwile’shi : « Ooo, t’olukanga. Nda’nka na bano bantu, anka okaakûle’nka byankakulungula ». Balaama namu baîle na baaba bakunkushi b’abatumine kwi Balaka. Balaka akatundaisha Balaama (Kab 24:10-13) 36 Pabapushîshe Balaka’shi : « Balaama ngyiu afiki », baîle mu kumutundaisha ku kibalo kia beena Moabe ki ku mudyanyino w’eumbo dya Moabe, dya ku musulo wa AAnone. 37 Balaka baipwishe Balaama’shi : « Mwanda kinyi t’we mukumîne kufika musûsa ubedi wankutuminyine mikyendji ya kukwitaamisha ? Otentekyeshanga’shi, nkì nadya kukupa bwedi bukata su ? » 38 Balaama balungwile Balaka’shi : « Binobino naafiki kuno k’odi. Nkì na kyandja kwakula’mi. Anka penda eyi adikampa Efile Mukulu dyandja nkulungula nyi kyankakulungula ». 39 Balaama baîle na Balaka, bakafika ku Kidyat’Usote. 40 Kwakwa Balaka belêshe bitapwa bya ñombe na bya mikôko. Bapêle Balaama na baaba baana-buwa %6abamushindjikîle waabo mwita. Balaama atemukila beena Isalele myaabi 41 Bubatôko, ku namashika kw’efuku dibalondele, Balaka baatshile Balaama, akaamina n’ê ku Bamotebaala, kwakwa kubaadi kipindji kipêla kia beena Isalele bôso akimweka (Kwa 23:4-6 ; 32:8-9 ; Kibang 50:20) 23 23 1 Balaama balungwile Balaka by’adya kumwibakîsha pa yaya mbalo bite musambobidi na kumufwishîsha ñombe ilume musambobidi na bimpanga bya mikôke musambobidi. 2 Balaka bakitshîne bibamulungwile Balaama. Balaka na Balaama abalambwidîle pa kite na kite ñombe mulume umune na kimpanga kia mukôko. 3 Ku nyima, Balaama balungwile Balaka’shi : « Shaalaa mwimane pano peepi na bitapwa by’oshîkilanga bioso mu kaalo, ami nyende dy’aku. Pangi Yepowa akafiki mu kufumankana n’ami. Nakakulungula mwanda w’akanyiûkisha ». Baîle dya ku nsongo a mwengyé. 4 Kwakwa Efile Mukulu bafikile ku mpala kwa Balaama, Balaama namu amulungula’shi : « Naaibakisha bite musambobidi, naalambwila ñombe mulume na kimpanga kia mukôko pa kite na kite ». 5 Yepowa bapêle Balaama eyi dy’adya nkakungula Balaka na kumwalusha kwakwa ku mbalo kubaadi Balaka. 6 Balaama baalukîle kubaadi Balaka’nka kí mwimane peepi na byabya bitapwa bi bashîkile. Baana-buwa ba beena Moabe abaadi n’ê pa yaya mbalo. 7 Balaama baakwile bino bishima bi batambwile’shi : « Balaka, nfumu a beena Moabe, mmunyitaamine dya ku Shidi ku naadi, ku nsenga ya mangulu i dya kutunduka nguba’shi : Fika, ongyêle ba ku musuku wa Yakoba milwa. Webafunyine abo beena Isalele. 8 A nkipaso kinyi kilombêne’mi nêla milwa baaba ba bashi bêyele kwi Efile Mukulu ? A nkipaso kinyi kilombêne’mi nafunyina baaba ba bashi bafunyine kwi Yepowa ? 9 Mmonanga wawa mwilo, ami ku nundu kwa mbwebwe. Néubandjila, ami ku masongo a myengyé. Nyi mmwilo ushaale pa bwaao. Ta ngwisangye na ingi mîlo, nya. 10 Nanyi a kubadika ba ku musuku wa Yakoba, %6be bungi bu lufwenkyenyi ? Na kwiûka bungi bwa kyakya kibumbu kyaabo’bo beena Isalele ? Neabikîsha kufwa lufu lumune na baaba balulame ! Nfudîlo yande îkale’nka bi yaabo ! » (Lom 8:33 ; 11:29 ; Kwa 7:6) 11 Balaka balungwile Balaama’shi : « A ki bonkitshina byabya nkinyi ? Nkwitaamîshe by’odya kungyêla beshikwanyi n’ami milwaa, obe t’wébatemukila myaabi i bungi ! » 12 Balaama bamwalulwile’shi : « Wandji n’ao ta ngwa kukulungula’nka penda dyadya eyi dibampa Yepowa’be ? » Balaama atemukila dimo beena Isalele myaabi 13 Balaka bamulungwile’shi : « Fika, twende pa ingi mbalo p’omono beena Isalele bôso, mwanda pano t’webamonanga bôso’be. Kwakwa okebangyêle milwaa ». 14 Byabya, Balaka na Balaama abaîle dya ku mbalo ya kubelela, ku nsongo a mwengye wa Pisenga. Kwakwa Balaka bekwibakîshe bingi bite musambobidi na kulambula ku kite na kite ñombe mulume umune na kimpanga kia mukôko. 15 Ku nyima Balaama balungwile Balaka’shi : « Shaalaa mwimane pano peepi na bitapwa by’oshîkilanga bioso mu kaalo, ami nyende dy’aku mu kufumankana na Yepowa ». 16 Kwakwa Yepowa bamwekyêlenyi Balaama, amupa eyi dy’adya nkalungula Balaka, na kumwalusha kwakwa ku mbalo kubaadi Balaka. 17 Balaama namu baalukîle kubaadi Balaka’nka kí mwimane peepi na byabya bitapwa bi bashîkile. Bakunkushi ba beena Moabe abaadi n’ê pa yaya mbalo. Balaka bamwipwishe’shi : « A Yepowa bakulungula kinyi ? » 18 Balaama baakwile bino bishima bi batambwile’shi : « Ebwe Balaka, opushe ! Ntê matwi, obe mwana a Shipole ! 19 Efile Mukulu t’e bu muntu %6adimbaa. T’e bu mwana a muntu %6ealushaa ku mongo ku bitshibilo. Kyôso ky’aakulaa, ekikitaa. Kyôso ky’aleyaa, ekilombashaa. 20 Ami nyi mutambule ekoma dya kwêlela Isalele mwaabi. Yepowa nyi mwêlele wawa mwilo mwaabi, ami ntankwiwalûla. 21 Mwi ba ku musuku wa Yakoba ntanyimumono bubi’mi, sunga malwa mw’abaadi’bo beena Isalele. Yepowa Efile aabo e n’abo. Nkundakunda yabamwelela, ê nfumu aabo, aipushika mu nkatshi mwaabo. 22 Efile Mukulu bebatushîshe mu Eshipitu, ebapa bukome bwi’nka bi bwa nyema a mbô. 23 Mbînyibînyi myanda ya mu mufito ta ya kukita ba ku musuku wa Yakoba kintu, (l) sunga ngya mbuko kukita kintu kw’abadi’bo beena Isalele. Binobino abakaakula bitale beena Isalele, baaba ba ku musuku wa Yakoba’shi : Talai by’abebakitshîna kwi Efile Mukulu ! 24 Uno mwilo awibô’nka bi nyema a ntambwe sh’aalukaa mu tulo, su ta pwile kusaasula mwita na kutoma mase a nyema a bakwata ». (Kwa 33:26-29 ; 1 Ban 4:20-5:5 ; Luk 1:54) 25 Balaka balungwile Balaama’shi : « Su t’okyebe kwibêla milwaa, lekyeshanga kwibelela myaabi ! » 26 Balaama bamwalulwile’shi : « Taa mpwile kukulungula’shi, nakalondo’nka penda eyi dy’abakandungula kwi Yepowa ». (l) 23:23 Sunga’shi: Myanda ya mu mufito ta i na kyaayo kwi twikulu twa Yakoba, Balaama atemukila dimonyi beena Isalele myaabi 27 Bînyibyabya, Balaka balungwile Balaama’shi : « Fika, twende nkakutûle mu ingi mbalo. Pangi Efile Mukulu akakumîna’shi ku yaya mbalo okangyêle beena Isalele milwaa ». 28 Baîle na Balaama mu nsongo a mwengye wa Peole, pa mbalo itundubukye ilombêne kumona mu kabaaka môso. 29 Balaama balungwile Balaka by’adya kumwibakîsha dimo bite musambobidi na kumufwishîsha ñombe ilume musambobidi na bimpanga bya mikôko musambobidi. 30 Balaka bakitshîne bioso bibamulungwile Balaama. Balambwidîle ku kite na kite ñombe mulume na kimpanga kia mukôko. 24 24 1 Balaama beûkile’shi, Yepowa apusha buwa’nka kwelêle beena Isalele mwaabi, byabya ta mmukyebenyi kwenda bu misûsa ibedi ku myanda ya maleñanyi, anka babandulwile mpala yê, atala dya mu kabaaka. 2 Pa bamwene beena Isalele mbashaale muyiile bisamba byaabo, Kikudi ky’Efile Mukulu kibamukwatshile, 3 aakula bino bishima bi batambwile’shi : «Bino nyi mbishima bi naatambul’ami Balaama, mwana a Beole, ami muntu e na meso ananka, 4 apusha myanday’Efile Mukulu. Mbishima by’ami amono bimonwa bya yawa Sha bukome bôso. Nê akitaa, su taammulangwila, byammono myanda pa butôka. 5 Anwe ba ku musuku wa Yakoba, beena Isalele, mashibo enu a mapema mw’anudi babombêle, ky’aadi buwa kino pe ! 6 Milongo ya aa mashibo aimweka bu misulo ya mema, na bu mafuba e nkunkula a mwela. I’nka bu mitshi ya *aloe, ikunyîbwe na Yepowa, na bu mitshi ya *sendele ikunwe nkunkula a musulo. 7 Mu mambekyetshi a beena Isalele amukekala mema mpaa na kusumbuka. Bikunwanga byaabo abikapa pa mwanda wa bungi bwa aa mema. Nfumu a beena Isalele akakambila Anganga (m), na bufumu bwaabo namu abukalabala. 8 Efile Mukulu bebatushîshe mu Eshipitu, ebapa bukome bwi’nka bi bwa nyema a mbô. Abakashindjididîla mîlo i n’abo ngo {na kulwa n’abo ngoshi}, batshokola mifufwa yaabo na kwibaasa mikyetwe. 9 Mwilo wa Isalele wi’nka bu nyema a ntambwe babusama na kulaala. Nanyi namu a kumwibwêsha panka pa bukopo ? Anwe beena Isalele, mwaabi kwi yawa ooso akenwêlela mwaabi ! Mulwaa namu kwi yawa ooso akenwêle mulwaa ! » 10 Bînyibyabya Balaka bakwatshîle Balaama nsungu, amufunyina na kumulungula’shi : « Nyi mpa mwanda wa kwêla beshikwanyi n’ami milwaa wankwitaamîshe ! Tala, bopu kwibêlela myaabi misûsa isatu ishîma ! 11 Katuka binobino walukîle k’obe. Naadi mukulê kukupa bupeta, anka Yepowa bakukutshishwa bwanka ! » (m) 24:7 Anganga baadi nfumu a beena Amaleka. Tala 1 Sa 15:32-33 Isalele akekala na ntumbo ma mafuku aakafiki 12 Penyipapa Balaama baalulwile Balaka’shi : « Nkipwile kulungula patôka mikyendji y’ontuminyine, ami’shi : 13 Sunga Balaka badya kumpa *adishaa na *ôlo biûle mwibalasa dyê, ntankalondo abikyebe eshimba dyande sunga nkapêla. Wandji n’ao anka kukôkyela kwiyi dya Yepowa. Nakaakula’nka mu byabya by’akandungula. 14 Talanga binobino, nakyebe kwalukîla kwetu, anka kwibedi kwa kwenda, nakyebe kukwiûkisha ky’abakakitshi mwilo ôbe kwi beena Isalele mu mafuku aakafiki ». (2 Sa 7:8-9 ; 8:2,13-14 ; Ño 110 ; Mal 5:1) 15 Balaama baakwile bino bishima bi batambwile’shi : «Bino nyi bishima bi naatambul’ami Balaama, mwana a Beole, ami muntu e na meso ananka, 16 apusha myanda y’Efile Mukulu. Mbishima by’ami eûku bi mwishimba dyê, Efile Mukile bôso, ami amono bimonwa bya yawa Sha bukome bôso. Nê akitaa, su taammulangwila, byammono myanda pa butôka. 17 Nkwete kumona mwanda utale wawa mwilo, anka t’aukakitshika binobino. Nkwete kubandjila mwanda wiutale, anka t’aukafiki kabidi kano. Nfumu %6e bu lwenyenyi %6alupenyapenya akatûku mu nkatshi mwa ba ku musuku wa Yakoba, Elanga dya bufumu bwê adimikwa mu nkatshi mw’abo’bo beena Isalele. Akakupila n’adyo beena Moabe mu mbotebote, na ku mitwe ya baaba bantu bôso basha kwitatula. 18 Akanyengye eumbo dya *Endome bu dyê, abo beshikwanyi n’ê beena *Seile. Beena Isalele abakekala’nka batshokolanga. 19 Mu twikulu twa Yakoba amukatûku nfumu akamunu beena Endome. Akatutshididîla baaba bashaalé mu bibalo byaabo ». Kutûtshika kwa beshikwanyi na beena Isalele 20 Balaama bamwene beena Amaleka, aakula’shi : « Beena Amaleka nyi mwilo ukilekile bukome, anka ku nfudîlo aukashiminyinyîna ». 21 Bamwenenyi beena Kene, aakula’shi : « Anwe beena Kene, nwi mu kufukama mwiumbo dyenu, anka bi konyi ke mwiswa di mu mbwebwe. 22 Sunga mbyabya, bibalo byenu abikashîkîbwa kaalo. Beena Ashidi abakende nenu bu misungi ». 23 Balaama baakwilenyi’shi : « A ! Nanyi akashaalaa na muwa p’abakitshi yaya myanda kwi Efile Mukulu ? 24 Dya lupese lwa kîla kia Shipele, akukafiki masuwa a mema a beena ngoshi, abakatshokola beena Ashidi na ba ku musuku wa Ebelo. Ku nyima, baaba beena ngoshi abakashiminyinyîna ». 25 Ku nyima kwa yaya misambo, Balaama batwelele kwishinda, aaluka kwê. Balaka namu enda kwê. 25 25 Beena Isalele abepaana mu kulangwila bangi befile (Kibaf 2:14 ; Kwa 4:34 ; 1 Kod 10:8) 1 Bînyibyabya, beena Isalele abakashaalêle ku Shitshima. Kwakwa ababangile kutambuka lusandji na baana bakashi ba beena Moabe (n). 2 Ku nyima, baaba baana bakashi abaadi abebetaamina ku bidîbwa byaabo bya kusepêla, kw’abaadi abêlela befile baabo bitapwa. Beena Isalele namu abaakumînanga kudya n’abo mpaa na kukunamina baaba befile mwanda wa kwibalangwila. 3 Beena Isalele abepêne mu kulangwila efile *Baala a ku Peole. Pa wawa mwanda Yepowa bebakwatshîle nsungu, 4 akamika Mose’shi : « Kwatshisha bakunkushi bôso ba beena Isalele, webapudikishe (o) mu kaanya mwishina dyande. Byabya nsungu yandji mwinukwatshile aitembe bu kaalo aikataala ». 5 Mose bapêle bansushi bôso ba beena Isalele dino ekoma’shi : « Muntu na muntu a kw’anudi aipê baaba bantu ba mu kisaamba kiaye bepaane mu kulangwila kwa Baala a ku Peole ! » (n) 25:1 Mu 31:16 {nyi}amulêsha’shi,Balaama nyi bapêle beena Moabe elango dya kwitaamina beena Isalele bulunda. (o) 25:4 Sunga’shi, opudikishe basôle myanda. 6 Anka penyipapa, muntu umune a mu nkatshi mwa beena Isalele bafikile kwaabo na mwana mukashi mwina Midyana, ku meso kwa Mose na kwa kisaka kyôso kia beena Isalele %6abaadi bebungile, badilanga ku mpala kwa kibelo kia shibo y’efumankeeno na Yepowa. 7 Tshite-mwakwidi Pinekase, mwana a Eleasala, mwana a Alono, pa bamwene byabya, bebwele mu nkatshi mwa’kia kisaka, atombola mulumbu. 8 Alonda yawa muntu même’mongo, amutwelela mu kashiho k’epema mubatwelele na yawa mwana mukashi, ebaipaa bôso pa kwibakinkila kumune mulumbu mu mafu. Anka papa, kipupa nkupwa mu nkatshi mwa beena Isalele. 9 Ku kyakya kipupa taa kubaadi kupwe kufwa bantu binunu makumi abidi na binanka. 10 Bînyibyabya Yepowa balungwile Mose’shi : 11 « Tshite-mwakwidi Pinekase, mwana a Eleasala mwana a Alono, balekyeshesha nsungu yande ikata pe beena Isalele, ê pa kwibakita’nka byabya bi nadya kwibakita. Nyi pa wawa mwanda, sunga ntankyebaa bekala na ungi efile anka penda’mi, nkì mwibatûte’mi. 12 Byabya, omulungule, nakitshi n’ê kilombêno akikamwikêla nsulo ya kufukama. 13 Kyakya kilombêno, nakitshi n’ê mpaa na ba ku musuku wê. Akikekasha ba ku musuku wê mafuku ooso bu batshite-baakwidi, pa mwanda balêsha kipaso ky’adi mulamate’nka kwandji’mi, Efil’ê. Balombasha abitungwa kukita bilombêne wawa mulwisho wa beena Isalele walekyêlwa ». 14 Yawa mwana mulume mwina Isalele %6baipailwe mu nsaa imune na yawa mwana mukashi mwina Midyana, eshina dyê mbu Shimidi mwana a Salu. Shimidi baadi mukunkushi a nshibo ya mu mashibo a beena Shimeono. 15 Eshina dya yawa mwana mukashi dibaadi bu Kosobi mwana a Sulu. Sulu namu baadi mukulu a bifuko bya kisaamba kimune kia mu Midyana. (Kab 31) 16 Yepowa bakamikile Mose’shi : 17 « Kitaai beena Midyana by’anukitaa beshikwanyi nenu, kwamba’shi, nwibatûte. 18 Abo taabadi beshikwanyi nenu pa kwinulubisha na bulamalama bwaabo, mu mwanda wa ku Peole na wa yawa nsongwakashi Kosodi mwana a umune a ku bakunkushi baabo, winyi yawa baipailwe mu mafuku a kipupa kia ku Peole ». Beena Isalele ababadikwa musûsa wa kabidi (Kab 1-2 ; 1 Maf 2-8 ; Kibaf 7:4-8) 19 Ku nyima kwa kyakya kipupa, 26 26 1 Yepowa bakamikile Mose na tshiite-mwakwidi Eleasala, mwana a Alono’shi : 2 « Nubadikye bungi bwa bantu bôso be mu mwilo wa beena Isalele, mu mashibo na mashibo, be na bipwa makumi abidi na kukila papa balombêne kulwa ngoshi ». 3-4 Mose na tshiite-mwakwidi Eleasala abalungwile beena Isalele uno mwanda, p’abaadi bakí mwibanda dya musulo wa Yondano, eshiya dya beena Moabe, nkunkula a Yondano, mu ntalañeno a kibalo kia Yediko. Abebalungwile’shi : « Abitungu kubadika baana balume bôso be na bipwa makumi abidi na kukila papa ». Byabya, Mose na beena Isalele abatûkile mu Eshipitu abakitshîne muyiile bibebakamikile Yepowa. Bisamba bya beena Isalele bibakatukile mu Eshipitu bibaadi bino : 5 Kisamba kia Lubeene, 6kibatûkile mu Lubeene mwana mbedi a Yakoba, kibaadi kibungile bino bifuko : beena Kanoka abatûkile kwi Kanoka na beena Palu kwi Palu, 6 beena Keselone kwi Keselone na beena Kaami kwi Kaami. 7 Byabya mbifuko bya kisaamba kia Lubeene by’ababadikile, byatuuka bantu 43 730. 8 Eliabe, mwana a Palu, 9 batandjile Nemuele na Ndatana mpaa na Abilama. Ndatana na Abilama abaadi bakata ba mwilo. Nabo abatombokyêle Mose na Alono, bebungila ku kisaka kia Kola, kibatombokyelêlenyi Yepowa. 10 Byabya, nsenga ibabûlukile, yebabwikîla na Kola kumune. Anka dînyi dyadya efuku, bôso abaadi ku lupese lwa Kola abafwile. Kaalo kataatshishanyi bantu nkama ibidi na makumi ataano. Byabya bibaadi bu kipaso/kileshêsho kia kudimuna beena Isalele abashêle. 11 Anka, baana ba Kola t’abafwile mu lwalwa lufu, nya. 12 Kisamba kia Shimeono kibaadi kibungile bino bifuko : beena Nemuele %6abatûkile kwi Nemuele na beena Yamina kwi Yamina, beena Yakina kwi Yakina, 13 beena Selaka kwi Selaka na beena Shaulu kwi Shaulu. 14 Byabya nyi bibaadi bifuko bioso bya beena Shimeono, by’ababadikile, byatuuka bantu 22 200. 15 Kisamba kia Ngada kibaadi kibungile bino bifuko : beena Sepone abatûkile kwi Sepone na beena Kangi kwi Kangi, beena Shunyi kwi Shunyi, 16 beena Osonyi kwi Osonyi, na beena Endji kwi Endji, 17 beena Alonde kwi Alonde na beena Aledi kwi Aledi. 18 Byabya nyi bibaadi bifuko bioso bya beena Ngada by’ababadikile, byatuuka bantu 40 500. 19 Yuda batandjile ba Ele na Onane, abafwidîle bôso mwiumbo dya Kanaana (p). 20 Mu bangi baana balume ba Yuda mubatûkile bino bifuko : beena Shela kwi Shela, beena Pelese kwi Pelese, beena Selaka kwi Selaka. 21 Mu beena Pelese mubatûkile bino bifuko : beena Keselone kwi Keselone na beena Kamula kwi Kamula. 22 Byabya nyi bibaadi bifuko bioso bya beena Yuda by’ababadikile, byatuuka bantu 76 500. (p) 26:19 Tala Kibang 38:7 23 Kisamba kia Isakala kibaadi kibungile bino bifuko : beena Tola %6abatûkile kwi Tola na beena Puwa kwi Puwa, 24 beena Yashuba kwi Yashuba na beena Shimolone kwi Shimolone. 25 Byabya nyi bibaadi bifuko bioso bya beena Isakala by’ababadikile, byatuuka bantu 64 300. 26 Kisamba kia Sabulone kibaadi kibungile bino bifuko : beena Selende %6abatûkile kwi Selende na beena Elone kwi Elone na beena Yalêle kwi Yalêle. 27 Byabya nyi bibaadi bifuko bioso bya beena Sabulone by’ababadikile, byatuuka bantu 60 500. 28 Kisamba kia Yosefe kibaadi kibungile beena Manase na beena Efalayime 29 Kisamba kia Manase kibaadi kibungile bino bifuko : beena Makila %6abatûkile kwi Makila, na beena Ngilanda kwi Ngilanda. Makila nyi batandjile Ngilanda. 30 Beena Ngilanda abaadi babungile bino bifuko : beena Yeselo %6abatûkile kwi Yeselo, beena Keleka kwi Keleka, 31 beena Asadyele kwi Asadyele, beena Shekeme kwi Shekeme, 32 beena Sheminda kwi Sheminda, na beena Kepele kwi Kepele. 33 Anka, Selopande mwana a Kepele ta batandjile mwana mulume, nya, batandjile’nka penda baana bakashi. Mashina aabo nyi ngano : Makala na Noa na Kongola na Mileka mpaa na Tilesa. 34 Byabya nyi bibaadi bifuko bioso bya beena Manase by’ababadikile, byatuuka bantu 52 700. 35 Kisamba kia beena Efalayime kibaadi kibungile bino bifuko : beena Shutela %6abatûkile kwi Shutela, beena Bekele kwi Bekele, beena Takana kwi Takana, 36 na beena Elana kwi Elana mwana a Shutela. 37 Byabya nyi bibaadi bifuko bioso bya beena Efalayime by’ababadikile, byatuuka bantu 32 500. Mwi Yosefe nyi mubatûkile bifuko bioso bya mu byabya bisamba bibidi. 38 Kisamba kia Beshamee kibaadi kibungile bina bifuko : beena Bela %6abatûkile kwi Bela, na beena Ashebele kwi Ashebele, beena Akilama kwi Akilama, 39 beena Shupama kwi Shupama na beena Kupama kwi Kupama. 40 Beena Bela abaadi babungile beena Anda %6abatûkile kwi Ande na beena Naamana kwi Naamana. 41 Byabya nyi bibaadi bifuko bioso bya beena Beshamee by’ababadikile, byatuuka bantu 45 600. 42 Kisamba kia Dana kibaadi na’nka kifuko kimune kia beena Shukama %6kibatûkile kwi Shukama. 43 Ababadikile kyakya kifuko, kyatuuka bantu 64 400. 44 Kisamba kia Aseele kibaadi kibungile bino bifuko : beena Imina %6abatûkile kwi Imina, na beena Ishwi kwi Ishwi, na beena Bedya kwi Bedya. 45 Beena Bedya abaadi babungile beena Ebele %6abatûkile kwi Ebele na beena Malekyele kwi Malekyele. 46 Aseele baadi na mwan’ê mukashi eshina dyê mbu Selakye. 47 Byabya nyi bibaadi bifuko bioso bya beena Aseele by’ababadikile, byatuuka bantu 53 400. 48 Kisamba kia Nefutali kibaadi kibungile bino bifuko : beena Yashyele abatûkile kwi Yashyele na beena Ngunyi kwi Ngunyi, 49 beena Yesele kwi Yesele, na beena Shileme kwi Shileme. 50 Byabya nyi bibaadi bifuko bioso bya beena Nefutali by’ababadikile, byatuuka bantu 45 400. 51 Bungi bwa beena Isalele bôso b’ababadikile bubaadi bantu 601 730. Kipaso kia kwabila eumbo dya Kanaana 52 Bînyibyabya, Yepowa bakamikile Mose’shi : 53 « Abitungu kwabila beena Isalele eumbo dya Kanaana bu dyaabo dyaabo muyiile bungi bwa bantu babadikwe mu kisaamba na kisaamba. 54 Kisamba na kisaamba akikapete kipindji kia nsenga bu kyaakyo kyaakyo muyiile bungi bwa bantu babaadi babadikye mwanka. Kisamba %6ki na bantu be bungi akikapete kipindji kia nsenga kikata, na kyakya %6ki na bantu bapêla akikapete namu kipêla. 55 Misûsa yôso, nukatê’nka bubale pa kwabila kw’eumbo, na kutentekyesha bungi bwa bantu bwi mu kisaamba na kisaamba. 56 Nyi anka penda ku bubale kw’abakaabila bisamba bikata na bipêla dyadya eumbo ». Beena Lefi ababadikwa musûsa wa kabidi 57 Mu beena Lefi, abemubadikile bino bifuko : beena Ngyeshone %6abatûkile kwi Ngyeshone na beena Keate kwi Keate, beena Melali kwi Melali. 58 Kisamba kia Lefi kibaadi kibungile bino bifuko : beena Libinyi na beena Ebelone na beena Madi na beena Mushi mpaa na beena Kola. Keate nyi nsh’ê na Amalama. 59 Amalama baibakîle Yokebende, mwana mukashi a Lefi a bantandjile mwiumbo dya Eshipitu. Yokebende batandjile na Amalama baana basatu : ba Alono na Mose mpaa na nkashan’aabo Midyama. 60 Alono batandjile baana bananka : ba Nandaba na Abiu na Eleasala mpaa na Itamala. 61 Anka Nandaba na Abiu abafwile p’abalambwile Yepowa bukula bwi mapembwe, mwanda abebwêlele na kaalo ka shi mwaate bu kê. 62 Bungi bwa baana balume bôso %6abaadi na mweshi umune na kukila papa bubaadi bantu 23 nya. T’abaadi babadikwe kumune na bangi beena Isalele, nya, mwanda t’abakekala na kipindji kia nsenga bu kyaabo kyaabo bu abikekala n’abyo bangi beena Isalele. Yoshwa na Kalebe abatwele mu Kanaana 63 Bwabwa nyi bungi bwa beena Isalele bw’ababadikile kwi Mose na tshite mwakwidi Eleasala, p’abaadi bakí mwibanda dya musulo wa Yondano, eshiya dya beena Moabe, nkunkula a Yondano, mu ntalañeno a kibalo kia Yediko. 64 Mu nkatshi mwa baaba bôso b’ababadikile kwi Mose na tshiite-mwakwidi Eleasala, ta kubaadi dingi muntu sunga ngumune a ku baaba b’ababadikidîle mu kabaaka ka Sinai kwi Mose na tshiite-mwakwidi Alono, nya. 65 Mwanda Yepowa bapwile kwakula’shi : « Mbînyibînyi baaba bôso abakafwila’nka mu kabaaka ! T’akukashaala muntu sunga umune, anka penda Kalebe mwana a Yepune na Yoshwa mwana a Nuna ». 27 27 Baana bakashi abatundula eshina dya mutwe wa nsh’aabo (Kab 36 ; Yos 17:3-4) 1 Bînyibyabya, kubaadi muntu eshina dyê Sepolande mwana a Kepele, batandjile baana bakashi bataano : ba Makala na Noa na Kongola na Mileka mpaa na Tilesa. Kepele baadi mwana a Ngilanda, mwana a Makila, mwana a Manase, mwana a Yosefe. Baba baana bakashi bataano abafikile 2 ku mpala kwa kibelo kia shibo y’efumankeeno na Yepowa, belubula kwi Mose na tshiite-mwakwidi Eleasala na bakunkushi mpaa na beena Isalele bôso, baakula’shi : 3 « Nsh’etu bafwidîle mu kabaaka. Ta baadi ku kisaka kibebungîle kwi Kola, kyatombokyela Yepowa, ooo, bafwile pa mwanda wa bubi bwê ê nabêne. Anka ta batandjile mwana mulume, ooo. 4 Mbilombêne eshina dya nsh’etu dyakutwa kutundulwa mu kifuko kyaabo mwanda wa’shi ta mmutande baana balume su ? Betupe namu anka kyetu kipindji kia nsenga bu kyetu kyetu papa p’abaabila bakwaabo na nsh’etu ». 5 Byabya Mose batûdile lukalo lwaabo kwi Yepowa. 6 Ê namu bamwalulwile’shi : 7 « Baba baana bakashi ba Selopande be na kabingilo. Ebape’nka kwibapa kyaabo kipindji kia nsenga papa p’obila bakwaabo na nsh’aabo, kîkale kyaabo kyaabo. 8 Ku nyima, okalungule beena Isalele’shi : Su muntu shi mutande mwana mulume afwa, mwan’ê mukashi akapyana bintu byê. 9 Su ta mmutande sunga mmwana mukasi, bakwaabo balume nyi abakebipyana. 10 Su yawa muntu t’e na mukwaabo a muunda, bakwaabo na nsh’ê ba muunda nyi abakebipyana. 11 Anka, su t’e na bakwaabo na nsh’ê ba muunda, bakebipe mukwaabo na nsh’ê a mu kifuko e na nkunkunku i peepi, ebipyane. Wawa nyi mmulangilo w’abadya kulonda kwi beena Isalele bu bi naakukamika’mi Yepowa ». Yoshewa apyana Mose (Kwa 32:48-52 ; 34:1-9 ; 31:7-8, 14-15, 23) 12 Yepowa balungwile Mose’shi : « Kaamina ku nsongo a uno ngulu %6e mu muswela wa mamwengye wa Abadima, kwakwa okabandjile bi eumbo dinaapa beena Isalele. 13 Ku nyima kwa kwidibandjila, obe namu okafu, okabombêle na bankambwa bobe’nka bu mukwenu Alono. 14 Mpa mwanda, anwe babidi, nubabindwile eyi dyande mu kabaaka ka Shinyi : pabaadi mwilo wa beena Isalele wi n’ami mikakêno, pa mwanda wa mema, nubakutshilwe kumweshesha ku meso kwaabo byandji mwilamûne ku bubi bôso, bibakitshikile ku mema a Mediba a ku Kandeshe mu kaka kabaaka ». 15 Mose batekyele Yepowa’shi : 16 « Yepowa, Efile %6bapêle bipangwa bioso muwa, tûla muntu a kukunkusha uno mwilo. 17 Yawa muntu mmulombêne kwiukunkusha mu ngoshi na mu ingi myanda yôso, tala mwilo ôbe wakekala bu lombe lwa mikôko lushi na mulami ». 18 Yepowa balûlwile Mose’shi : « Yoshwa, mwana a Nuna, nyi muntu %6e na Kikudi kyande. Mwitaamine, omutentekye maasa. 19 Ku nyima, okende n’ê ku mpala kwa tshiite-mwakwidi Eleasala na kwa beena Isalele bôso. Okamutûle bu mpyanyi ôbe, abo bôso abemwena. 20 Okamupenyi kipindji kia matalwa ôbe bya kwikala mwilo ooso wa beena Isalele abamukôkyela. 21 Anka, Yoshwa akekala aipusha by’adya kukita kwi tshiite-mwakwidi Eleasala. Eleasala namu akata bubale bwa *Udima pa kunyipusha’mi Yepowa by’abadya kukita kwi Yoshwa. Yoshwa na mwilo wa beena Isalele abakalondo myanda yôso muyiile eyi dya tshiite-mwakwidi Eleasala ». 22 Mose bakitshîne muyiile by’abamukamikile kwi Yepowa, aitaamisha Yoshwa, amutûla ku mpala kwa tshiite-mwakwidi Eleasala na kwa beena Isalele bôso. 23 Bamutentekyele maasa na kumutûla bu mpyanyi ê muyiile mubakwidîle Yepowa mu kanwa mwê. 28 28 Bitapwa by’efuku n’efuku (Esek 46:13-15, 4-7 ; 1 Maf 23:31 ; Kab 10:10) 1 Yepowa balungwile Mose by’adya kukakamika 2 beena Isalele’shi : « Nwikale anulambula Yepowa milambu ya bidîbwa mu mafuku apwe kutshibwa bu akata. Byabya bidîbwa, abakekala abebishîki mu kaalo, bitûsha eshiko adimusangasha. 3 « Okebapatulwile’shi : « Kwifuku n’efuku kushi kuleka, anukekala anwêlela Yepowa mikôko ibidi %6i na kipwa kimune kimune, ishi na kilema, bu kitapwa kia kushîkwa kyôso mu kaalo. 4 Mukôko wa kwibedi aukêlwa ku namashika, wa kabidi namu ku kailwa-nsh’ôbe. 5 Mukôko na mukôko aukêlwa pamune na bilô bisatu bya bukula bwa *belê bukile buwa bufuntwe mu malitele abidi a mwimu wa mpafu ukile buwa. 6 Kyakya kitapwa ky’efuku n’efuku akikekala’nka kipaso kimune na kyakya ky’abêlêle Yepowa ku mwengye wa Sinai, kibaadi kishîkwe kyôso mu kaalo kyatûsha eshiko dibamusangêshe. 7 Kyakya kitapwa kia ku namashika kikêlwe pamune na mulambu wa malitele abidi a maalwa a *nfinyo a abakapongolwela Yepowa ku Nshibo yê. 8 Kyakya kia kailwa-nsh’ôbe namu kikêlwe na mulambu wi bu wawa ulambulwe ku namashika. Byabya bitapwa nyi mbya kushîkwa bioso mu kaalo abitûshaa eshiko adisangashaa Yepowa. Kitapwa ky’efuku dya musambobidi 9 « Mwifuku dya musambobidi anukekala anwêlela Yepowa kitapwa kia mikôko ibidi i na kipwa kimune kimune, ishi na kilema, pamune na mulambu wa bilô bisamombo bya bukula bwa *belê bukile buwa bufuntwe mu mwimu wa mpafu, mpaa na wawa mulambu wa maalwa a *nfinyo w’abalambulaa n’ao ku nyema na nyema. 10 Kyakya kitapwa nyi nkya kushîkwa kyôso mu kaalo ky’efuku dya musambobidi, akikekala akyêlwa mwifuku n’efuku dyôso dya musambobidi. Akikatentekyelwa ku kitapwa ky’efuku n’efuku na ku wawa mulambu wa maalwa a nfinyo w’abalambulaa n’akyo pamune. Kitapwa ky’efuku dya kapasu 11 « Mwifuku dibedi dya mweshi na mweshi, anukekala anwêlela Yepowa kitapwa kia kushîkwa kyôso mu kaalo. Kyakya kitapwa kîkale kia ñombe ilume ibidi na kimpanga kia mukôko, mpaa na mikôko musambobidi i na kipwa kimune kimune. Yaya nyema yôso îkale ishi na kilema. 12 Aikêlwa pamune na milambu ya bukula bwa *belê bukile buwa bufuntwe mu mwimu wa mpafu %6i bino : ku ñombe na ñombe bilô kitema bya bwabwa bukula, ku kimpanga bilô bisamombo, 13 ku mukôko na mukôko bilô bisatu. Kyakya kitapwa nyi nkya kushîkwa kyôso mu kaalo, akitûsha eshiko adisangasha Yepowa. 14 Aikêlwanyi pamune na milambu ya maalwa a *nfinyo i bino : ku ñombe na ñombe malitele ananka, ku kimpanga malitele abidi na kipindji kia pa nkatshi, ku mukôko na mukôko malitele abidi. Kyakya kitapwa nyi nkya kushîkwa kyôso mu kaalo ky’efuku dya kapasu dya mweshi na mweshi wa mu kipwa na kipwa. 15 Anukêlelanyi Yepowa mbushi mulume bu kitapwa kia kulekyelwa kwa milwisho yenu, akikatentekyelwa ku kitapwa ky’efuku n’efuku na ku wawa mulambu wa maalwa a nfinyo w’abalambulaa n’akyo pamune. Bitapwa by’efuku dya Kukunkulwa (Kik 12:1-28 ; Bat 23:5-14 ; Kwa 16:1-8 ; Yoa 2:13 ; 13:1) 16 « P’efuku dy’ekumi na dya kananka dya mweshi ubedi wa kipwa, nukasepêle efuku dya kidibwa kia *Kukunkulwa mwanda wa kutumbisha Yepowa. 17 Anka mu winyi wawa mweshi, p’efuku dyaao dy’ekumi na dya kataano, nubangye kusepêla lubingo lwa kudya mikate ishi na kitatusho. 18 Mwifuku dibedi dya lwalwa lubingo, anukabungwa mwishina dya Yepowa, t’anukafubanga mifubo bu by’anufubaa mafuku ooso. 19 Anukamwêlela kitapwa kia kushîkwa kyôso mu kaalo, kîkale kia ñombe ilume ibidi na kimpanga kia mukôko, mpaa na mikôko musambobidi i na kipwa kimune kimune. Yaya nyema yôso îkale ishi na kilema. 20 Aikêlwa pamune na yaya milambu ya bukula bwa *belê bukile buwa bufuntwe mu mwimu wa mpafu y’abalambulaa n’ayo, kwamba’shi : ku ñombe na ñombe bilô kitema bya bwabwa bukula, ku kimpanga bilô bisamombo, 21 ku mukôko na mukôko bilô bisatu. 22 Anukêlelanyi Yepowa mbushi mulume bu kitapwa kia kulekyêlwa kwa milwisho yenu, by’abadya kulombasha abitungwaa kukita bilombêne yaya milwisho yalekyêlwa. 23 Byabya bitapwa bioso abikatentekyelwa ku kitapwa kia ku namashika ky’efuku n’efuku. 24 Kwifuku n’efuku muunda mwa aa mafuku musambobidi a kusepêla, anukekala anwêlela Yepowa byanka bu bidîbwa bya kushîkwa mu kaalo, abitûsha eshiko adimusangasha. Abikatentekyelwa ku kitapwa ky’efuku n’efuku na ku wawa mulambu wa maalwa a *nfinyo w’abalambulaa n’akyo pamune. 25 Mwifuku dya musambobidi anukabungwa dingi mwishina dya Yepowa, t’anukafubanga mifubo bu by’anufubaa mafuku ooso. Bitapwa by’efuku dya Mbingo (Bat 23:15-21 ; Kwa 16:9-12) 26 « P’efuku adilombana Mbingo (q), p’anufwishîsha Yepowa mulambu wa *belê a nukyanukatuka mu kuumbula, anukabungwa mwishina dya Yepowa. T’anukafubanga mifubo bu by’anufubaa mafuku ooso. 27 Anukamwêlela kitapwa kia kushîkwa kyôso mu kaalo, akitûsha eshiko adimusangasha. Kyakya kitapwa kîkale kia ñombe ilume ibidi na kimpanga kia mukôko, mpaa na mikôko musambobidi %6i na bukulu kwa kipwa kimune. 28 Akikêlwa pamune na yaya milambu ya bukula bwa belê bukile buwa bufuntwe mu mwimu wa mpafu y’abalambulaa n’ayo, kwamba’shi : ku ñombe na ñombe bilô kitema bya bwabwa bukula, ku kimpanga bilô bisamombo, 29 ku mukôko na mukôko bilô bisatu. 30 Anukêlelanyi Yepowa mbushi mulume bu kitapwa kia kulekyêlwa kwa milwisho yenu, by’abadya kulombasha abitungwaa kukita bilombêne yaya milwisho yalekyêlwa. 31 Byabya bitapwa bioso, pamune na yaya milambu ya maalwa a *nfinyo y’abalambulaa n’abyo, abikatentekyelwa ku kitapwa ky’efuku n’efuku na ku wawa mulambu wa bukula bwa belê w’abalambulaa n’akyo pamune. Nukalambule’nka nyema ishi na kilema. (q) 28:26 Tala kipatulwilo kia Kik 34:22 29 29 Bitapwa by’efuku dya bîla bya mulô (Bat 23:23-32 ; Ne 8:2-12 ; Bat 16) 1 « Mwifuku dya kwibedi dya mweshi wa musambobidi anukabungwa mwishina dya Yepowa, t’anukafubanga mifubo bu by’anufubaa mafuku ooso, mwanda nyi efuku dya kumwelela nkundakunda (r). 2 Mu dyadya efuku anukêlela Yepowa kitapwa kia kushîkwa kyôso mu kaalo, akitûsha eshiko adimusangasha. Kyakya kitapwa kîkale kia ñombe mulume na kimpanga kia mukôko mpaa na mikôko musambobidi i na kipwa kimune kimune. Yaya nyema yôso îkale ishi na kilema. 3 Aikêlwa pamune na yaya milambu ya bukula bwa *belê bukile buwa bufuntwe mu mwimu wa mpafu y’abalambulaa n’ayo, kwamba’shi : ku ñombe na ñombe bilô kitema bya bwabwa bukula, ku kimpanga, bilô bisamombo, 4 ku mukôko na mukôko bilô bisatu. 5 Anukamwêlelanyi mbushi mulume bu kitapwa kia kulekyêlwa kwa milwisho yenu, by’abadya kulombasha abitungwaa kukita bilombêne yaya milwisho yalekyêlwa. 6 Byabya bitapwa bioso abikatentekyelwa ku kitapwa ky’efuku n’efuku na ku by’efuku dya kapasu dya mweshi na mweshi, mpaa na ku yaya milambu ya bukula bwa belê na ya maalwa a *nfinyo y’abalambula n’abyo pamune, yôso muyiile bungi bupwe kutshibwa. Byabya bitapwa nyi mbya kushîkwa mu kaalo, abitûsha eshiko adisangasha Yepowa. (r) 29.1 Tala Bat 23:24 Bitapwa by’efuku dikata dya Kulekyêlwa kwa milwisho 7 « Mwifuku dy’ekumi dya mweshi wa musambobidi, anukabungwa mwishina dya Yepowa. Nukeshidikye, t’anukumanga kufuba mufubo sunga ngumune’nka. 8 Mu dyadya efuku anukekala anwêlela Yepowa kitapwa kia kushîkwa kyôso mu kaalo, akitûsha eshiko adimusangasha. Kyakya kitapwa kîkale kia ñombe mulume na kimpanga kia mukôko mpaa na mikôko musambobidi i na kipwa kimune kimune. Yaya nyema yôso îkale ishi na kilema. 9 Aikêlwa pamune na yaya milambu ya bukula bwa *belê bukile buwa bufuntwe mu mwimu wa mpafu y’abalambulaa n’ayo, kwamba’shi : ku ñombe na ñombe bilô kitema bya bwabwa bukula, ku kimpanga bilô bisamombo, 10 ku mukôko na mukôko bilô bisatu. 11 Anukêlelanyi Yepowa mbushi mulume bu kitapwa kia kulekyêlwa kwa milwisho yenu. Byabya bitapwa bioso%6abikêlwa pa mwanda wa dyadya efuku dikata dya Kulekyêlwa kwa milwisho, abikatentekyelwa ku kitapwa ky’efuku n’efuku, na ku yaya milambu ya bukula bwa belê na ya maalwa a *nfinyo y’abalambulaa n’akyo pamune. Bitapwa bya Lubingo lwa kushaala mu bitanda (Bat 23:33-43 ; Kwa 16:13-15 ; Ne 8:14-18) 12 « Mwifuku dy’ekumi na dya kataano dya mweshi wa musambobidi anukabungwa mwishina dya Yepowa, t’anukafubanga mifubo bu by’anufubaa mafuku ooso. Kubanga papa, nukalangwile Yepowa na kusepêla muunda mwa mafuku musambobidi. 13 Mwifuku dya kwibedi, nukamwêlele kitapwa kia kushîkwa kyôso mu kaalo, akitûsha eshiko adimusangasha. Kyakya kitapwa kîkale kia ñombe ilume ekumi na isatu na bimpanga bibidi bya mikôko, mpaa na mikôko ekumi na inanka i na kipwa kimune kimune. Yaya nyema yôso îkale ishi na kilema. 14 Aikêlwa pamune na yaya milambu ya bukula bwa *belê bukile buwa bufuntwe mu mwimu wa mpafu y’abalambulaa n’ayo, kwamba’shi : ku ñombe na ñombe bilô kitema bya bwabwa bukula, ku kimpanga na kimpanga bilô bisamombo, 15 ku mukôko na mukôko bilô bisatu. 16 Anukêlelanyi Yepowa mbushi mulume bu kitapwa kia kulekyêlwa kwa milwisho yenu. Byabya bitapwa bioso abikatentekyelwa ku kitapwa ky’efuku n’efuku, na ku yaya milambu ya bukula bwa belê na ya maalwa a *nfinyo y’abalambulaa n’akyo pamune. 17-34 « Kubanga p’efuku dya kabidi na kukafikisha pa dya musambobidi, anukekala anwêlela Yepowa bitapwa bya nyema %6ikekale yôso ishi na kilema. Nukebyêle pamune na yaya milambu ya bukula bwa belê na ya maalwa a nfinyo y’abalambulaa n’ayo, ku nyema na nyema, muyiile bungi bupwe kutshibwa. Anumwêlelanyi mbushi ilume bu bitapwa bya kulekyêlwa kwa milwisho yenu. Byabya bitapwa bioso abikatentekyelwa ku kitapwa ky’efuku n’efuku. Byabya bitapwa abikêlwa kino kipaso : « P’efuku dya kabidi : ñombe ilume ekumi na ibidi, na bimpanga bibidi bya mikôko, na mikôko ekumi na inanka i na kipwa kimune kimune, mpaa na mbushi mulume. « P’efuku dya kasatu : ñombe ilume ekumi na umune na bimpanga bibidi bya mikôko, na mikôko ekumi na inanka i na kipwa kimune kimune, mpaa na mbushi mulume. « P’efuku dya kananka : ñombe ilume ekumi, na bimpanga bibidi bya mikôko, na mikôko ekumi na inanka i na kipwa kimune kimune, mpaa na mbushi mulume. « P’efuku dya kataano : ñombe ilume kitema na bimpanga bibidi bya mikôko, na mikôko ekumi na inanka i na kipwa kimune kimune, mpaa na mbushi mulume. « P’efuku dya kasamombo : ñombe ilume mwanda, na bimpanga bibidi bya mikôko na mikôko ekumi na inanka i na kipwa kimune kimune, mpaa na mbushi mulume. « P’efuku dya musambobidi : ñombe ilume musambobidi, na bimpanga bibidi bya mikôko, na mikôko ekumi na inanka i na kipwa kimune kimune, mpaa na mbushi mulume. 35 « P’efuku dya mwanda dya kwakwa kusepêla nyi apakekala kikoñêno kia nfudîlo. T’anukafubanga mifubo bu by’anufubaa mafuku ooso. 36 Anukêlela Yepowa kitapwa kia kushîkwa kyôso mu kaalo, akitûsha eshiko adimusangasha. Kyakya kitapwa kîkale kia ñombe mulume na kimpanga kia mukôko mpaa na mikôko musambobidi i na kipwa kimune kimune. Yaya nyema yôso îkale ishi na kilema. 37 Nyema na nyema akêlwe pamune na wawa mulambu wa bukula bwa belê na wa maalwa a nfinyo w’abalambulaa n’ê, muyiile bungi bupwe kutshibwa. 38 Anukêlelanyi Yepowa mbushi mulume bu kitapwa kia kulekyêlwa kwa milwisho yenu. Byabya bitapwa bioso abikatentekyelwa ku kitapwa ky’efuku n’efuku pamune na wawa mulambu wa bukula bwa belê na wa mwimu wa mpafu mpaa na maalwa a nfinyo w’abalambulaa n’akyo. 39 « Byabya nyi bitapwa by’anukêlela Yepowa mu mafuku atshibibwe bu a kufumankana n’ê. Abikatentekyelwa ku bitapwa bya kushîkwa bioso mu kaalo na bya kulombana na Yepowa, by’anudi balombêne kumulambula bu bitapwa by’eshimba sunga mbya kulombasha milailo %6i na mutshipo y’anudi bamulê Abikatentekyelwanyi ku milambu yenu ya bukula bwa belê na ya maalwa a nfinyo ». 30 30 1 Mose balungwile beena Isalele byabya bioso by’abakamikile kwi Yepowa. Makoma atadîle mitshipo (Kwa 23:22-24 ; Mul 5:3-6 ; Ef 5:22-24 ; 1 Tim 2:11-14) 2 Mose balungwilenyi mitwe ya bisamba bya beena Isalele’shi : « Ano nyi ñangi makoma aabampa kwi Yepowa : 3 Mwana mulume, p’alaa na mutshipo kulambula mulambu kwi Yepowa sunga nkushila kintu kikampanda, t’akakutwanga kulombasha wawa mulailo wê. Akakite muyiile bi balaile. 4 « Nsongwakashi, pa kí kwaabo kwa nsh’ê, mmulombêne alaa na mutshipo kulambula mulambu kwi Yepowa sunga nkushila kintu kikampanda. 5 Su nsh’ê, pa nsaa y’eûku wawa mwanda, akutwa kumulungula’shi : « Napele », yawa nsongwakashi, w’adi n’ao ngwa kulombasha wawa mulailo wê. 6 Anka, su nsh’ê apela, yawa nsongwakashi t’akalombasha wawa mulailo wê, ooo. Yepowa akamulekyêla, mwanda nsh’ê nyi bamupelesha kwibilombasha. 7 « Nsongwakashi mmulombêne alaa na mutshipo kulambula mulambu sunga nkushila kintu kikampanda, ê kushi kubanda kwêla binangu. Taankunyima akebakilwa. 8 Su mulume %6bamwibakila, pa nsaa y’eûku wawa mwanda, akutwa kumulungula’shi : « Napele », yawa mwana mukashi, w’adi n’ao ngwa kulombasha wawa mulailo wê. 9 Anka, su mulum’ê apela, byabya, baipaa wawa mulailo. Yepowa namu akalekyêla yawa mwana mukashi, p’ê kukutwa kwibilombasha. 10 « Mukashi kilele sunga ngyawa mutûkye bulunda, p’alaa na mutshipo kulambula mulambu sunga nkushila kintu kikampanda, w’adi n’ao ngwa’nka kwibilombasha. 11 « Mwana mukashi mwibakilwe namu mmulombêne alaa na mutshipo kukita byabya. 12 Su mulum’ê, pa nsaa y’eûku wawa mwanda, akutwa kumulungula’shi : « Napele », yawa mwana mukashi, w’adi n’ao ngwa kulombasha wawa mulailo wê. 13 Anka, su mulum’ê apela, byabya, baipaa wawa mulailo. Yepowa namu akalekyêla yawa mwana mukashi, p’ê kukutwa kwibilombasha mwanda mulum’ê nyi bewipaa. 14 Byabya, mwana mukashi mwibakilwe, p’alaa na mutshipo kulambula mulambu sunga nkushila kintu kikampanda, mulum’ê nyi e na matalwa a kwiwikasha sunga kwiwipaa. 15 Anka, su yawa mulum’ê, pa nsaa y’eûku wawa mwanda, akisha mafuku ê’nka nyaa, kushi kulungula mukashi’shi : « Napele », byabya, kwakwa kuumîna kwê akulêsha’shi, bakumîna. Bînyibyabya, yawa mukashi ê, w’adi n’ao ngwa kulombasha wawa mulailo wê. 16 Anka, su mulum’ê aipaa wawa mutshipo kunyima kwa mafuku, ê nyi akatwala bushito bwa bwabwa bubi bwa mpyan’ê kukutwa kwibilombasha ». 17 Yaya nyi mmilangilo y’abalungwile Mose kwi Yepowa itadîle kulaa na mutshipo kwa mukashi mwibakilwe sunga nsongwakashi kí mushaale kwaabo kwa nsh’ê. 31 31 Yepowa atumu beena Isalele mu kobola ngo (Yos 13:21-22 ; Kibaf 2:14 ; Kwa 20:1-15) 1 Yepowa bakamikile Mose’shi : 2 « Nda kwi beena Midyana, okobwele beena Isalele ngo. Ku nyima kwa byabya okafu, okende mu kubombêla na bankambwa bobe ». 3 Byabya, Mose balungwile beena Isalele’shi : « Abitungu kisaka kimune kia mu nkatshi mwenu kibweshe bilwilwa kyende ki kalwe na beena Midyana. Kyakya kisaka kikôbwele Yepowa ngo pa mwanda wa by’abaadi bamukite. 4 Kisamba na kisaamba kitume bantu kinunu ku yaya ngoshi ». 5 Byabya, abasangwile ku kisaamba na kisaamba beena ngoshi kinunu {bôso %6be na bilwilwa}, kwamba’shi, bungi bwaabo bôso bubaadi bantu binunu ekumi na bibidi 6 Mose bebatumine bôso mu ngoshi, benda na tshiite-mwakwidi Pinekase, mwana a Eleasala. Pinekase baadi mutwale bintu bya kishila na mampungi a kwêla pa kubanga na pa kupwa kwa ngoshi. 7 Beena Isalele abalwile ngoshi na beena Midyana, muyiile by’abakamikile Mose kwi Yepowa. Abaipaile baana balume bôso, 8 mpaa na banfumu bataano ba mu dyadya eumbo dya Midyana ba Ewi na Lekeme na Sulu na Kulu mpaa na Leba. Abaipailenyi Balaama, mwana a Beole. 9 Abakwatshile baana bakashi ba beena Midyana na baana bakinga baabo bu misungi. Abanyengyelenyi bimunwa byaabo bioso na kupaula bintu byaabo bioso bya bupeta. 10 Abashîkile bibalo byaabo na misumba yaabo kaalo. 11-12 Ku nyima, abaîle na bintu bioso by’abapawile mu ngoshi na yaya misungi yôso mpaa na yaya nyema yôso dya ku musuumba ubaadi ushaale mwilo ooso wa beena Isalele mu kwibilubula kwi Mose na tshiite-mwakwidi Eleasala mpaa na beena Isalele bôso. Wawa musuumba ubaadi mwibanda dya musulo wa Yondano, eshiya dya beena Moabe, mu ntalañeno a kibalo kia Yediko. 13 Mose na tshiite-mwakwidi Eleasala mpaa na bangi bakunkushi ba mwilo, abakatukile mu wawa musuumba, benda mu kwibatundaisha. 14 Mose, pa kwimonêna na bakata ba beena ngoshi, baaba %6abaadi bu mitwe ya bisaka bya balwi kinunu na bya lukama °/06abafwabalukanga mu ngoshi, bebafîtshile muunda. 15 Bebepwishe’shi : « Mwanda kinyi wa nubalekyela bakashi bôso na muwa ? 16 Anwiûku bi buwa’shi, bano bakashi ba beena Midyana nyi abalondele malango abebapêle kwi Balaama, bakakila beena Isalele mu kukutwa kishima kwi Yepowa mu wawa mwanda wa ku Peole. Wawa mwanda nyi ubafwishishe kipupa kwi mwilo wa Yepowa ! 17 Binobino, ipai baana bakinga bôso balume na baana bakashi bôso bapwe kwiûka myanda. 18 Anka, baaba basongwakashi bash’eûkile myanda, nwibalame bu benu. 19 Dingi, baaba bôso ba kw’anudi %6baipe bantu, sunga mbakune bitandaa, abakashaala muunda mwa mafuku musambobidi paasha pa musuumba w’atudi bashaale. P’efuku dya kasatu na dya musambobidi, baaba bantu abaketôsha. Byabya nyi by’abakakitshi mpaa na kwi misungi yenu. 20 Nukatôshenyi mpaa na bilamba byenu, na bintu bioso bikitwe na misakya sunga bwaa bwa mbushi sunga mitshi ». (Kab 19:11-22 ; 1 Sa 30:18 ; Kibang 14:20) 21 Bînyibyabya, tshiite-mwakwidi Eleasala, balungwile bantu bôso %6abaile mu yaya ngoshi’shi : « Pushai bifundwe mu lulambukisho lw’abapêle Mose kwi Yepowa. 22-23 Kintu kyôso kikitwe na kilonda kish’akitataa mu kaalo, nkwamba’shi, kia *ôlo, kia *adishaa, kia *bolonse, kia kilonda kifîta, kia kilonda kitôka na kia *polombe, anukebitôsha na kaalo, kunyima nwibyêle mu mema a kutôsha. (s) Byabya namu abitataa, anukebitôsha’nka penda mu aa mema. 24 P’efuku dya musambobidi, anukatûtula bilamba byenu nwikale batôshîbwe. Kubapu nwi balombêne kwalukila mu musuumba mwi bangi beena Isalele ». (s) 31:22 Tala 19:11-12 25 Bînyibyabya Yepowa balungwile Mose’shi : 26 « Obe na tshiite-mwakwidi Eleasala na mitwe ya mashibo a mwilo wa beena Isalele, nubadikye bioso by’abafikile n’abyo mu ngoshi, mpaa na bantu na nyema. 27 Okebitshibula mu bipindji bibidi bi mumune, aki kîkale kia baaba bantu %6abaîle mu ngoshi, kingi namu bu kia bantu bôso abashêle. 28 Ku byabya by’okapa baaba bantu babaîle mu ngoshi, okandamunwina mulambu %6wi kino kipaso : mu bantu nkama itaano, wemundamunwine muntu umune. Mu nyema nkama itaano ya kipaso kyôso kia bimunwa : ñombe na mpunda na mikôko mpaa na mbushi, wemundamunwinenyi nyema umune umune. 29 Byabya bioso by’abakandamunwina mu bintu byaabo, okebipa tshiite-mwakwidi Eleasala, anka bu mulambu w’abandamunwinaa’mi Yepowa. 30 Ku kipindji kia pa nkatshi ky’okapa beena Isalele abashêle, okandamunwine muntu umune mu bantu makumi ataano, na mu nyema makumi ataano a kipaso kyôso kia bimunwa : ñombe na mpunda na mikôko mpaa na mbushi, wemundamunwinenyi nyema umune umune. Byabya bioso, okebipe beena Lefi %6abafubaa mu Nshibo mwambombêlaa ». 31 Mose na tshiite-mwakwidi Eleasala abakitshîne muyiile by’abakamikile Mose kwi Yepowa. 32 Ku bintu by’abakapawile mu yaya ngoshi ya mwiumbo dya Midyana kubaadi kushaale mikôko na mbushi 675 nya, 33 ñombe 72 nya, 34 mpunda 61 nya, 35 mpaa na bansongwakashi bash’eûkile myanda 32 nya. 36 Kya pa nkatshi kia ku byabya bintu, kyakya ky’abapêle babaîle mu ngoshi kibaadi bino : mikôko na mbushi 337 500, 37 bemulamûnwina Yepowa nyema 675. 38 Nyema ya ñombe 36 nya, bemulamunwina Yepowa ñombe 72. 39 Nyema ya mpunda 30 500, bemulamunwina Yepowa mpunda 61. 40 Bansongwakashi 16000, balamunwina Yepowa 32. 41 Mose bakapêle tshiite-mwakwidi Eleasala baaba bansongwakashi mpaa na yaya nyema bu mulambu w’abalamunwinaa Yepowa. (t) Bakitshîne muyiile by’abamukamikile kwi Yepowa. (t) 31:41 Baba bansongwakashi, abebekêshe bu bitumwanga bya ku Nshibo ya Yepowa. 42-43 Bintu by’abapêle mwilo wa beena Isalele bashi bende mu ngoshi bibaadi’nka bi bya baaba %6abaîle mu ngoshi. Bibaadi bungi bwi bino : mikôko na mbushi 337 500, 44 ñombe 36 nya, 45 mpunda 30 500, 46 bansongwakashi 16 nya. 47 Mu byabya bioso by’abapêle beena Isalele, Mose bemulamunwine mulambu wa nsongwakashi umune mu bansongwakashi makumi ataano. Ku nyema namu, balamunwine nyema umune mu nyema makumi ataano. Baba bansongwakashi na yaya nyema bakebipêle beena Lefi, baaba %6abaadi na mufubo wa Nshibo amubombêlaa Yepowa, muyiile by’abamukamikile kwi Yepowa. Mulambu {w’eshimba} wa bakata ba beena ngoshi 48 Penyiapa, bakata ba bisaka bya beena ngoshi kinunu na ba lukama abafikile kwi Mose, 49 bamulungula’shi : « Tubabadika beena ngoshi bôso ba twikêle atukunkusha, tubapete’shi, bôso be kwanka. 50 Nyi pa wawa mwanda tubafiki na uno mulambu kwi Yepowa bu lutumbu by’adya kuididîla mu kulama myûwa yetu. Muntu ooso a kw’atudi akalambula bintu bikitwe na kilonda kia *ôlo by’apawile. Bînyi bintu nyi mbino : ndombo ya mashingo na bikano bya ku mabôko, na tukano twa ku minwe na tudibu twa ku matwi, mpaa na bipô ». 51 Byabya, Mose na tshiite-mwakwidi Eleasala abatambwile ku maasa kwaabo bintu bioso bibaadi bikitwe na ôlo by’abafikile n’abyo. 52 Bushito bwa byabya bintu bioso bya ôlo by’abalambwile Yepowa kwi baaba bakata ba beena ngoshi bubaadi bilô 170. 53 Beena ngoshi bashi baadi na mishinga abashêle na byaabo bintu. 54 Mose na Eleasala abakatûdile byabya bintu byô by’abalambwile kwi bakata ku shibo y’efumankeeno na Yepowa, kukyeba kwa’shi, Yepowa ekale’nka atentekyeshanga beena Isalele. 32 32 Bisamba %6abishaala kutunduka nguba kwa Yondano (Kibang 13:10,12 ; Yos 1:12-18 ; Lom 12:10 ; 14:19 ; Fid 2:4) 1 Bînyibyabya, ba ku musuku wa beena Lubeene na wa Ngada abaadi na bimunwa bikile bungi. P’abamwene’shi, mu bipindji bya Kanaana abîtaaminwa bu Yasele na *Ngilanda mwi buwa kumunyina nyema, 2 abaîle kwi Mose na tshiite-mwakwidi Eleasala mpaa na bangi bakunkushi ba mwilo wa beena Isalele, bakebalungula’shi : 3-4 « Mu kipindji ky’eumbo dy’abatshokwele kwi Yepowa, pa tubaadi’twe beena Isalele atufiki, mwi buwa kumunyina nyema i bungi, atwe namu twi n’ayo. Kyakya kipindji nkibungile bino bibalo : Atalote, Dibone, Yasele, Nyimila, Keshebone, Elale, Sebama, Nebo na Beone ». 5 Abalungwilenyi Mose’shi : « Su bokumîna yaya mitentekyesho yetu, tuma eyi betwabile kyakya kipindji kia nsenga bu kyetu kyetu. T’wetwabushanga adya eshiya dya kupona nguba kwa musulo wa Yondano ». 6 Mose bebalulwile’shi : « Nkipaso kinyi akikende bakwenu beena Isalele mu kulwa ngoshi, anwe nushaale’nka kuno talalaa ? 7 Mwanda kinyi anukyebe kwibakutshishwa mashimba muunda bya bashya kutwela mwiumbo dy’abébapa kwi Yepowa ? 8 Kyakya kipaso kimune nyi ky’abakitshinenyi kwi bansh’enu, papa pa nebatumine mwanda wa kukabela bi dyadya eumbo dya Kanaana, atwe tukí ku Kandeshe-Baanea. 9 Abaîle bakafika mpaa na mwibanda dya Eshekole, batala bi dyadya eumbo. Pa kwaluka kwaabo, abakutshishwe ben’abó beena Isalele mashimba muunda, bya bashya kwenda mwamwa mwiumbo dy’abapwile kwibapa kwi Yepowa. 10 Byabya Yepowa bakwatshile nsungu dyadya efuku, atshipa’shi : 11 Kwi bano bantu bôso %6abatûkile mwiumbo dya Eshipitu, baaba %6be na bipwa makumi abidi na kukila papa, ta kwi sunga ngumune akamono dyadya eumbo di nalaile na mutshipo kupa Abalaama na Isaka mpaa na Yakoba. Mwanda ta mbakite bioso muyiile mwankyebela’mi, ooo. 12 Byabya, anka penda Kalebe mwana a Yepune a mu kifuko kia Kenase na Yoshwa mwana a Nuna nyi abakemutwele. Mwanda’bo, abakitshîne bioso’nka muyiile mwankyebela’mi ». 13 Mose baididîle na kwakula’shi : « Yepowa bakwatshîle beena Isalele nsungu. Ebaumbakasha mu kabaaka muunda mwa bipwa makumi ananka mpaa n’apakashimina kyakya kipungilo kia bantu %6abakitshîne byabya by’abaamonanga bu bi bubi kwi Yepowa. 14 Binobino, anwe kifuko kia bantu babi, taanulondo’nka bibakitshîne bansh’enu, nukolomwêne dimo beena Isalele nsungu ya Ntwanana aitembe bu kaalo ! 15 Mwanda, su anwe beena Lubeene na beena Ngada nwafutaala Yepowa, ê akatentekyela beena Isalele mafuku aabadya kuumbakana muno mu kabaaka. Byabya anukashimisha uno mwilo ooso ! » 16 Baba bantu abefubwidile Mose peepi bamulungula’shi : « Atwe, atukyebe’nka penda kwibakila mikôko yetu na mbushi yetu mpôpo, twibakilenyi bifuko byetu bibalo %6bi mu bipempe. 17 Penyipapa p’atukapu kwibaka, atukebwesha bilwilwa tukakîle beena Isalele ku mpala mwanda wa kukebatwesha mpaa na mwiumbo %6adikekala dyaabo. Byabya, papa pa tukyatwende, bifuko byetu abikashaala mu bibalo %6bi mu bipempe kushi kukalakashwa na beena dino eumbo. 18 Atukaalukila ku mashibo kwetu, anka su bangi beena Isalele bôso abaapu kushaala mu byabya bipindji bya nsenga by’abakebapa bu byaabo byaaho. 19 Dingi, atwe, t’atukeabishêna n’abo eumbo dya Kanaana %6di adya eshiya dya musulo wa Yondano, nya. Mwand’atwe tubapu kupeta byetu bipindji bya nsenga dino eshiya dya kutunduka nguba kwa musulo wa Yondano ». 20-21 Mose bebaalulwile’shi : « Bi buwa nulombashe byabya bya nubaakula ! Beena ngoshi bôso ba kw’anudi bakebweshe bilwilwa, baabukye Yondano, bende mu kulwila Yepowa ngoshi, bakunkushwe n’ê. Papa Yepowa p’akafiki nenu, anukalu na beshikwanyi n’ê mpaa na p’akapwila kwibafilula mwiumbo, dîkale bu dyê. 22 Ku nyima, nwalukile mu bino bipindji bya nsenga. Byabya, t’abakekala na mwanda nenu kwi Yepowa sunga kwi bangi beena Isalele. Anukashaala mu bino bipindji bya nsenga by’abaakakumîna bu byenu kwi Yepowa. 23 Anka, su nwakutwa kulombasha mulailo wenu, nubamusôlela. Eûkyei’shi, wawa mulwisho wenu aukenutentama pa mitwe penu anwe ba nabêne. 24 Kebakilengyei bifuko byenu bibalo bi bipempe, na mikôko na mbushi yenu mpôpo, anka t’anwilwankananga kulombasha mulailo wenu ! » 25 Beena Lubeene na beena Ngada abaalulwile Mose’shi : « Atukakitshi’nka byabya bi bwetukamik’obe nfumwetu. 26 Atukalekye baana betu na bakashi betu na bimunwa byetu bioso mu bibalo bi muno mu Ngilanda. 27 Atwe ba nabêne, atukebwesha bilwilwa byetu bya ngoshi, twende mu kulwila Yepowa, anka bu bibokul’obe nfumwetu ». 28 Bînyibyabya, Mose bakamikile tshiite-mwakwidi Eleasala na Yoshwa mwana a Nuna, mpaa na mitwe ya mashibo a bisamba bya beena Isalele’shi : 29 « Su beena Ngada na beena Lubeene bebwesha bilwilwa byaabo, baabuka musulo wa Yondano nenu pamune, benda mu kulwila Yepowa na kwinukwasha mu kutshokola dyadya eumbo, byabya, anukebapa kino kipindji kia nsenga ya Ngilanda bu mulumba. 30 Anka, su bakutwa kukita byabya, anukeabishêna n’abo eumbo dya Kanaana ». 31 Beena Lubeene na beena Ngada abaalulwile Mose’shi : « Atukakitshi’nka byabya by’abadi betulungule kwi Yepowa. 32 Atukebwesha bilwilwa byetu, tukatwele mwiumbo dya Kanaana mu kulwila Yepowa, by’atudya kutambula kyetu kipindji kia nsenga ki dino eshiya dya Yondano ». (Kwa 3:8-17 ; Yos 13:8-32) 33 Mose bapêle beena Ngada na beena Lubeene mpaa na kipindji kia pa nkatshi kia beena Manase, ba ku musuku wa Yosefe, eumbo dyôso dya Shikone nfumu a beena Amole, na ya Ongye nfumu a mu *Bashana. Bebapêlenyi na bibalo mpaa na bipindji bya nsenga bibaadi peepi n’abyo. 34 Beena Ngada abaibakulwile bino bibalo : Dibone, Atalote, Aloele, 35 Atolote-Showana, Yasele, Yongoba, 36 Betenyimila na Betelana. Abebyêlele mu bipempe na kwibakila nyema yaabo ya mikôko na ya mbushi mpôpo. 37 Beena Lubeene abaibakulwile bino bibalo : Keshebone, Elale, Kidyataima, 38 Nebo, Baalameone na Shibima. Ku bino bibalo by’abaibakulwile, bingi byaabyo, abebyalulwile mashina. 39 Beena Makila, ba ku musuku wa Manase, abaîle bakatwela mu kipindji kia nsenga akîtaaminwa bu Ngilanda bekinyenga beena Amole %6abaadi bemushaale bebafilula mwanka. 40 Byabya, Mose bebapêle kyanka, by’abadya kwimushaala. 41 Beena Yaila, ba ku musuku wa Manase bangi, abaîle bakanyenga bibalo bya beena Amole, bebyudika’shi : « Mbibalo bya Yaila ». 42 Ku nfudîlo, Noba baîle akanyenga kibalo kia Kenate na bingi bibalo bibaadi peepi n’akyo. Bekiudikile bu Noba muyiile eshina dyê. 33 33 Mambalo abashimikile beena Isalele musuumba waabo (Kik 12:37-19:2 ; Kwa 2 ; 3 ; Esa 63:11-14) 1-2 Ano mashina aalondo nyi mambalo abaadi benu Isalele abafwabashimikanga musuumba waabo, abo abaatûku mwiumbo dya Eshipitu mu bibumbu mu bibumbu. Mose na Alono abaadi abebakunkusha mu mbalo yôso mubaadi beena Isalele abashimika musuumba waabo mu lwalwa lwendo, Mose bafundjile eshina dya yaya yôso mbalo, muyiile eyi dya Yepowa. Ano nyi mashina a aa mambalo : 3 Mwifuku dy’ekumi na dya kataano dya mweshi ubedi wa kipwa kunyima kwaabo kudya kidîbwa kibedi kia *Kukunkulwa, beena Isalele abakatukile ku Laamesese, batuuka na manêmanêma, beena Eshipitu bôso abebemwena, 4 papa p’abaadi beena Eshipitu abashîki baana baabo babedi, baaba b’abaipaile kwi Yepowa. Mu kyakya kipaso, Yepowa baleshêshe’shi befile bôso ba beena Eshipitu mba bisumanga. 5 Beena Isalele p’abakatukile ku Laamesese, abaîle bakashimika musuumba waabo ku Sukote. 6 Abakatukile kwakwa, benda bakeushimika ku Etame dya ku bukunkula bwa kabaaka. 7 Abakatukile ku Etame, bealusha mpaa na ku Pi-Ailote mu ntalañeno a kibalo kia Baalasefone. Abakashimikile musuumba waabo peepi na kibalo kia Mingindole. 8 Abakatukile ku Pi-Ailote, baabuka *kalunga ka mema ka Malengye, benda mu kabaaka. Abatambukile mafuku asatu mu kabaaka ka Etame, bakashimika musuumba ku Mala. 9 Abakatukile kwakwa, bakafika ku Edime, bakashimika musuumba waabo panka. Pa yaya mbalo pabaadi mansulo a mema ekumi na abidi na mabo makumi musambobidi. 10 Beena Isalele, p’abakatukile kwakwa, abaîle bakashimika musuumba waabo peepi na kaka kalunga ka mema ka Malengye. 11 P’abakatukile kwakwa, abaîle bakeushimika ku kabaaka ka Shine. 12 P’abakatukile kwakwa, abaîle bakeushimika ku Ndopoka. 13 P’abakatukile kwakwa, abakeushimikile ku Alusha. 14 P’abakatukile kwakwa, abakeushimikile ku Lepidima, kwakwa ta kubaadi mema a kutoma, nya. 15-36 Kubanga ku kabaaka ka Sinai mpaa na kukafika ku Kandeshe, kibalo ki mu kabaaka ka Shinyi beena Isalele abaadi abafwabashimikanga musuumba waabo mu ano mambalo : Kibilote-Taawa, Aselote, Ditema, Dimone-Pelese, Libina, Disa, Keelata, ku mwengye wa Shepele, Kalanda, Makelote, Takata, Telaka, Miteka, Kashamona, Moselote, Beneyakana, Ole-Ngidinganda, Yotobata, Abolona, Eshyone-Ngyebele. 37 P’abakatukile kwakwa, abakeushimikile ku mwengye wa Ole ku nsongo kw’eumbo dya *Endome. 38-39 Muîle eyi dya Yepowa tshiite-mwakwidi Alono bakaamine ku yawa mwengye wa Ole, afwila kwanka, ê na bipwa lukama na makumi abidi na bisatu. Mubaadi mwifuku dya kwibedi dya mweshi wa kataano wa kipwa kia makumi ananka, nabo kutuuka mwiumbo dya Eshipitu. 40 Penyipapa nfumu Alanda, mwina Kanaana %6baadi mushaale ku sunde kw’eumbo dya Kanaana, beûkile’shi, beena Isalele mbaba abafiki. 41-47 Kukatuka ku mwengye wa Ole mpaa na kukafika ku muswela wa mamwengye wa Abadima e mu ntalañeno a ku mwengye wa Nebo, beena Isalele abaadi abafwabashimikanga musuumba waabo mu ano mambalo : Salamona, Punone, Obote, Iye-Abadima, mbalo i ku mudyanyino wa Moabe, Dibone-Ngada na Alomone-Ndjibilataima. 48 P’abakatukile kwakwa ku muswela wa mangulu, abakeushimikile mwibanda dya musulo wa Yondano, eshiya dya beena Moabe, nkunkula a Yondano, mu ntalañeno a kibalo kia Yediko. 49 Wawa musuumba waabo ubaadi ku bukunkula bwa wawa musulo pa nkatshi pa Beteyeshimote na Abele-Shitshima. 50 Pa baadi beena Isalele mbashaale mwamwa mwibanda Yepowa bakamikile Mose’shi : 51 « Lungula beena Isalele bino : P’anukaabuka musulo wa Yondano na kutwela mwiumbo dya Kanaana, 52 anukafilula beena Kanana bôso mu dyadya eumbo papa p’anukafiki. Nukashimishe mankishi aabo ooso, aa akitshîbwe na mabwe mpaa na akitshîbwe na bilonda. Nukabumbule bite bi mu mambalo %6e mu myengyé, mw’abalangwila befile baabo. 53 Anukanyengye eumbo dyaabo, nushaale mwanka, mwanda naapu kwinupa dyanka by’adidya kwikala bu dyenu. 54 Anukata bubale mwanda wa kwiabishêna dyanka muyiile bisamba na bifuko bya bansh’enu. Kifuko %6ki na bantu be bungi, anukekipa kipindji kia nsenga kikata, ki na bantu bapêle namu kipindji kipêla. Kifuko na kifuko akikapete kyaakyo kipindji kia nsenga muyiile amupôna bubale. 55 Anka, su t’anukafilula bantu bôso mu dyadya eumbo papa p’anukafiki, baaba b’anukalekye mwanka abakenukalakasha’nka bu kasoma ke mwiiso sunga bu milobo înutungwe mu mbafu. Abakekala abenwibwela ngoshi butôkyele buidile. 56 Dingi, byabya byankyenanga’mi Yepowa kwibakita, nakenukitshi’nwe byanka ». 34 34 Midyanyino w’eumbo dya Kanaana (Yos 15:1-4 ; Esek 47:13-21 ; Yos 13:1-8) 1 Yepowa balungwile Mose’shi : 2 « Kakamikye beena Isalele bino : p’anukatwele mwiumbo dya Kanaana, dyadya dy’anukeabishêna bu dyenu dyenu, adikekala na midyanyino i bino : 3 lupese lwa ku sunde, mudyanyino wenu aukabangila dya ku kabaaka ka Shinyi aukalondo eumbo dya *Endome. Aukabanga lupese lwa kutunduka nguba ku nsongo a *kalunga ka mema a Mungwa, i ku lupese lwa ku sunde. 4 Aukekonyo, utadile dya ku lupese lwa ku sunde a mwengyé wa Tuminu na mu kibalo kia Shinyi mpaa na ku sunde kwa kibalo kia Kandeshe-Baanea. Aukakîla na ku Kasala-Andala mpaa na Ashomone. 5 Dya ku Ashomone, aukakonyo, wende ukafikye na ku kikolakola, akyo mudyanyino w’eumbo dya Eshipitu, ukafudîle ku *kalunga ka mema Kakata. 6 « Dya lupese lwa kupona nguba, kalunga ka mema Kakata nyi akakekala bu mudyanyino wenu. 7 « Lupese lwa ku nôlo anukatshibi mudyanyino wenu kubangila ku kalunga ka mema kaka Kakata nukeukishe mpaa na ku mwengye wa Ole (u). 8 Kukatuka ku mwengye wa Ole, nukeukishe mu kibalo kia Lebokamata na kia Sendanda. 9 Aukaididîla na ku Shipilone, ukafudile ku Kasalenane. Byabya nyi abikekala mudyanyino wenu wa ku nôlo. (u) 34:7 Uno ngulu ta nyawa bafwidile Alono, nya. Uno e ku ingi nsongo y’eumbo. Tala 20:22 10 « Lupese lwa kutunduka nguba, anukatshibi mudyanyino wenu kubangila ku Kasalenane, nukeukishe mpaa na ku Shepame. 11 Kukatuka ku Shepame, utadîle ku Dibila ku lupese lwa kutunduka nguba kwa Ayina. Kukatuka kwakwa, aukalaala ukakume mpaa na ku lupese lwa kutunduka nguba kw’eshiba dya *Kinelete. 12 Aukafiki na ku musulo wa Yondano, walaale n’ao, ukafudîle mpaa na mu kalunga ka mema a Mungwa. Yaya nyi aikekala midyanyino y’eumbo dyenu ». 13 Mose balungwile beena Isalele dyadya ekoma dya Yepowa. Ku nyima, ebalungulanyi’shi : « Byabya nyi bi eumbo dy’anukeabishêna pa kwiditêla bubale, dînyi di’abakamikile kwi Yepowa kwidyabila ku bisamba byenu kitema kipindji. 14 Mwanda beena Lubeene na beena Ngada mpaa na kipindji kia pa nkatshi kia beena Manase mbapwe kutambula byaabyo bipindji bya nsenga muyiile mashibo aabo. 15 Byabya bisamba bibidi na kipindji mbipwe kutambula byaabyo bipindji bya nsenga bi adya eshiya dya Yondano dya lupese lwa kutunduka nguba, mu ntalañeno a kibalo kia Yediko ». Babasangwilwe bu ba kwabila eumbo dya Kanaana (Yos 14 ; Kab 13:1-16) 16 Yepowa bakamikile Mose’shi : 17 « Tshite-mwakwidi Eleasala na Yoshwa mwana a Nuna abakekala na mudimo wa kwabila beena Isalele eumho dya Kanaana. 18 Dingi, anukaata mukunkushi mu kisaamba na kisaamba a kwibakwasha ku wawa mudimo. 19-28 Ano nyi mashina a baaba bakunkushi b’anukaata : beena Yuda : Kalebe, mwana a Yepune beena Shimeono : Shemuele, mwana a Amiunda beena Beshamee : Edindanda, mwana a Kiselone beena Dana : Buki, mwana a Yongidi beena Manase, ba ku musuku wa Yosefe : Kanyele, mwana a Eponde beena Efalayime, ba ku musuku wa Yosefe : Kemwele, mwana a Shipitana beena Sabulone : Edisapana, mwana a Paanaka beena Isakala : Palatshiele, mwana a Asane beena Aseele : Akikunda, mwana a Shelomi beena Nefutali : Pendaele, mwana a Amiunda ». 29 Baba nyi b’abakamikile kwi Yepowa by’abadya kwabila beena Isalele eumbo dya Kanaana. (Yos 21 ; Kwa 12-19) 35 35 1 Pa baadi beena Isalele mwibanda dya musulo wa Yondano, eshiya dya beena Moabe, nkunkula a Yondano, mu ntalañeno a kibalo kia Yediko, Yepowa balungwile Mose 2 by’adya kukamika beena Isalele bino abilondo : « Mu bipindji bya nsenga by’abakenupa bu byenu byenu, nukape beena Lefi mwanka byaabo bibalo mpaa na bimwaa bya lubishi bîbifunyishe. 3 Byabya, beena Lefi abakekêla na byabya bibalo by’abadya kushaala. Byabya bimwaa abikekala bya nyema yaabo ya ñombe mpaa na bya bingi bimunwanga byaabo bioso. 4-5 Byabya bimwaa abikabangila paasha pa kipempe kia kibalo, byende mpaa na ku metela nkama itaano ku lupese lwa kutunduka nguba kwa kibalo na lwa ku sunde na lwa ku kupona nguba mpaa na lwa ku nôlo. Anukatshibi kimwaa ki môso môso, ki na metela kinunu ku lupese lumune, kyêle kibalo mu nkatshi. 6 Bakapenyi beena Lefi bibalo bisamombo, bilombêne yawa baipaa muntu mu masaku asûkila. Abakebatentekyela bingi bibalo makumi ananka na bibidi. 7 Byabya, bibalo bioso bya beena Lefi abikekala makumi ananka na mwanda, na bimwaa bîbifunyishe. 8 Kisamha na kisaamba kia beena Isalele akikapa beena Lefi bibalo muyiile bukata bwa kipindji kia nsenga kyaakyo. Kyakya ki na kipindji kia nsenga kipêla kikebape bibalo bibadikye. Kyakya namu ki na kipindji kia nsenga kikata kikebape bibalo bi bungi ». Bibalo bya kusûkila (Kwa 4:41-43 ; 19:1-13 ; Yos 20) 9 Yepowa bakamikile Mose, 10 by’adya kukaalungula beena Isalele bino’shi : « P’anukaabuka musulo wa Yondano na kukatwela mwiumbo dya Kanaana, 11 anukasangula mwanka bibalo bya kusûkila, bilombêne muntu %6baipaa mungi muntu mu masaku emusûkila. 12 Byabya bibalo abikekala bu bya kusûkila, mwanda wa kupanda kwi yawa e na matalwa a kobola ngo. Byabya, yawa muntu %6ipaishêne t’akaipaîbwa kwibedi kwa baaba abalêsha mpala ya mwilo wa beena Isalele ta babandjile kutshiba kilumbu kiaye, nya. 13 Ku byabya bibalo by’anukapa beena Lefi, amukekala bibalo bisamombo bya mwa kusûkila, 14 bisatu dino eshiya dya Yondano, bingi bisatu mwiumbo dya Kanaana. Mwina Isalele ooso, sunga mwenyi mubande kushaala mu nkatshi mwaabo, sunga yawa mubande kushaala mafuku apêla, aipaa muntu mu masaku, mmulombêne asûkila mu kibalo kimune kia mu byabya bibalo. 16-18 « Anka, su muntu akupila mwin’ê na kintu kilombêne kumwipaa, bu kilonda sunga ebwe sunga mutshi, yawa muntu akupilanga afwa, yawa muntu nyi ntomboshi baipaishêna %6aipaîbwe namu’nka kwipaîbwa. 19 Yawa muntu %6e na matalwa a kobola ngo nyi akaipaa yawa ntomboshi pôso p’afumankêna n’ê. 20 Su muntu êla mwin’ê elundu mu kifita, sunga nkumwasa kintu ê mupwe kumwatshila kitshibilo, yawa muntu afwa, 21 sunga’shi, amukupila ekofi pa mwanda wa mushikwa w’adi n’ê, yawa muntu afwa, yawa mukupilanga nyi ntomboshi baipaishêna aipaîbwe namu’nka kwipaîbwa. Yawa %6e na matalwa a kobola ngo nyi akaipaa yawa ntomboshi pôso p’afumankêna n’ê. 22 « Anka muntu mmulombêne ekokola mwin’ê kushi mu kifita, sunga nkumwasa kintu ê kushi kumwatshila kitshibilo, yawa afwa. 23 Sunga’shi, mmulombêne kumuponêsha ebwe kushi munkyebelo, dyadya ebwe dyamwipaa, kwash’ekalanga n’ê mushikwa sunga kukimba bya kumukita bi bubi kwibedi. 24 Mu yaya myanda i byabya, baaba abalêsha mpala ya mwilo wa beena Isalele abakabingisha yawa mwipaishêne, kushi kupa yawa e na matalwa a kobola ngo matalwa a kumwipaa. 25 Byabya, abakalamwina yawa ipaishêne kwi yawa e na matalwa a kobola ngo, baalushe yawa ipaishêne mu kyakya kibalo kia kusûkila mwekele mukatukye. Akashaala mwanka mpaa n’apakafwila yawa tshiite-mwakwidi e pa nundu. 26 Su yawa ipaishêne atuuka paasha pa kyakya kibalo kia kusûkila, 27 yawa muntu %6e na matalwa a kobola ngo amubanga, amwipa, t’e na mwanda, nya. 28 Mwanda yawa ipaishêne, w’adi n’ao ngwa kushaala’nka mu kyakya kibalo kia kusûkila, mpaa n’apakafwila tshiite-mwakwidi e pa nundu. Ku nyima kwa lufu lwê, yawa ipaishêne e na matalwa a kwaluka ku kibalo kyaabo. 29 Yaya nyi mmilangilo y’anudya nkalonda, mpaa na ku bipungilo byenu bioso abikalondo, kôso kw’anukashaala. (Kibang 9:5-6 ; Kik 21:12-14 ; 2 Sa 21:1-14) 30 « Su munta aipaa mwin’ê, akaipaîbwa namu pa kupusha bishima bya tumonyi Bishima bya penda kamonyi kamune ta mbilombêne kwipaisha muntu, nya. 31 T’anukumanga kutambula nkulwa ya muntu mulombêne lufu. W’adi n’ao ngwa kwipaîbwa’nka kwipaîbwa. 32 T’anukatambulanga nkulwa ya muntu akyebe kukatuka mu kibalo kia kusûkila kwibedi kwa tshiite-mwakwidi, e pa nundu kufwa. 33 T’anukekashanga eumbo dy’anukashaala bu dishi dya kishila, mwanda kutombokyela muntu nkumwipaa akwikashaa eumbo bu dishi dya kishila. Su batombokyela muntu bamwipaa, anka kwipaa kwa yawa ipaishêne nyi akukalombasha abitungwaa kukita bilombêne eumbo dyatôshîbwa. 34 T’anukekashanga eumbo dy’anukashaala bu di butete, mwinyi mwankashaala’mi nabêne mu nkatshi mwenu. Mwanda mbînyibînyi, ami Yepowa nashaalaa mu nkatshi mwenu’nwe beena Isalele ». 36 36 Kwibakilwa kwa baana bakashi bapyane bipindji bya nsenga (Kab 27:1-11 ; Yos 17:3-4 1 Beena Ngilanda abaadi ba ku musuku wa Yosefe, mwanda Ngilanda baadi mwana a Makila, mwana a Manase. Bînyibyabya, mitwe ya mashibo a kyakya kifuko, abafikile kwi Mose na kwi bangi bakunkushi ba beena Isalele, baaba %6abaadi mitwe ya mashibo a bisamba, ebamulungula’shi : 2 « Obe nfumwetu Mose, pa bakukamikile Yepowa kuta bubale pa kwitwabila’twe beena Isalele eumbo, taa bakukamikilenyi kupa baana bakashi ba tutu etu Selopande kipindji kia nsenga kia nsh’aabo’be ? 3 Su baana balume ba mu bingi bisamba bya beena Isalele bebêbakila, byaabo bipindji bya nsenga abikalamûnwa ku kipindji kia kyetu kisaamba, bikatentekwe ku byabya bisamba bya balume baabo abebêbakila. Byabya, kyakya kipindji ky’abatêlêle bubale pa kwitupa, nkyanka akikapele. 4 Dingi, mu kipwa kia Buluñantu, kyakya kia kwalwisha bantu bintu byaabo, byaabo bipindji bya nsenga abikakatukidîla mu kisaamba kyetu na kwiididîla mu bisamba bya balume baabo ». 5 Mose balungwile beena Isalele, muyiile eyi dya Yepowa’shi : 6 « Baba ba ku musuku wa Yosefe be na kabingilo. Yepowa bakamika bino bitale mwanda wa baana bakashi ba Selopande : mbalombêne kukatwela kwi mulume ooso aabapusha buwa, anka yawa mulume ekale’nka a mu kisaamba kia nsh’aabo. 7 Byabya bipindji bya nsenga bya beena Isalele t’abikekala abikatuka mu’ki kisaamba, abyende mu’kyaa, nya. Mwina Isalele ooso akashaala’nka na kipindji kia nsenga kia kisaamba kia bankambwa baaye. 8 Su mwana mukashi a mu kisaamba kimune kia beena Isalele apeta bupyanyi bwa kipindji kia nsenga, w’adi n’ao ngwa kwibakilwa’nka mu kifuko kia mu kyakya kisaamba kia nsh’ê, bya kwikala kisaamba kyôso kia beena Isalele akilama kipindji kia nsenga ya bankwambwa baabo. 9 Mu kyakya kipaso, ta kwi kisaamba sunga nkimune akikashimisha kyaakyo kipindji kia nsenga. Kisamba na kisaamba kia beena Isalele akikalaminyina kyaakyo kipindji kia nsenga ». 10-11 Baana bakashi ba Selopande, ba Makala na Tilesa na Kongola na Mileka mpaa na Noa abakitshîne muyiile by’abakamikile Mose kwi Yepowa, batwela kwi baana ba bakwaabo na nsh’aabo. 12 Abaibakilwe’nka mu kifuko kimune kia mu kisaamba kia Manase, baaba ba ku musuku wa Yosefe. Byabya, bipindji byaabo bya nsenga bibashêle’nka mu kyakya kifuko na mu kyakya kisaamba kia nsh’aabo. 13 Yaya nyi mikamiko na bitshibilo by’abapele Mose p’abaadi bakí mwibanda dya musulo wa Yondano, eshiya dya beena Moabe, nkunkula a Yondano, mu ntalañeno a kibalo kia Yediko. \z